بكرة!!!!!

في مسرحيه بتحصل في بيتنا
كل يوم لو مش واخد بالك منها تعالى نتفرج عليها سوى

مشهد1

محمد مشغل الاغاني علي لكمبيوتر علي الاخر والجمعه قربت تأذن **** الاذان خلاص قرب وكل اللي في البيت بيستعد لصلاة الجمعه ومحمد في عالم تاني
والدة محمد دخلت عليه ونادت عليه يا محمد طفي الاغاني دي الجمعه هتأذن
محمد : مسمعتش صوتك
والدة محمد: حرام عليك يابني حتي الجمعه مبتصلهاش *** قوم يالا إلحق اتوضا وروح المسجد عشان تصلي
محمد : ان شاء الله بس النهارده دي تعبان شويه ومنمتش من امبارح
والدة محمد : لازم تصلي ده فرض ربنا و ابتدي ابعد عن اللهو اللي انت فيه ده
محمد : خلاص يا حجه من بكره هبقي اصلي



مشهد 2

فاطمه بترتب في اوضتها
وبالصدفه وقعت في ايديها صوره
فضلت قدامها لحظات
دي صورتها هي وبنت عمها
يااااه بقالها زمن مكلمتهاش بسبب خلافات الاهل مع بعضها
قعدت شويه تفكر
لامتي هتفضل صلة الرحم مقطوعه
ولامتي هيفضل الخصام بين الاخوات
وراحت لوالدها واتكللمت معاه
وسالته لامتي هتفضل قاطع صلة رحمك
رد عليه وقالها خلاص بكره هبقي اتصل بيه واحاول اصالحه

مشهد 3
اسماء واقفه قدام المرايه
بقالها ساعه عماله تظبط في شعرها ومحتاره تعمل فيه ايه
بصت علي جنب لت الايشارب راحت جيباه وربطه بيه جزء
تعمل نيول لوك
اسبانش او اي حاجه وبرده مبينه نص شعرها عشان زهقت من شكلها كده
قبل ما تخرج من اوضتها
بتستعد لحوار كل يوم اللي مع والده عشان طريقة لبسها وشعرها
وكالعاده اسماء هتقوله

خلاص يا بابا بكره هبقي البس الحجاب والتزم

****
محمد ووالد فاطمه واسماء


دول مشاهد من حياتنا في بيوت مصريه مسلمه
اساميهم اسلاميه
طلعوا مسلمين بالفطره
لكن فيه حاجات كتيره جدااا في دينهم بعيده عن تفكيرهم والدنيا شغله دماغهم اكتر من دينهم

بس انا عايز اعرف هو بكرة ده اتأخر قوي كده ليه؟؟؟؟؟؟

جزاكم الله كل خير

للاسف هذه المشاهد و أكثر تتكرر فى بيوت المسلمين

لو كل واحد نوى انه يتغير بجد من جواه هيتغير ومش هيستنى كلام حد او طلب من غيره له انه يتغير
ميرسى على الموضوع القيم

وجزاكم مثله دزنر وطبعا عند حق يادكتورة وشكرا على المرور الرائع

قرار التغيير لازم يبقى نابع من الذات عن رضا و اقتناع
و شكرا على الموضوع الجميل ده

كلامك صح علشان التغيير دة يدوم وطبعا شكرا على مرورك الطيب(mody)

ميرسي مودي علي الموضوع الجميل ده

بجد شكرا للمرور الجميل ويارب يادكتورة يستجيب لدعائك وأمانة على كل مسلم الدعاء بالهداية لشباب وبنات المسلمين وشكرا تانى على مروركم (mody)