انتى يا بنتى خدى لما اقولك ...خد يابنى ياواد خد تعالى

من طرف dr.omnia الخميس مارس 19, 2009 3:17 pm

--------------------------------------------------------------------------------

عاوز اسأل البنات سؤال مهم ومعتقدش إن فيه واحدة منهم هنا
أنا قصدي البنات اللي فاهمة موضوع الأنوثة غلط
السؤال مهم جداً
إحساسك إيه وانتي لابسة ملزق
يييييييه (ملزق) ايه يا عم خلي ألفاظك راقية

طيب أوك هكون راقي خالص وكووول خالص هسأل بأسلوب متحضر
إحساسك ايه وانتي لابسة هدوم كل الناس معجبة بيها على آخر موضة
وتقولي لأصحابك دا الشارع كان واقف على رجل
هل دا بيرضي غرور معين عندك؟
هل بتفرحي والشباب بيعاكسوكي مثلاً ؟ بتحبي المعاكسة ؟
بتحسي بنشوى وسعادة وتبقي مزقططة ؟
نفسي تردي عليا نفسي .. عشان أعرف ايه الحكاية بالظبط ..
وايه نوع الفرحة اللي بتحسي بيها وانتي سايبه نفسك أداة للشيطان تفتني البشر
أنا آسف شيطان ايه يا عم ما توجعش دماغنا .. احنا بنحذرك بطل النغمة دي
طيب خلاص هبطل النغمة دي .. طب أشغل انهي نغمة ؟
كنت بسمع مثل بلدي بيقول "يا بنتي لم تضحكي للضحك يبليكي تمشتي ابن الحرام وابن الحلال فيكي"
الكلام دا كان بيتقال زمان على مجرد ضحكة من بنت في الشارع أو في المدرسة أو في الجامعة
الضحك بصوت عالي كان بيطلع عليه أمثال شعبية
النهاردة .. ربنا يسترها ..

ممكن بقى اسيب البنات شوية لو سمحتم ..
واسأل الشباب ..
ايه يا حبيبي .. ازيك عامل ايه ؟
ايه يا بني اللي انت لابسه دا؟
ايه ؟
ليه البنطلون ساقط منك كده يا قلبي؟
موضة؟
آه موضة ايه دي؟ يعني موضة أخدها عن مين؟
انت تعرف رسول الله صلى الله عليه وسلم؟
أنا آسف مش بلبخ فيك والله..
أكيد تعرفه وبتحبه .. بس مش عاجبك وصاياه .. صح
لا لا عجباك أنا عارف
طب شوف يا حبيبي .. اللي انت لابسه دا ميرضيش رسول الله..
واللي انت عامله في شعرك دا واسمه ايه دا سبايكي .. ميرضيش رسول الله
ولو سيدنا عمر عايش رضي الله عنه كان أمر بحلق شعرك زلبطة..
لا لا مش هكشر هضحك أهو هزقطط هفرحك وأطبلك
تعرف في يوم عملت في شعري بانكي وكانت الموضة ايامنا .. وكانت تسريحة عادية
اتكلت قلم سخن على وشي
يمكن يكون غلط بس اللي أعرفه اني اتعلمت ان مش أي حاجة اقلدها وخلاص
شوف يا بني .. أنت راجل؟
يوووووووووه هنبدأ الغلط ..
لا يا سيدي وسيد الرجالة كمان ..
بس اللي يعمل شعره كده يبقى
هسيب بقى البنات والشباب وأروح للآباء
ازيكم يا آباء عاملين ايه ..
بتشوفوا عيالكم وهم نزلين من البيت
ليه صابغة شعر بنتك وهي لسه في الإعدادية
ليه بتدي ابنك فلوس يشتري بنطلون ساقط
ليه بنتك بتخرج كده من البيت ولبسها (يصف ويشف)
ليه ابنك موقف شعره ؟ من رعبه منك؟ معتقدش دا من كتر ما كبر الجي وروق الدي
بصراحة الأب والأم اللي بيسمحوا للعمايل دي يستاهلوا كل خير
وربنا يسترها علينا وعلى عيالنا يارب ..
اسمحولي أختم كلامي بالفصحى
يا بنت الإسلام أيتها الأم والابنة والزوجة والأخت .. جعلك الله مكرمة جوهرة مكنونة في صدفتك .. كرمك الله ولم تكرمك الموضة ولا بيوت الأزياء الصهيونية .. التزمي أختاه بزي يرضي الله عنك ..
يا ابن الإسلام .. أيها الرجل الزوج والأب والابن والأخ . . أين المروءة والغيرة والنخوة .. أين صفات الرجولة وملامحها ؟ عد إليها .. يحبك الله .. عز وجل ..
تلك همسات .. عتاب ولوم .. نثرتها بين أيديكم .. فهل تقبلونها ؟ ؟؟!!!!

من طرف Mostafa ElShirbeny الخميس مارس 19, 2009 3:38 pm

موضوع حلو و مهم يا امنيه
و بالنسبه للولاد يعنى موضوع تسقيط البنطلون ده مستفز اوى و بيخلى شكل الولد تيييييييييييييييييييييييت
ميرسى ع الموضوع

من طرف Den.emoOo الخميس مارس 19, 2009 3:47 pm

حلوه الموضوع اوى يا منمن

ربنا يهدى

من طرف فتاة الاسلام الخميس مارس 19, 2009 3:50 pm

موضوع رائع يا امنية جزاكم الله خيرا
ويا ريت كل البنات تعرف شروط الحجاب الشرعى
لا يشف ولا يصف ولا يكون زينة فى نفسه ولا يكون تشبه بالرجال
وربنا يهدينا كلنا

من طرف ms الخميس مارس 19, 2009 4:45 pm

توبيك هايل
انا امبارح شفت حد فى الجامعه كان موقف شعره بس عامل زى اللى متكهرب بالظبط lol وقعدت اضحك عليه بس كان منظره تييييييييت

من طرف den.M.H.ELkholy الخميس مارس 19, 2009 5:01 pm

موضوع اكثر من رائع

ياريت كلنا نعمل بيه

والله الي بيحصل ده بئه حاجه تكسف فعلا

:hat: :hat:

من طرف Den.Esraa الخميس مارس 19, 2009 5:21 pm

جزاكي الله كل خير يا امنية
" بطلي النغمة دي "
الكلمة دي اتقالت لي من يومين ههههههههههههه
بجد اضايقت منها جدا وللاسف كانت من واحدة صاحبتي
بجد الناس بقت بتستصغر حاجات كتير اوي
ومن كتر ما احنا بنشوف المهازل دي بقت حاجات عادية لناس كتير
ربنا كدا يهدينا
ويارب طهر قلوبنا قبل كل شئ

من طرف doctor1992 الخميس مارس 19, 2009 5:52 pm

ربنا يهدى الجميع يارب وفعلا الموضوع ده جميل اوى وياريت يتفهم صح المشكله اصلا اللى انت بتتكلمى عنهم ياامنيه مش مفكرين انهم بيعملوا اى حاجه غلط ومقتنعين تماما باللى هما بيعملوه تقولى ايه سبحان الله حاجه تكسف وتؤسف

من طرف khaled gamal abd elmouemn الخميس مارس 19, 2009 6:11 pm

جميل جدا يامنيه والله
واكتر حاجه عجبتني هي
(يا
بنت الإسلام أيتها الأم والابنة والزوجة والأخت .. جعلك الله مكرمة جوهرة
مكنونة في صدفتك .. كرمك الله ولم تكرمك الموضة ولا بيوت الأزياء
الصهيونية .. التزمي أختاه بزي يرضي الله عنك ..
يا ابن الإسلام ..
أيها الرجل الزوج والأب والابن والأخ . . أين المروءة والغيرة والنخوة ..
أين صفات الرجولة وملامحها ؟ عد إليها .. يحبك الله .. عز وجل ..
تلك همسات .. عتاب ولوم .. نثرتها بين أيديكم .. فهل تقبلونها ؟ ؟؟!!!!
اهم مافي الموضوع شكرا :present:
وانتي تستحقي هديه علي الموضوع