عيش الدور متخفش

من طرف Dr_SoMa الجمعة مارس 06, 2009 7:02 pm

"يا عم سيبك منه دة عايش الدور"
" انزل من على المسرح بقى"
"يووووووه خنقتنا يا بنتى غيرى دور امينه رزق فى رد قلبى دة(انا عارفه ان امينه رزق مش فى رد قلبى عيش الدور متخفش Beee

)
وتتوالى التعبيرات اذا لقينا حد متضايق او بيحب او متنرفز أو أو
ليه متخيلناش فعلا ان دة مش سخريه احنا فعلا بنعيش ادوار
يمكن مش احنا الى بنختار الدور ولا السكريبت ولا الابطال الى قدمنا
بس عايشين ادوار بالفعل
لما بنكون مجروحين من حد ما هنا احنا ابطال بردو ابطال قدام اشخاص....
بيعرفو يجرحو ويتسمتعو بده جدااا
وبنعيش دور المجروحين الى بيبكو وينهارو ويمكن يفقدو ثقتهم فى اقرب الناس ليهم
ماهو دور مختارنهوش بس عشناه
واحنا الى فى ايدنا بس ننهى الدور ونبدل ادوار البطوله او حتى نحذف ابطال المشهد السابق من الكادر تماما
ونبدء فى دور جديد....
ممكن يكون دور الحلم ...
ممكن يكون دور مليان بالحب...
ممكن يكون دور مليان بالفرح...
بس دور مبنختارهوش اه بس بنكمل فيه وبننهيه باختيارنا
حتى بنوتتنا لابائنا وامهاتنا دور ربنا كاتبه لينا مختارنهوش
....................................................................................
الى عاوزة اقول انى اكتشفت امبارح بس اننا نقدر ننهى الدو
ر...انا كنت فاهمه ان الدور له وقت محدد وبينتهى وبيسدل الستار
لاء دة طلع اننا احنا ممكن ننهى الدور فى ثانيه ونطرد الابطال االوهمين برررررررررررررررره حياتنا
ياه دة طلع اختراع حلو بجد اه والله
اه شويه هيبقو سيبين فراغ جوانا لانهم ملوه لفترة بس هيجى اشخاص واحداث وأيام تملى الفراغ دة
ويمكن لما نشوف نفس الاشخاص دى نضحك قوى اننا ازى اعتبرناهم ابطال فى حياتنا عمر بحاله
دول يا دوب اخرهم كومبارس فى حياتنا.........
.........................................................................................
فعلا على رءى يوسف بك وهبى وما الدنيا الا مسرح كبير
مش عارفه ليه زمان كنت بضحك قوى على المقوله دى
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

فى ادوار لازم لما نعشها منتخلاش عنها مهما حصل
ومهما الستائر اسدلت والابطال والادوار اتغيرو تفضل الناس دى هى نجوم حياتنا
النجوم الى اول ما بيظهرو على مسرح حياتنا بيمسحو الالم والحزن وبيخلقو جوانا الفرحه
يفضلو كدة فى حياتنا لحد المشهد الاخير فى حياتنا
.........................................................................
فى احسايس لازم تفضل ابطال فى حياتنا حتى لو انزوت من الاضواء خوفا او قهرا او خجلا
لازم تفضل ..هى الاجمل...هى الأصدق..
.تتبدل الادوار والناس والبطولات
ويفضل احساسنا بالحلم...بطل
احساسنا بالحب...بطل
احساسنا بالحزن دور ثابت لكن مش بطل (ولقدر خلقنا الانسان فى كبد
ماهو لو مفيش حزن مش هنحس بالسعادة
ولو مفيش يأس مش هنحس بالامل
يبقى فى ادوار ثانويه وابطال
وعشان الابطال تنجح صح
...الادوار الثانويه بردو فى لحظه ليها دور البطلويمكن لفترة كمان فى حياتنا
.................................................................
ذكائنا عشان ننظم ادورنا صح
نختار ,,,,
الابطال الاوفى والانقى
المشاعر الاصدق...
.........................................
واننا دوما ومع نهاية كل دور نعيشه فى حياتنا نتذكر ان الحياه ما هى الا ادوار متتابعه
ومشاهد وكادرات ويوما ما سنجد كلمة النهايه والتى نتمنى من الله ان تكون نهايه سعيده
حتى وان كتب الله لنا كل ادورانا بالحياه حزينه ومؤلمه