رد: عيب اوى

من طرف sheref ashraf الخميس فبراير 19, 2009 10:37 pm

والله اللي عملو كده ناس معانا هنا و منهم ناس انتو بتقولو عليهم محترمين و يا دكتور ويا بطيخ
الناس على المنتدى غير الحقيقه

من طرف dezner الخميس فبراير 19, 2009 10:51 pm

أنا لن أضيف جديدا على كلام الأخوة سوا إن أنا كنت قاعد ورا ومكنتش سامع وفجأة لقيتها خرجت

من طرف sheref ashraf الخميس فبراير 19, 2009 10:54 pm

شئ لا يصدقع عقل

من طرف Ahmed Nabeeh الخميس فبراير 19, 2009 11:39 pm

انا والله خرجت وراها بعد المحاضرة ورحت بسالها ف حاجات قالتلي انتوا مهملين جدا ومينفعش كده
وزي ما دكتورة رقية قالت
هي لو كانت صعبه مكانش حد فتح بقه
بس والله الرجالة اللي بيقعدوا ورا دول واللي كل مرة بيعملوا الحركات البايخة دي يستاهلوا انهم يتطردوا

وعالعموم هي شكلها دكتورة كويسة وبتعرف تشرح بس احنا لازم عالاقل نعتذرلها

من طرف Ahmed Hisham الجمعة فبراير 20, 2009 4:07 am

على فكره محصلش حاجه خالص تخلي الدكتوره تطلع من المحاضره مش عشان كام واحد بيتكلمو تقوم ماشيه وسايبه المدرج كدا ولو كل الدكاتره كدا مكناش أخدنا محضرات خالص من أول السنه

واللي ألذ من كدا إني عمري في حياتي ماشفت ولا سمعت عن دكتور يسيب المدرج وبعدين يرجع تاني
بس شكلها دكتوره محترمه

من طرف mahora الجمعة فبراير 20, 2009 3:01 pm

بجد انا مش عارفة ارد اقول ليكواايةطريقتكوا فى الحوار مستفزة
بس معلش لو حتى مبتشرحش خالص المفروض نحترمها (والكلام دة مع كل الدكاترة )واللى عايز يفهم هيفهم (يعمل فى الفاعل زى ما بيقولوا علشان يفهم)
والواحد بياخد على قد ما بيتعب
شكرا جدا لصاحبة الموضوع

من طرف Dr_SoMa الجمعة فبراير 20, 2009 3:17 pm

بصوا ياجماعه انا هقولكوا حاجه والله انا شايفه انه اللى بيحصل فى المحاضرات بى بالنسبه لنا شئ طبيعى بقينا معتادين عليه لدرجة انه بعض الناس من اللى ردت شايفه اه مفيش سبب يخلى الدكتوره تمشى من المحاضره فملوش لازمه الكلام بقى
اللى بيعمل هيصه ده مش لاقيه وصف له هو مش قليل الادب ولا حاجه بس ده المفروض يصعب علينا ياجماعه لانه مريض نفسى اه والله مريض لانه مش عارف يلفت النظر بحاجه كويسه يقوم يعمل ايه يهيص عشان يلفت النظر فده ربنا ندعيله بالشفا كده يارب يارب يشفيه
لا وبعد اللى بيعملوه يرجعوا يقولك نعمل اعتذار على ايه الاعتذار يبقى بالفعل يامحترمين مش بورقه كلنا نمضى عليها
ولا عزاء للمحترمين سورى لكلامى بس هى دى الحقيقه انا خايفه لما نروح اسنان الحاجات دى تتعمل تانى دكاتره اسنان مش زى علوم وعقابهم مش هيبقى سهل وساعتها كلنا بننضر
ده رايى وكل واحد بيعبر عن تربيته وتربيه اهله له

من طرف Ahmed Hisham الجمعة فبراير 20, 2009 4:55 pm

مرسي يا دكتوره سومه على التلميح اللطيف ده

بس أنا يا دكتوره مقلتش إن كل واحد ( يقل أدبه على الدكاتره )
أو إن يكون ( مريض نفسي وندعيلو بالشفا )

لأ طبعا واجب علينا إن إحنا نحترم كل دكتور أيا كان سنه
ونحطه فوق دمغنا
بس فعلا الدكتوره معندهاش خبرة التعامل مع الطلبه اللي بتشرحلهم وإزاي تفرض شخصيتها وده مش عيب ولا حاجه هي فعلا لسه صغيره ومصرها تتعلم أنا بقول فعلا محصلش حاجه تخلي الدكتوره تسيب المحاضره وكان بستطاعتها تتعامل مع الموقف بشكل أفضل من كدا وتسيطر على الوضع من أول محاضره

على العموم ربنا يسهل وإن شاء الله خير بس دعواتك

من طرف den.M.H.ELkholy الجمعة فبراير 20, 2009 5:30 pm

ماليش دعوه بـأه اذا كان كبيراوصغير عنده خبره ولا لأ

وشكرا اكاتب الوضوع

من طرف Ahmed Nabeeh السبت فبراير 21, 2009 12:34 am

خلاص يا جماعه حصل خير
والمهم ميتكررش تاني

من طرف ms السبت فبراير 21, 2009 12:40 am

يا لهوى يا نبيه الحلم.. لا لا لا

من طرف دمعه حزن السبت فبراير 21, 2009 12:52 am

السلام عليكم

بصراحه انا معنتش فاهمه بجد ومحتاره جدا من الدفعه د فيها بنى ادمين غريبه جدا ،المشكله ان فيه ناس غلطانه وبرضو بتتكلم .

تانى حاجه بس عايزه اقولها هو يعنى لازم الدكتوره تدخل تشخط وتزعق فينا علشان اللى مش محترمين يسكتوا ،بيتهيالى الطريقه دى مبتمشيش غير مع ال...(بيتهيالى تكملوا انتوا بقى )

وسبحان الله الناس بتبقى فى محاضره دكتور جمعه ساكتين ومحترمين جدااا كل ده علشان الدكتور بيزعق وبيهزا

يعنى احنا مينفعش نبقى قاعدين فى المحاضره ساكتين وهادين .
وعلى فكره اللى بيحترم بيحترم نفسه قبل ما بيحترم الدكتور او الدكتوره اللى قدامه .

ياريت نبطل حركات الاطفال دى ونعقل شويه بقى .

من طرف Ahmed Nabeeh السبت فبراير 21, 2009 12:53 am

حلم ايه ياد؟

من طرف dr.omnia السبت فبراير 21, 2009 12:59 am

دمعه حزن كتب:السلام عليكم

بصراحه انا معنتش فاهمه بجد ومحتاره جدا من الدفعه د فيها بنى ادمين غريبه جدا ،المشكله ان فيه ناس غلطانه وبرضو بتتكلم .

تانى حاجه بس عايزه اقولها هو يعنى لازم الدكتوره تدخل تشخط وتزعق فينا علشان اللى مش محترمين يسكتوا ،بيتهيالى الطريقه دى مبتمشيش غير مع ال...(بيتهيالى تكملوا انتوا بقى )

وسبحان الله الناس بتبقى فى محاضره دكتور جمعه ساكتين ومحترمين جدااا كل ده علشان الدكتور بيزعق وبيهزا

يعنى احنا مينفعش نبقى قاعدين فى المحاضره ساكتين وهادين .
وعلى فكره اللى بيحترم بيحترم نفسه قبل ما بيحترم الدكتور او الدكتوره اللى قدامه .

ياريت نبطل حركات الاطفال دى ونعقل شويه بقى .

هو فعلا كلامك صح وفيه ناس تحب ان الدكتووور يزعق عشاان نقعد ساكتين

من طرف Ahmed Nabeeh السبت فبراير 21, 2009 1:01 am

دمعه حزن كتب:السلام عليكم

بصراحه انا معنتش فاهمه بجد ومحتاره جدا من الدفعه د فيها بنى ادمين غريبه جدا ،المشكله ان فيه ناس غلطانه وبرضو بتتكلم .

تانى حاجه بس عايزه اقولها هو يعنى لازم الدكتوره تدخل تشخط وتزعق فينا علشان اللى مش محترمين يسكتوا ،بيتهيالى الطريقه دى مبتمشيش غير مع ال...(بيتهيالى تكملوا انتوا بقى )

وسبحان الله الناس بتبقى فى محاضره دكتور جمعه ساكتين ومحترمين جدااا كل ده علشان الدكتور بيزعق وبيهزا

يعنى احنا مينفعش نبقى قاعدين فى المحاضره ساكتين وهادين .
وعلى فكره اللى بيحترم بيحترم نفسه قبل ما بيحترم الدكتور او الدكتوره اللى قدامه .

ياريت نبطل حركات الاطفال دى ونعقل شويه بقى .

معلش بقا كلامك صح وفيه جزء غلط
احنا مينفعش نعمم كلام على الدفعه كلها علشان شوية عيال اغبياء فاكرين نفسهم ظراف
وبعدين ولله لولا انهم اصحابي كنت قلت اسمائهم لانهم هما 4 او 5 الي بيقعدوا ورا ويقعدوا يرغوا مع بعض

ف مينفعش نظلم الدفعه كلها علشان دول

وكمان فيه عيال فلسطينيين بييجوا معانا بيقعدوا يرغوا ومبيبطلوش خالص
والواد اللي اسمه عمار ده اللي الدكتورة طردته ده برضه اول مرة اشوفه

ف هما بعض الناس اللي فاكرين نفسهم حاجه
وبصراحه فعلا حركاتهم حركات اطفال

ربنا يهدي

من طرف دمعه حزن السبت فبراير 21, 2009 1:05 am

AHMED NAPEEH كتب:
دمعه حزن كتب:السلام عليكم

بصراحه انا معنتش فاهمه بجد ومحتاره جدا من الدفعه د فيها بنى ادمين غريبه جدا ،المشكله ان فيه ناس غلطانه وبرضو بتتكلم .

تانى حاجه بس عايزه اقولها هو يعنى لازم الدكتوره تدخل تشخط وتزعق فينا علشان اللى مش محترمين يسكتوا ،بيتهيالى الطريقه دى مبتمشيش غير مع ال...(بيتهيالى تكملوا انتوا بقى )

وسبحان الله الناس بتبقى فى محاضره دكتور جمعه ساكتين ومحترمين جدااا كل ده علشان الدكتور بيزعق وبيهزا

يعنى احنا مينفعش نبقى قاعدين فى المحاضره ساكتين وهادين .
وعلى فكره اللى بيحترم بيحترم نفسه قبل ما بيحترم الدكتور او الدكتوره اللى قدامه .

ياريت نبطل حركات الاطفال دى ونعقل شويه بقى .

معلش بقا كلامك صح وفيه جزء غلط
احنا مينفعش نعمم كلام على الدفعه كلها علشان شوية عيال اغبياء فاكرين نفسهم ظراف
وبعدين ولله لولا انهم اصحابي كنت قلت اسمائهم لانهم هما 4 او 5 الي بيقعدوا ورا ويقعدوا يرغوا مع بعض

ف مينفعش نظلم الدفعه كلها علشان دول

وكمان فيه عيال فلسطينيين بييجوا معانا بيقعدوا يرغوا ومبيبطلوش خالص
والواد اللي اسمه عمار ده اللي الدكتورة طردته ده برضه اول مرة اشوفه

ف هما بعض الناس اللي فاكرين نفسهم حاجه
وبصراحه فعلا حركاتهم حركات اطفال

ربنا يهدي

طبعا يا دكتور كلام حضرتك صح

بس طبعا انا عمرى ما هعمم كلامى على الدفعه كلها لان الدفعه فيها ناس محترمين جدا ،بس للاسف فيها ناس برضو ....بصراحه مش لاقيه كلمه توصفهم

وفعلا ربنا يهديهم.

من طرف Ahmed Nabeeh السبت فبراير 21, 2009 1:13 am

اااااااااامين
ويهدينا معاهم اذا كانا زيهم

من طرف khaled gamal abd elmouemn السبت فبراير 21, 2009 1:44 am

وانا بضم صوتي معاكم وبقول ااااامين

ياعيني علي دفعة اسنان حاجه غريبه

من طرف Dr_SoMa السبت فبراير 21, 2009 7:01 am

Ahmed Hisham كتب:مرسي يا دكتوره سومه على التلميح اللطيف ده

بس أنا يا دكتوره مقلتش إن كل واحد ( يقل أدبه على الدكاتره )
أو إن يكون ( مريض نفسي وندعيلو بالشفا )

لأ طبعا واجب علينا إن إحنا نحترم كل دكتور أيا كان سنه
ونحطه فوق دمغنا
بس فعلا الدكتوره معندهاش خبرة التعامل مع الطلبه اللي بتشرحلهم وإزاي تفرض شخصيتها وده مش عيب ولا حاجه هي فعلا لسه صغيره ومصرها تتعلم أنا بقول فعلا محصلش حاجه تخلي الدكتوره تسيب المحاضره وكان بستطاعتها تتعامل مع الموقف بشكل أفضل من كدا وتسيطر على الوضع من أول محاضره

على العموم ربنا يسهل وإن شاء الله خير بس دعواتك

اولا يادكتور انا والله اعلم بنيتى مقصدكش خالص ولااقصد حد بعينه واذا كنت انت فهمت كده فسورى جدا فعلا مقصدكش
انااقصد بكلامى عامة والله وانااسفه مره تانيه
وبعدين انا بتكلم عن اللى بيعمل شغب فى المحاضرات هو اللى مريض لانهمش عارف يلفت النظر ازاى فبيعمل كده مقصدش حد معين برضه انا والله مقصدش غير الخير لينا كلنا
وانا عارفه ان طريقتى اجريسف شويه بس ده الصالح لينا ان شاء الله ربنا يكرمك ويكرم الجميع باذن الله

من طرف dr_khaled السبت فبراير 21, 2009 9:16 am

هو فعلا موضوع يضايق
بس يا دمعة أنا شايف انك كبرتي الموضوع أوي
وبتتكلمي بعصبية زيادة أوي أوي
هدي نفسك وكله هيبقى تمام ان شاء الله

من طرف Ahmed El Metwally السبت فبراير 21, 2009 2:33 pm

يا جماعه مهما كان دي اول محاضره ليها لازم نحترمها و خلو بالكو انا اللي اعرفه ان هي هتختصر في المنهج جامد فا نحترم نفسنا عشان احنى مش ناقصين كتل

من طرف ms السبت فبراير 21, 2009 2:40 pm

هههه
يعنى لازم نحضر من اول يوم

من طرف mahora السبت فبراير 21, 2009 5:48 pm

انا متفقة معاكوا فى كل كلمة قولتوها
وخاصة كلام د/ثومة

من طرف Ahmed Hisham الأحد فبراير 22, 2009 3:33 am

لا عادي يا دكتوره سومه أنا حبيت بس أوضح وجهة نظري
ومرسي على ذوقك وللأفضل دائما يارب

من طرف mora الأحد فبراير 22, 2009 9:22 am

no comment

من طرف Ahmed Hisham الأحد فبراير 22, 2009 9:38 am

انا شايف يا جماعة ان الل حصل فى المحاضرة من كلام كان عادى وبيحصل فى كل المحاضرات بس يظهر ان الدكتورة زى ما انا قلت لسة جديده ومعندهاش الخبرة بس انا مخدتش بالى من اللى ذكر اسماء بجد..............no comment ليه كده ؟؟؟؟؟؟؟؟؟؟