انفلونزا الذنوب

بسم الله الرحمن الرحيم

أنا سمعت الشيخ النهارده فى خطبة الجمعة كان بيتكلم عن انفلونزا الطيور و انفلونزا الخنازير و الأوبئة اللى ربنا ابتلانا بيها
على اللى احنا بنعمله من معاصى و ذنوب و ابتعاد عن طريق الهداية
و فجأة قال متنسوش يا جماعة ان فى انفلونزا أخطر و هى انفلونزا الذنوب دى اللى العدوى بتاعتها بتنتقل بسرعة جداااااااا
و بالذات ف العصر اللى احنا عايشين فيه ده عشان الحاجات الكتيرة اللى بتلهى عن ذكر ربنا و تبعدنا عن سنة رسوله ( صلى الله عليه و سلم)
ده احنا وصلنا لدرجة اننا بنطلق مسميات تانية على حاجات محرمة عشان نحللها لنفسنا يا سبحان الله
يبقى الواحد عارف انه بيعمل حاجة غلط و عارف ان ربنا شايفه و عارف انه بيعصى اللى خلقه
و برضه بيعملها
طب ليييييييييييييييييييييييييييييه؟؟؟
و على اييييييييييييييييه؟؟؟؟؟؟؟؟؟؟؟
فى ايه مستاهل اننا نعصى ربنا
بجد يا جماعة بقت حاجة رهيبة و أخطر مليووووووووووووووون مرة من انفلونزا الطيور و الخنازير دى اللى الشيخ كمان و ضح فى حكاية انفلونزا الخنازير دى و قال ان ربنا حرمها من الاف السنين و طبعا ناس كتير عصت و مسمعتش الكلام و سبحان الله دلوقتى الناس دول برضه هما اللى بيذبحوا الخنازير طب ما كان م الأول يعنى ربنا مش هينهيك عن حاجة الا اذا كان فيها ضرر ليك

أتمنى يا جماعة ان احنا نقاوم الانفلونزا دى كلنا لأنى شايف ان ده الفيروس الوحيد اللى له مصل لأن المادة الوراثية بتاعته ثابته مش بتتغير فى تركيبها زى باقى الفيروسات بس بتغير شكلها على مر العصور و أشكال عصيان ربنا و عدم طاعته
و المصل ده ان احنا نقوى علاقتنا مع ربنا و نمشى على نهج كتابه و سنة رسوله و نبتعد عن أى حاجة ممكن تغضب ربنا
بجد أنا اثرت الخطبة دى فيا جدا فحبيت أنقلها ليكم
و ربنا يرحمنا و يغفر لنا جميعاااااااااااا
امييييييييييييييييييييييين