صعب الفراق

من طرف نوره الأربعاء يوليو 01, 2009 4:20 pm

حاجة صعبة اوى انك ما تقدرش تشوف شخص بجد قريب ليك اوى حتى لو كانت ظروف الحياة تخليك نادر لما تشوفه بس ساعة ماتروحلة وتكلم معاه تعرف انك بتحبه اوى.وتقول الايام جاية كتير هبقى اروح اشوفه واكلمه واطمن عليه.
والحكاية دى حصلت معايا انا شخصيا:قررت انى هروح وازوره خلاص واتصلت علشان اقولهم انى رايحلهم وبالمرة اصل رحمى وفعلا اكلمت وخلاص هاروح العصر ازوره .بس القدر تدخل وما رحتش او ادق كسلت وقلت خلاص هاروح اخر الاسبوع .
وكانت الصدمة فجر نفس اليوم اللى انا كسلت اروح فيه توفى.وماقدرتش اشوفه كنت حاسة انى بجد صغيرة اوى فى نظر نفسى .
عرفت وايقنت وادركت انى لاملك الوقت ولا الحياة وانى كنت مقصرة جدا فى حقه وحقى وادركت معنى احياة ومعنى الموت ومعنى الفراق.ماعداش على وفاته اكتر من شهر الا انه وحشنى جدا.
ياريت اللى يقرا الموضوع لو مقصر فى حق حد يروح يكلمه ويزوره ويعرف انها كبيرة جدا عند ربنا.
رجاء قراءة الفاتحة لكل امواتنا والدعاء بالرحمة لينا وليهم. :walk:

من طرف hend waheed الأربعاء يوليو 01, 2009 4:26 pm

ميرسى نوره عالتوبيك الهادف ده و فعلا ياريت الناس كلها تزور بعض وتصل رحمها ويرحم موتانا جميعا يارب

من طرف نوره الأربعاء يوليو 01, 2009 4:31 pm

شكرا باربى :walk:

من طرف omayma الأربعاء يوليو 01, 2009 4:37 pm

بجد فعلا انا حصل معايا نفس الموقف
وبجد انامن ساعة فراقه وانا بجد كل ما اروح هناك بحس بغربة شديدة جدا
ربنا يرحم موتانا وموتى المسلمين

ااااااااااااااااه قلبتى عليا المواجع يا نورا مع ان عمره ما راح عن بالى

من طرف نوره الخميس يوليو 02, 2009 2:52 pm

معلش يا mima انا مش قصدى حد يزعل بس لازم نفكر فى حاجة زى دى

من طرف Active man الخميس يوليو 02, 2009 3:12 pm

بجد موضوعك مهم اوى يانوره ويااااااااااااااااااااارب يصبرك
ويااااااااااااااااااااااارب يرحم جميع اموات المسلمين

انا هاخد بنصيحتك وهتصل بحد مهم بالنسبة ليا دلوقتى حالا وشكراااااااا

Iam not the best but iam different