نصائح للشباب مهمة اوعى تفوتك

من طرف heba الثلاثاء يونيو 23, 2009 3:50 pm

[اخى واستاذى الفاضل لو ربنا فك عقدتك وخطبت فاليك نصائحى حتى تاخذ بخطيبتك من مركز الخطوبة اللى محدش عارف هترسى على ايه الى مثواه الاخير فى قفص النسانيس قصدى قفص الزوجية السعيد
اجمل ما فى الخطوبة العزومات الرومانسية على احلى محلات اكل فى البلد واللى عمرها ماهى شايفاها بعد الجواز المهم نصائحى لك عند اى عزومة مع خطيبتك 1_الاول لازم تعرف ان الشوكة والسكينة بيتمسكوا من ايدهم من الطرف يعنى مش من الوسط ولا من البوز زى المطوة 2_العيش اوعى تفضحنا وتقطعه بسنانك ولا الرغيف نصين بايدك وكل نص لقمة وتحشر اوعى العيش بيتقطى بالسكينة فى الطبق وبعدين تاخد لقمة لقمة بالعافية قال يعنى نفسك مسدودة اضغط على اعصابك جدا وبعدين لما تروح ابقى حف زى ما انت عايز 3_ الشوربة.....ابوس كعب رجلك....بند الشوربة دة مهم جدا الشوربة تتشرب من غير صوت خالص ومن غير ما تقعد تنفخ فيها زى القهوجى اللى بينفخ فى الحجر للزبون وطبعااااااااااااا عايزاك تنسى خالص السلطانية اللى بتبقى على بقك غى البيت انسى بالمعلقة وبدون صوت...سخنة....ولعة برضه من غير صوت 4_الرز طبعا بيتاكل بالشوكة اوعى ايدك تتمد ع المعلقة وتغرف من طبق الرز وتعبى اوعى الرز بالشوكة وكانك بتبوسه مش بتاكله 5_المكرونة الاسباجتى برضه بالشوكة تتلف على طرف الشوكة لحد ما تخلص وبعدين تحطها فى بقك من سكات مش تشفط المكرونة عود عود 6-السمك....مشكلة...شوف...بتفصل اللحم عن الشوك ازاى؟؟؟ تقطع اللحم من النص بالطول وبعدين تفرد اللحم على الجانبين ولما تخلص ناحية متقلبش السمكة بلاش فلح شيل السلسلة بالشوكة والسكينة وحطها فى حنب الطبق وكمل اكل النص التانى وبدل الفيلم الهندى دة نصيحة متكلش سمك خالص قولها مبحبش السمك وخلص نفسك 7- الجمبرى اذا كنت عارفه اول ما طبق الجمبرى ينزل بصله بقرف واحتقار شديدين قال يعنى زهقان من كتر اكل الجمبرى الجامبو فى بيت بابا واتنهد جامد وقول برضه وتروح قاطع راس الجمبرياية انا فى عرضك انسى المصمصة دلوقتى 8-البطاطس سواء مسلوقة او محمرة اوعى تهرسهالا وتدبها ع الرز وتدى اوعى لا لا لا بالشوكة حتة حتة وانت زى ما تكون هتعيط من كتر ما البطاطس صعبانة عليك 9- الفاكهة لو الفاكهة فيها بذر طلعه من بقك بالراحة وحطه فى ايدك وهى مقفولة وبعدين فى طفاية السجاير اللى ع الترابيزة انسى نظام التفتفة خااااااااااااالص 10_ ولما تخلص اكل حط ايدك على بطنك اللى بتصوصو من العبنات اللى اكلتها وتقولها مش ممكن انا عمرى ما اتفجعت كدة وتمسك الفوطة اللى ع الترابيزة وتبوسها قال يعنى بتمسح بقك وبعدين تستاذنها تغسل ايدك عشان تعرف تطلع الفلوس وتخش التواليت وتطلع من جيبك لفة الفول والطعمية اللى جايبها معاك وبالهنا والشفاااااااااااااااااااا منقوووووووول يارب يعجبكم