أمثــــــال عربيــــات النقــــل والميكروباصات

من طرف dezner الثلاثاء فبراير 03, 2009 3:38 pm

1- متبصليش بعين رضية دنا طلع عين أمى فى السعودية .

2- ربنا يحميكى من المكانيكى .
3- الحلوة أسمها تفاحة للسفر والسياحة .
4- الحلوة من حلوان وصاحبها راجل غلبان .
5- الحلوة من دمياط وعليها أقساط .

6- الحلوة لما تتدلع , تخلى الاسفلت يولع .
7- متزمروش يابهايم دا السواق نايم .
8- اجرى جري الوحوش اوتوبيس 710 ماتلحقوش .

9- بيحسدونى عليكى وأنت سر عذا بى .

10- المجروحين يمسكوا يمين.

11- السعادة فى الرضا.

12- من حق الكبير يتدلع.

13- صغير بس يحيّر.

14- يا بركة دعاكى يا أمى.

15- للكبار فقط.

16- مهما كان الأتوبيس مليان دايما ليك مكان.

17- تعمل حسابى اقدرك , تهزر معايا اعورك .
18- متقولش دى بكام , دى جاية بدهب المدام .

19-ماتبحلقش كدة يا لوح , دى جت بطلوع الروووح .

20-ماتبصش كدة يا عبيط , الحلوة ى بالتقسيط .

21- قصه كفاح مش جايه على المرتاح .

22- سوقوا بالراحة يا بهايم , اصل سواق العربية نايم.

23- الحلوة خوخه , جت بعد دوخه .

24- تركب اسليك , تنزل اولع فيك .

25- دلعها فى الغيارات , وريحها على المطبات .

26- لما كنت عصفور كلونى , ولما بقيت اسد صاحبونى .

27- الرجولة مواقف والندالة دروس .

من طرف the lord king الثلاثاء فبراير 03, 2009 4:32 pm

هههههههههههههههه

حلوة اوى

من طرف KiKo الثلاثاء فبراير 03, 2009 8:00 pm

ههههههههههههه
ايه ده يا دزنر انت تعرف حد شغال على توك توك؟؟
بس جامدة

من طرف doctor1992 الثلاثاء فبراير 03, 2009 8:27 pm

حلوين يادزنر :fun:

من طرف Dr .M الثلاثاء فبراير 03, 2009 10:05 pm

حلوة يا دزنر

من طرف solwan الثلاثاء فبراير 03, 2009 11:19 pm

هههههههههههههههه
جامدة اوى :fun:
وهتنفعنا جدا بعد التخرج

من طرف dr.omnia الثلاثاء فبراير 03, 2009 11:39 pm

هههههههههههههههه ميرسى

من طرف 7alimoo الأربعاء فبراير 04, 2009 5:13 pm

:fun: :fun: :fun:
حلوة يا دزنر

من طرف dezner الأربعاء فبراير 04, 2009 8:49 pm

شكرا للمرور يا جماعة

بس السبب إنى كان نفسى أطلع تباع
عرفت يا كيكو........

من طرف KiKo الأربعاء فبراير 04, 2009 8:56 pm

اه عرفت يا دزنر
ربنا يوفقك
هههههههههه

من طرف Den.Esraa الأربعاء فبراير 04, 2009 9:04 pm

26- لما كنت عصفور كلونى , ولما بقيت اسد صاحبونى .

27- الرجولة مواقف والندالة دروس .

اهو دول احنا ممكن نقولهم في حياتنا فعلا.. مش لازم السواقين بس
ميرسي حلووووووووووين اوي

من طرف dezner الخميس فبراير 05, 2009 2:00 am

شكرا ليكى د /إسراء

معاكى حق فعلا

من طرف Mostafa ElMorsy الخميس فبراير 05, 2009 2:10 am

جامده يا عطار .. احب اضيف بعض المقولات
عايز تعيش .. متعدنيش
بص عليا من فوق و انا بسوق
امونها بنزين و تمشى بدعا الوالدين
كفايه كده لحسن اخد الشغلانه من العطار .. و ابقى قطعت عيشه
( كونك تباع ليس بالمهمه السهله ...... )من اقوالى المأثوره .هههههههههه