لو الاكونت بتاعك ع الفيس اتقفل ترجعه تانى ازاى ؟؟؟

من طرف Eman Iran الخميس يونيو 18, 2009 3:36 pm

دى مجرد مجموعة ملاحظات و خطوات عن حاجة ممكن تحصل لاى حد
على الفيس
بوك و بيقوم بنشاط زائد بصفة مستمرة زى مثلا انه يكون
ادمن لاكثر من جروب و بيقوم بارسال رسائل كثير للمشاركة و
الاقتراحات و دعوة اعضاء للانضمام للجروبات دى و بالتالى
النشاط الزائد للاكاونت ممكن يعرضه لان الاكاونت بتاعه يتقفل و
فى الحالة دى مش هيقدر يدخل على الفيس بوك من اساسه لغاية ما الاكاونت
يرجع و لازم فى العموم كده ناخد بالنا من نقطتين مهمتين

النقطة الاولى: هو ليه الاكاونت بيتقفل اساسا؟
===========================
و اجابة السؤال ده مش واضحة حتى فى ردود
اعضاء ادارة موقع الفيس بوك نفسهم على السؤال ده فى
المراسلات معاهم لكن فى معالم و حاجات هامة كده ممكن تؤدى لقفل
الاكاونت و من ضمنها مثلا ارسال عدد كبير من الرسائل فى وقت قصير جدا (زى
مثلا انك تبعت عشر رسائل فى اقل من ربع ساعة) و فيه برضه انك تكتب على ال
walls
بتاعة جروبات كتير فى وقت قصير نسبيا و فيه اسباب اخرى
كتير ممكن تؤدى
لان الاكاونت يتقفل لو ما اخدتش حذرك و انت بتستخدم الفيس
بوك
و فى مؤشر ممكن يساعدك جدا قبل ما الاكونت
يتقفل و هو انك بتلاقى رسالة تحذيرية باللون الاحمر
بتظهرلك فجأة لما تيجى تعمل اى نشاط على الفيس بوك زى انك تبعت او
ترد على رسالة مثلا و الرسالة دى مش معناها ان الاكاونت اتقفل و لكن
معناها انه على وشك انه يتقفل لوكملت بنفس الطريقة و النشاط الزيادة و
تجاهلت الرسالة دى و برضه ساعتها بيجيلك رسالة تحذيرية على الميل بتاعك من
موقع الفايس بوك و ساعتها نصيحة توقف كل نشاطاتك على الفيس بوك لمدة 12
ساعة على الاقل يعنى نص يوم و لما ترجع ما ترجعش بقوة بارسال رسايل و كده لا
ارجع بهدوء و حاول ما ترجعش تكثف نشاطك تانى الا بعد مرور يوم كامل على
الاقل من اختفاء الرسالة التحذيرية دى

و برضه كأجراء احتياطى لازم
تكون عامل اكاونت تانى لك بايميل تانى طبعا و الاكاونت ده تخليه ادمن على
كل الجروبات اللى انت ادمن عليها بالاكونت الاساسى بتاعك و تخلى الاكونت
ده على جنب كده احتياطى عشان تقدر تدخل على الفيس بوك لو الاكونت بتاعك
اتقفل و فيه ناس بتحب تخليه فريند لكل الاصدقاء بتوعهم و كده وا ن كنت
اعتقد ان ده مش مهم لان الاكاونت ده فى الواقع احتياطى بس و انقاذ موقف و
مافيش اى اكاونت هيكون زى الاكونت الاساسى بتاعك

النقطة الثانية: ازاى نرجع الاكاونت لما يتقفل؟
=========================

طب تعمل ايه لو الطوبة جت فى المعطوبة و
الاكاونت اتقفل فعلا؟..فى الحالة دى ممكن تستنى لما الاكونت
يرجع لوحده فى خلال فترة زمنية معينة و لكن ده فى رايى حل مش
فعال و ممكن يخليك تستنى كتير لكن عشان تعجل برجوع الاكاونت بتاعك تبعت
لازم رسالة لموقع الفيس بوك من الايميل اللى انت كنت عامل بيه الاكونت اللى اتقفل و الايميل اللى هتبعت عليه الرسالة دى هو
disable@facebook.com
و الصيغة اللى ممكن تستخدمها فى ارسل الميل
ده لازم تكون محتواة على بيانات الاكونت بتاعك و رغبتك فى
عودة الاكونت مع اعتذار خفيف عن اساءة استخدام خواص الموقع و
وعد بعدم تكرار ذلك فى المستقبل و انا كتبت لكم الخطوات و صيغة الايميل
فى الجزء النهائى من الموضوع ده

و قد يستغرق الرد على الايميل من
يومين لاسبوع و لو عدى اسبوع او عشر ايام مثلا من غير رد ابعتلهم تانى
لغاية ما يردوا و لغاية ما الاكونت يرجع استخدم الاكونت الاحتياطى
بتاعك فى متابعة الجروبات بتاعتك و الردود و يفضل يكون اسم الاكونت
الاحتياطى مشابه لاسمك و الصورة بتاعته تكون نفس صورة الاكونت الاصلى بتاعك و طبعا زى ما قلت قبل كده لازم يبقى ادمن على الجروبات
بتاعتك
و اليكم اخيرا الخطوات و صيغة الرسالة اللى تبعتهل لادارة
موقع الفيس بوك لاعادة الاكاونت
==============================================

Send this email to disable@facebook.com from your email (the email you use in
your face book profile)

-------------------------------------------------------------------------------------------
To: disabled@facebook.com

Subject: Account Disabled Issue

-------------------------------------------------------------------------------------------
Hello Customer Support Team,

First of All, I would like to thank you in advance for your help and support

My problem is that my Face Book account was disabled since (put here the date
when your face book account was disabled) and I would like to ask you for
re-activating it again

The rules and regulations of the Face Book which determine the use of certain
features was not very clear to me but after taking a look on it in the Help
Center - Spam section, I found out why my account was disabled and I assure you
that the cause of blocking my account, which is the incorrect use of the
messages feature according to your regulations, was not by any way out of evil
will of me and was totally by accident

I will really appreciate if my account could be re- activated again promising
you that I will avoid the incorrect use of the Face book features in the future

My Face Book Account Info:

Name: (put your name here)

Email: (put your mail here – the mail exists in your face book profile)

Thanks in advance for your support,

Best Regards,

منقول