انت ليه مش بتمسك ابدى

من طرف omayma الإثنين يونيو 22, 2009 9:31 pm

انت ليه مش بتمسك ايدي:( ؟؟

Friends

"أنت ليه مش بتمسك إيدي وإحنا ماشيين في الشارع؟"
بلاش...افرضي حد من قرايبك شافنا؟ والا حد من أصحاب أخوكي في الكلية؟

إنشاء الله يا حبيبتي بكره نتخطب وامسك إيديكي ادام الدنيا كلها
.................................
Engaged

"أنت ليه مش بتمسك إيدي وإحنا ماشيين في الشارع؟"
"علشان مش عاوز حد يفتكر إننا علشان اتخطبنا هنصيع بقى ونعيش حياتنا..وبعدين
بصراحة كده أنا مستحرم...إن شاء الله بكره نتجوز بالحلال وامسك إيدك وإنتي مراتي

................................
Married
"أنت ليه مش بتمسك إيدي وإحنا ماشيين في الشارع؟"
يا حبيبتي إحنا مش مراهقين بقى هنمسك إيد بعض في الشارع دحنا ناس
متجوزين ومحترمين وعندنا بيت نعمل فيه اللي عاوزين نعمله!!!
.................................
Married with Children

أنت ليه مش بتمسك إيدي وإحنا ماشيين في الشارع؟
يعني امسك إيدك والا امسك إيد البنت والا اشيل الأكياس دي كلها!!!!؟
.................................
Married for 25 years
"أنت ليه مش بتمسك إيدي وإحنا ماشيين في الشارع؟"
إيدك إيه بس اللي هامسكها دلوقتي!!! إنتي عاوزه جوز بنتك يقول علينا كبرنا وخرفنا!!!؟؟؟؟

:D:D:D:D