رد: لعبة الصراحة

من طرف Den.emoOo الأربعاء يونيو 24, 2009 5:57 am

طب يلا جاوبوا على سؤالى بقى؟؟؟

من طرف Mostafa ElShirbeny الأربعاء يونيو 24, 2009 5:58 am

هتصدقى لو قلتلك تقريبا معملتش حاجه فظيعه و انا صغير
اكبر حاجه عملتها انى و انا صغير حرقت لبابا شريحه الموبايل و طبعا كان لسه طالع ايام ما كان الخط ب 750 جنيه و حاجات كده و اضطر يروح الشركه يدفع مبلغ عشان يرجعه تانى
يعنى ده اخرى لانى كنت طفل طيب فوق ما تتخيلى و ما كنتش شقى اطلاقا

من طرف Den.emoOo الأربعاء يونيو 24, 2009 6:01 am

هههههههههههههه

ايه ده انت انت كنت غريب اوى

هو فيه حد كان طيب اوى كده وهو صغير

lol lol lol

دا انت ليك الجنه والله

lol lol

طب حد تانى يسال بقى

من طرف omayma الأربعاء يونيو 24, 2009 6:03 am

لا هاحكى ايه ولا ايه
بس انا ممكن احكى عن موقف كل ما افتكره افطس على نفسى من الضحك
كنت فى المدرسة رئيسة الفصل وبعدين اخويا الصغير كان معايا فى نفس المدرس
المهم مرة كتبت اسامى العيال اللى كانت بتتكلم والمهم الميس جت وضربت الاسامى اللى عالسبورة
وبعد ما اليوم الدراسي خلص وانا مروحة عالبيت لقيت واد من اللى اضربوا من الميس ماسك احمد اخويا وبيضربه فى الشارع قمت انا جريت وبالزمزمية وفى دماغه والواد يا عينى وشه معدلوش ملامح
وطلعت اجرى انا واحمد عالبيت وانا قاعدة اعيط لبابا واقوله كان فى ولد قاعد يضرب احمد وكان هيموته
بابا قعد يهدينى وقالى خلاص انا هاجى معاكى المدرسة بكرة
وتانى يوم بابا راح المدرسة لقى الواد دماغه متجبسة خالص وجايب ابوه
وبابا بجد مكنش مصدق ان بنته الغلبانة يعنى تعمل كده وكان شكله محرج جدا

بجد كل مافتكر الموقف افطس على نفسي من الضحك
طفولة مشرده