طلب صغنون بعد اذنكم ..

من طرف manOoOsa الإثنين فبراير 02, 2009 6:27 am

عايزة تصميم صورة لمسابقة

باسم شاعريات النجوم
ومش بفهم في التصميم
فيا ريت حد يساعدني ويعملهالي
وهيبئا جزاه الله كل خير

:present:

من طرف vergenia الإثنين فبراير 02, 2009 2:25 pm

ياااااااااااااااه منوسه بتطلب طلب ومحدش نفزهولها
وانا والله مش بعرف يا منوستى ولو اعرف مش هتاخر عليكى
ولازم حد يعملها حاجات يا جماعه مش تصميم واحد

من طرف B a db o Y الإثنين فبراير 02, 2009 2:34 pm

طيب ممكن معلومات اكتر يا منوسه
زى اسم المنتدى شروط المسابقه
بتتكلم عن ايه
كده يعنى؟؟؟

من طرف manOoOsa الإثنين فبراير 02, 2009 10:20 pm

هو مش عارفة يبئا دعاية ولا ايه
هو اسمو نجوم اف ام (nogumFM)
والتكست بتاع شروط المسابقة :-
السلام عليكم

انا عندي فكرة حابه تشركوني فيها
هتكون عبارة عن مسابقة في الشعر بين طرفين مجهولين (ولد وبنت) ليكم وللحكام ولا حتي كل واحد فيهم هيبئا عارف التاني
هختارهم انا
وهتكون المسابقة عبارة عن مناظرة شعرية حوالين موضوع هنقرره انا والحكام وهيتغير مع تغير المجهولين
وبعد ميكتب كل مجهول 3فقرات بالتناوب (يعني مجهول 1 يكتب فقرة يرد عليه المجهول 2وبعد كده يرد عليه مجهول 1 وهكذا.......)
طبعا ممنوع الرد طول فترة المناظرة الي هتستمر لمدة اسبوع وبعد انتهائه يبتدي هنا دور الاعضاء ف التصويت للمجهول الافضل في المناظرة وهيستمر التصويت لمدة 4 ايام
وبعدها هنسمع راي الحكام في المناظرة ككل وتقييمهم لكل مجهول فيهم ومين كان الافضل
وده لمدة يومين
وبعد اسبوعين من بدء المناظرة هنعلن عن شاعر او شاعرة المنتدي الي هيبئا مميزات عضوية لمدة اسبوعين
شروط المسابقة :-
1-اي مجهول هختاره ممنوع يفصح عن شخصيته لاي فرد من المنتدي واذا خالف الشرط ده يعتبر منسحب ونعلن فوز المجهول التاني
2-ممنوع الردود اثناء المناظرة
3-خلال التصويت لازم يكون رايك واضح تماما مفيش داعي للردود الحيادية ومن حقك تقول رايك في المجهولين لكن في نهاية الرد لازم تختار الشاعر الافضل
4-هيكون التصويت علي مرحلتين وهتكون بنسبة 50% للاعضاء و50%التانية للحكام
5-الحكام والاعضاء لهم حق الرد والانتقاد لكن بدون تجريح
6-اي حد يحب يشاركك في المسابقة يبعتلي رسالة خاصة برغبته في الاشتراك
واتمني الفكرة تنجح وتلاقي التفاعل المطلوب منكم

من طرف Mostafa ElShirbeny الإثنين فبراير 02, 2009 10:56 pm

طيب ربنا يسهل يا منوسه لانى لسه بدون البرنامج تانى
هحاول ان شاء الله بس يا رب الدون لود يخلص عشان النت عندى مش تمام

من طرف Mostafa ElShirbeny الإثنين فبراير 02, 2009 11:48 pm

يا ريت يا جماعه اللى بيشتغل فوتوشوب يشوف طلب منوسه لانى فيرجانات الادوب عندى مش عارف مالها..ما بتنزلش كامله :angery:

من طرف hero الإثنين فبراير 02, 2009 11:54 pm

والله يا منوسة انا كنت واخد كورس فى الفوتوشوب ده بس نسيت كل حاجة عنه
هاحاول فيها كده ربنا يسهل

من طرف manOoOsa الإثنين فبراير 02, 2009 11:58 pm

طيب
شكرا ع تعبك ع الاقل
brush

من طرف Den.Esraa الثلاثاء فبراير 03, 2009 12:10 am

انا بعرف في الفوتو شوب يا منوسة..."يعني علي قدي"
انا كنت واخده فيه كورس لكن مش كنا واخدين كل حاجة عن البرنامج
فقوليلي عايزة تعملي تصميم عبارة عن ايه بالظبط؟؟؟؟ اوك
وان شاء الله هحاول اعملهالك يا منوووووووووووسة