اتعلمتوا ايه السنادي؟؟؟؟؟؟؟؟؟؟

نوره كتب:الن بقى اتعلمت يعنى ايه الاعتماد على نفسى خصوصا فى حكاية المذاكرة لانى كنت واخدة على ان المدرس هو اللى يقول هنسمع كذا هنمتحن فى كذا اكيد كنت بذاكرفى السنين اللى فاتت.
اما السنة دى فانا حسيت انى بجد مانفعش ابقى دكتورة مسئولة عن سنان الناس.
اتعلمت ان حضور المحاضرات لوحده مش كفاية لانى كنت الحمد للع بحضر كل المحاضرات حتى محاضرة البارا اللى ماكنش بيحضرها غير بنشين بالظبط.كان لازم اذاكر وماركنش المواد كلها لاخر السنة.
اتعلمت انى مش لازم اتعلق بحد اوى عشان كده قررت اتعامل مع اللى اعرفه بمعاملته عشان ماتعبش.
عرفت انى مش فاهمة اللى معايا من بلدى.بالرغم ان احنا من بلد واحدة الا ان المعاملة مقصورة على الدراسة والامنفعة بس.
صحباتى اللى كانوا معايا فى الثانوى بعد ما كل واحد راح كليته عرفت من اللى يستاهل بجد اى اسال عليه .
عرفت بجد يعنى ايه اخاف على نفسى .
عرفت يعنى ايه الناس تكلمك بس عشان مصلحة معينة.
بجد انا تعامت السنة دى كتير اوى.عرفت يعنى ايه ابتزاز وطبعا الفضل لكتب الكلية اللى ماعملناش بها حاجة.نفسى انجح بتقدير .ياريت تدعولى.وندعى لبعض. :writting:

AHMED NAPEEH كتب:شكرا على الفكره
انا بقا كنت داخل وأخواتي مفهمني كل حاجه وكدا وانا كنت بحضر على طول مش بفوت خالص تقريبا ف بجد حبيت النظام دا لاني حسيت إني بلتزم كدا مش مسقع لكل حاجه وكدا
أما اصحابي ف انا كنت عارف 3 من أيام الثانوي بس طبيعي إن كل واحد بيبدا يرتبط بصحاب جداد
وتقريبا عارف كل صبيان الدفعه بس طبعا الواحد مبيطلعش ف الآخر إلا ب 2 أو 3 بس بيبقا مرتبط بيهم أوي
وأنا بجد عرفت السنادي ناس محترمين أوي وكمان عرفت الزباله أوي ودا مكانش رأيي لوحدي
انا كمان شايف إني أهم حاجه حضور المحاضرات دا بجد لان المعيدين مش بيعملوا حاجه غير إنهم بياخدوا المحاضرات يعملوا بيها ورق
عموما انا سامع إن السنين الجاية غير دي ونظامها بيبقى غير وبتحتاج مذاكره أشد واكتر
وربنا يوفقنا

B a db o Y كتب:شكرا على الموضوع يا د.اسراء
انا كمان اتعلمت حاجات كتير فى التعامل مع الناس وكده
بس فى الدراسه او فى مجال شغلنا تقريبا مفيش حاجه يعنى معرفتى بطب الاسنان زى معرفه اى واحد فى كليه تانيه بيها
واتعلمت ان التنفيض ماينفعش يبقى فى كل وقت
اتصاحبت على ناس جدعان جدا ومحترمين جدا اتمنى انى اعدى السنه دى بجد علشان اخلينى معاهم
حسيت ان الدكاتره فعلا مش حد بيكرهنا بالعكس بيعاملونا زى ولادهم وبيخافوا علينا زيهم بالظبط ده الاغلبيه طبعا
اتعلمت ان مفيش حد له سلطه عليا جوا الجامعه غير دكتور الماده بتاعتى واى حد غيره مجرد حد بيكمل الدايره
اتعلمت انى ابقى حر فى تصرفاتى بطريقه كبيره جدا يعنى اللى عاوز اعمله اعمله واللى مش عاوز خلاص يعنى مش مجبر على حاجه
كانت سنه جميله الحمدلله لان حياه الجامعه عموما مختلفه عن قبل كده واحلى منها كتيييييير
وبس كده