رد: فضفضة

من طرف Mostafa ElShirbeny الأربعاء أغسطس 12, 2009 4:17 am

نمتو و لا ايه؟؟

من طرف MeGa الأربعاء أغسطس 12, 2009 4:20 am

انا معاك اهه

من طرف KAZKOZA الأربعاء أغسطس 12, 2009 4:23 am

لأ انا جيت اهه

من طرف hero الأربعاء أغسطس 12, 2009 4:24 am

ربنا يرحمه يا د/اسراء ويسكنه فسيح جناته
الموقف صعب جدا وربنا يكون فى عون اختك ويعينها على تربية الاطفال وتكون عوض ليهم عن الاب

من طرف Mostafa ElShirbeny الأربعاء أغسطس 12, 2009 4:25 am

انتوا ماقلتوش اى حاجه غير كلمة اهه

حد يقترح موضوع او حد يحكى موقف زى ما د.اسراء عملت

من طرف KAZKOZA الأربعاء أغسطس 12, 2009 4:27 am

Ahmed Napeeh كتب:وانتي طيبة بالصحة والسلامة يا رضوى

وبعدين مفيش سلة زبالة جمبك ولا ايه ؟
اي كلام ميعجبكيش
تقفي بعيد وتنشني عالسلة وترمييييييييييييييييييي
واللي يقول يقول

لأ فيه جنبي اهي ..
بس مش دايما بعمل كده .. فيه حاجات لازم اعرف ليه اتعملت او ليه اتقالت .. ع الاقل عشان لو فيه سوء فهم .. او عشان لو فيه حاجه فيا اصلحها .. بس مش اكتر ..
عموما خلاص الموضوع عدى .. شهادتكوا دي لوحدها كفايه عندي اوي ..

من طرف hero الأربعاء أغسطس 12, 2009 4:27 am

ممكن افضفض معاكم شوية

من طرف MeGa الأربعاء أغسطس 12, 2009 4:27 am

اوكي يا صاصا
الله يرحمه د/إسراء

من طرف KAZKOZA الأربعاء أغسطس 12, 2009 4:29 am

اوك .. حد يحكي ..
اتفضل يا هيرو :okok:

من طرف KAZKOZA الأربعاء أغسطس 12, 2009 4:35 am

الو ؟؟

من طرف hero الأربعاء أغسطس 12, 2009 4:37 am

احنا موجودين يا رضوى
طب اتفضلى احكى انتى

من طرف Mostafa ElShirbeny الأربعاء أغسطس 12, 2009 4:39 am

يا راجل؟؟؟
طيب
اتفضلى يا رضوى

من طرف KAZKOZA الأربعاء أغسطس 12, 2009 4:50 am

طيب يعني انا هتكلم لوحدي ؟؟

من طرف Mostafa ElShirbeny الأربعاء أغسطس 12, 2009 4:57 am

لا اتفضلى انا موجود

من طرف KAZKOZA الأربعاء أغسطس 12, 2009 5:35 am

اوك .. زي اسراء ما قالت عشان الاستفاده أنا هحكي حاجه معينه يمكن اصعب ما لاقيت .. ومش هقول وفاة أمي الله يرحمها لأني لحد دلوقتي مش مستوعبه ..
وحاسه ان هو حاجه اكبر من تصوري بكتيييييييييييييير
عشان كده مش بحاول افتكر أو افكر ف حاجهات معينه لأنها بتوجعني اوييييييييييييي ..

المهم .. أنا هتكلم عن بداية تعب بابا .. بجد كانت من أصعب وأبأس الفترات اللي عشتها في حياتي ..

لأنها حاجه جديده جدا عليا واول مره اشوف بابا كده ..
و اصلا تعب بابا لوحده كان كفايه علينا بس حصلت كمان مشاكل كتيييييييييير

بس مع اني اصغر اخواتي الحمد لله كنت شايله مسئوليه كبيره مكنتش متوقعه اني هتحط ف يوم ف موقف زي ..
و كنت مسئوله عن حاجات بعملها لبابا ..
علاقتي بوالدي كانت طفيفه نوعا ما .. بس بعد التعب بجد بقينا صحاب الحمد لله
التاثير السلبي اني كنت ف الفتره دي عصبيه جدا .. وكتووووووومه .. ونفسيتي طبعا مفيش

التاثير الايجابي .. اني اتحملت مسئوليه وكنت داخله تانيه ثانوي والحمد لله اكتر سنه اتفوقت فيها دراسيا ..

اتعلمنا اننا مهما مرينا بظروف او مشاكل لازم ندي لنفسنا فرصه للراحه نعمل رفرش عشان نقدر نكمل ..
مش أي مشكله تخليني أضعف مثلا او ازهق او اتدايق من قدر ربنا ..

كفايه كده .. انا كنت متردده اصلا اني احكي .. أي سؤال ع المنهج ؟؟

من طرف Mostafa ElShirbeny الأربعاء أغسطس 12, 2009 6:07 am

لا كده الدرس تمام
فعلا لازم نتحمل الموقف الصعبه دى على اد ما نقدر و كونك وقفتى جنب والدك اعتقد من اكبر اسباب توفيق ربنا ليكى و ربنا يجعله فى ميزان حسناتك و يعوضك عن الايام دى بالاحسن ان شاء الله

من طرف Ahmed Nabeeh الأربعاء أغسطس 12, 2009 6:22 am

انا برضه مريت بموقف صعب اوي يا جماعه
ايام الامتحانات بجد لما مامتي تعبت
شفت بجد ايام اسود ايام حياتي
كفاية بجد الوحدة اللي الواحد كان فيها

ولا لما راحت المستشفى وكلام الدكاتره
اللي خلانا كلنا متعلقين في قشاية وهل امل بسيط ان ميكونش عندها حاجه خطيرة وتطلع حاجه بسيطة
طبعا ربنا يجازي اللي كان السبب في تعبها
بس الحمد لله انا لما كنت بسمع كلام الدكاترة لما تتحسن وترجع تتعب تاني

بجد كنت برجع البيت من المستشفى عامل زي اللي ميت اكلينيكيا

ماشي وخلاص كدا

ولا لما يبقى عندي امتحان الصبح ومش لاقي حد يصحيني
واخاف لو المنبه مضربش او الموبايل فصل شحن اني مصحاش ومروحش الامتحان

ولا الاكل
مكنتش بعرف هاكل ايه ولا اعرف ايه اللي هيحصل
بس الحمد لله اهي ايام وعدت
يا خراشييييي
كانت ايام سودة

وعلى راي كل اللي قالوا قبلي

الواحد لازم بيتعلم من المواقف الصعبة اللي بيمر بيها
وبيعرف منها انه عنده قدرة يعمل ايه حاجه في حياته ممكن يتخيلها بس
بيبقا ناقصه الاراده

مش هقول ان الموقف دا هو اللي علمني كل دا
انما هو زي ما يكون نورلي الطريق للموضوع دا

والحمد لله الواحد عرف كويس قد مامته اللي هي تقريبا كل حياتي
ومن غيرها مسواش

وانا مقدر كلامك يا رضوى
اكيد حاجه صعبة برضه لما تفقدي حد عزيز عليكي

بس ربنا يجعلها اخر احزانكم

ودمتم ......

من طرف KAZKOZA الأربعاء أغسطس 12, 2009 6:32 am

ودمنا ايه ؟؟
بس الحمد لله انها عدت ربنا ما يجيب حاجه وحشه بإذن الله
فيه دكاتره كده اصلا مش عارفه دخلوا طب ازاي !!! :angery:
شكرااااااا يا جماعه ع المشاركه

من طرف Mostafa ElShirbeny الأربعاء أغسطس 12, 2009 6:36 am

ايه يا جماعه الاحزان دى
ربنا يبعد عننا الهم و الحزن و يخليلنا امهاتنا و اباءنا
انا مش هحكى مواقف مشابهه مع بابا عشان كده كفاية عليكوا النهارده و مش عايز اضلمها بكلامى
انا شويه كده و جاى تانى

من طرف KAZKOZA الأربعاء أغسطس 12, 2009 6:41 am

اوك .. مستنيين مواقفك ان شاء الله ..
ونا شويه كده كام ساعه يعني واجي ان شاء الله
تصبحوا على صباح الخير :)

من طرف Ahmed Nabeeh الأربعاء أغسطس 12, 2009 6:44 am

ودمتم سالمييييييييييين

الحمد لله الدكتور دا كان خرووووووووف بس دخلها غلط

ولما جه دكتور تاني اكبر منه هزقه جامد اوي وخلى منظره
تيييييييت

بس الحمد لله الموقف عدى كله

وانا عاوز اقول حاجه
امبارح الصبح عالضهر كدا
الساعه 2 العصر
هههههههههه

نزلت لقيت العربية واقفة في امان الله قدام البيت ومخبوطة خبطة زي الفل

بجد انا ااتصدمت
وطبعا لو قعدت أعيط جمبها ييجي 6 سنين مش هعرف مين اللي عمل كدا
وانا اللي غلطان علشان معنتهاش في الجراش

وبابا مسافر ولما ييجي طبعا هيتفاجئ
وانا مش عارف اعمل ايه

اقوله اييييييييييييه

من طرف Ahmed Nabeeh الأربعاء أغسطس 12, 2009 6:46 am

كله نام؟؟

انا كمان هضرب غطس في السرير وأجي
باي

من طرف KAZKOZA الأربعاء أغسطس 12, 2009 4:01 pm

Ahmed Napeeh كتب:ودمتم سالمييييييييييين

الحمد لله الدكتور دا كان خرووووووووف بس دخلها غلط

ولما جه دكتور تاني اكبر منه هزقه جامد اوي وخلى منظره
تيييييييت

بس الحمد لله الموقف عدى كله

وانا عاوز اقول حاجه
امبارح الصبح عالضهر كدا
الساعه 2 العصر
هههههههههه

نزلت لقيت العربية واقفة في امان الله قدام البيت ومخبوطة خبطة زي الفل

بجد انا ااتصدمت
وطبعا لو قعدت أعيط جمبها ييجي 6 سنين مش هعرف مين اللي عمل كدا
وانا اللي غلطان علشان معنتهاش في الجراش

وبابا مسافر ولما ييجي طبعا هيتفاجئ
وانا مش عارف اعمل ايه

اقوله اييييييييييييه

oh!
قوله الحقيقه .. هو هييجي امتى ان شاء الله .؟؟

من طرف omayma الأربعاء أغسطس 12, 2009 4:04 pm

السالم عليكم يا جماعة يا اللى هنا

من طرف Mostafa ElShirbeny الأربعاء أغسطس 12, 2009 4:08 pm

لو حاجه بسيطة حاول تاخدها التوكيل تصلحها انت لو غير كده قول لباباك و ان شاء الله مفيش حاجه

من طرف Mostafa ElShirbeny الأربعاء أغسطس 12, 2009 4:10 pm

و عليكم السلام كيف الاحوال د.ميما
و ازيك يا رضوى
و شلونك يا نبيه