رد: لعبة الصراحة

من طرف oshy الخميس فبراير 05, 2009 4:12 am

حظوظ والله يبنى
بتيجى كده بظروفها
وكل لما كانت مش متوقعة بتبقى اجمد حاجة

من طرف oshy الخميس فبراير 05, 2009 4:15 am

طيب ايه اكتر كتاب قراته وعجبك جداا؟

من طرف Greesha الخميس فبراير 05, 2009 4:18 am

بتتريقي عليا ماثي ماثي
اخطبها نيهاهاهاها دادي قالي مليش خطوبة الا ف الإمتياز ومليش جوازة الا بعد الجيش ...

لا انا مش بحب الف وادور حوالين بنت ان انا اعرف ايه نظامها او كده برضه عيب عليا اعمل كده
فا نسلمها لربنا يمكن مفروض الأولاد يكون فيهم الشجاعة بس انا صعب اعترف لواحدة معرفهاش او معرفهاش اوي ان انا معجب بيها عشان مخدش على قفايا لو كان ف ايجنور بس لو هيا انا اعرفها اكيد مش هتكسف اقولها بتهيألي كده بقت منطقية مش كده ؟؟

من طرف Greesha الخميس فبراير 05, 2009 4:19 am

ههههههههههه المغامرين الخمسة .... تختخ .. ونوسة .. وعاطف ,,, ولوزة ,, ومحب

من طرف Greesha الخميس فبراير 05, 2009 4:22 am

اوشي ايه الأسباب اللي خلتك متدخليش على المنتدى مشاااااااااااكل صوح ؟؟

من طرف oshy الخميس فبراير 05, 2009 4:23 am

على فكرة مش بتريأ
واكيد كلامك كتير منطقى

وبالنسبة للمغامرون الخمسة
بيقولك انهم بقو 6 انضم لهم عضو فظيع اسمه اوشى :fun:

من طرف oshy الخميس فبراير 05, 2009 4:24 am

Greesha كتب:اوشي ايه الأسباب اللي خلتك متدخليش على المنتدى مشاااااااااااكل صوح ؟؟

لع مش صوح
مش مشاكل
اولا انا اصلا كان مودى مش مظبط يعنى الفترة اللى فاتت
فحبيت ابعد عن كل حاجة شوية لحد ما ارتب دماغى تانى
بس مش اكتر

من طرف oshy الخميس فبراير 05, 2009 4:25 am

قولى اجمد موضوع عجبك على المنتدى؟

من طرف Greesha الخميس فبراير 05, 2009 4:27 am

انا فاكر اني قرأت خاطرة او شعر مش فاكر بس كانت عجباني اوي مش فاكر كانت لمين بس لو كانت خاطرة اكيد ليكي انا فاكر ان انا رديت عليها وقلت ان كان فيها فكرة جديدة بس دي كانت اكتر حاجة عجباني

من طرف Greesha الخميس فبراير 05, 2009 4:28 am

ايه اليوم اللي مش هتنسيه يا اوشي ؟؟

من طرف oshy الخميس فبراير 05, 2009 4:29 am

مممممممممم
يوم مش هنساه
يوم نتيجة 3 ثانوى

طيب انت جاوب على نفس السؤال

من طرف Greesha الخميس فبراير 05, 2009 4:31 am

انا جاوبت عليه ف اسئلة ميرو :angery:
قلت لما هيا قالتلي انها بتحبني وطلعت تجري ... الله يرحمها

من طرف oshy الخميس فبراير 05, 2009 4:32 am

سورى سورى بجد
والله كنت ناسية
اسفة فعلا انى فكرتك وربنا يرحمها
بجد مكنش قصدى

طيب قولى اكتر موقف محرج حصلك

من طرف Greesha الخميس فبراير 05, 2009 4:39 am

لا ولا يهمك يا اوشي حصل خير ... موقف محرج مش فاكر حاجة معينة بس يمكن لما البت شتمتني كان موقف محرج ... نيهاهاها
اوشي وش رايك ف جريشة ؟؟

من طرف oshy الخميس فبراير 05, 2009 4:46 am

جريشة ممممممم
شوف هو حد بيحب الهزار جامد بس بالرغم من كده حساك حزين جداا
شخصية مختلفة كتير ليك دماغ لوحدك كده وبحسك واثق من نفسك
بتحب دينك اوى ونفسك تعمله حاجة ويمكن تكون مش قادر
بتعجبنى وجهة نظرك فى الحب واخلاصك ليه
متميز جدااا فى الكتابة واسلوبك اكتر من رائع
يمكن اكون شايفة ان عيبك انك مش بتحاول تلاقى حد صاحبك بجد
يعنى يكن عينك اللى بتشوف بيها وتاخد رايه وكده
حساك قافل على شخصية تانية جواك مش
عايز حد يشوفها او ان محدش قادر يشوفها فيك
مش عارفة بجد دا راى ممكن صح او غلط وانت تصلحلى الكلام لو فى حاجة غلط

من طرف Greesha الخميس فبراير 05, 2009 4:52 am

هغ انا اتعادلت مع ميرو نيهاهاها

لا كل كلمة قولتيها صح يا اوشي والله اول مرة ألاقي حد يفهمني كده ... بس انا جوايا غموووم وسواد لدرجة ان انا معدتش قادر اشوف منه نفسي ...ومش بحب اطلعه على حد عشان مجبلوش اكتئاب وعشان ميقولوش ان جريشة ده يغم .. لإن الحكاية دي عمرها ما كانت فيها انا بحب اشوف كل اللي حواليا بيضحكو ويبتسمو حتى لو كان من غير سبب .. ومحبش ان انا اكون السبب ف تغير حاجة زي دي

من طرف oshy الخميس فبراير 05, 2009 4:55 am

بس مهما كان لازم تحاول تخرجها
واكيد هتلاقى حد بيحب يسمعك حتى وانت مكتئب

وبالنسبة للكافيه فمبروك عليك
ولو ان ميرو كانت هى اللى الاجمد :fun:
بهزر بجد انتو الاتنين كنتو جامدين اخر حاجة

من طرف Greesha الخميس فبراير 05, 2009 4:57 am

مرسي يا اية ربنا يخليكي ..اسألي انتي بقى .. :)&(:

من طرف oshy الخميس فبراير 05, 2009 4:58 am

اكتر حاجة مجنونة عملتها فى حياتك؟؟

من طرف Greesha الخميس فبراير 05, 2009 5:02 am

حاجة فرحتني مش فاكر كانت ايه قمت طالع على سور البلكونة بتاعة اوضة ابن عمتي على ارتفاع 5 ادوار وقعدت ارقص ... ومرة تانية نمت على السور بتاع الشاليه بمعنى لو اتقلبت كنت هبقى ف الشارع نيهاهاها.....
اوشي انتي بتحافظي على صلاتك ؟؟

من طرف oshy الخميس فبراير 05, 2009 5:08 am

الحمد لله بحاول على قد ما اقدر
حتى وانا نامية غالبا بنام لبعد العصر
بظبط المنبه اصحى اصلى الظهر وانام تانى وبعدين اقوم اصلى العصر ولو احتاجت انام تانى وهكذا

قولى تقدم لمين لوقتى(اعتذار عتاب شكر نصيحة)

من طرف Greesha الخميس فبراير 05, 2009 5:12 am

انت بتسألي زي ميرو ...

بصي يا ست الكل ..
اعتذار لماما عشان طلعت عنيها ف الأجازة ولأي حد انا زعلته عموما ...

عتاب على اي حد يزعلني ...

شكر لكل واحد خلاني اعرف المنتدى ده واعرف منه اصحاب جداد يا رب يستمرو معايا لآخر حياتي

نصيحة ليكي " ارجوكي بلاش الأسئلة الرسمية دي اسأليني اسألة صغننة عادية "

مكملتيش الشعر اللي ادتهولك صح ؟ ؟

من طرف oshy الخميس فبراير 05, 2009 5:16 am

ههههههههههههه
طبيعى ان انا وميرو نسال زى بعض لاننااصحاب جداا
بالنسبة للشعر
على فكرة قبل ما افتح السايت كنت بجد مسكاه بظبطه
يعنى فى اقرب فرصة هتلاقيه قدامك بالشكل النهائى

طيب هسالك سؤال صغنون قولى عندك كام اخ واخت وانت ترتيبك كام؟؟

من طرف Greesha الخميس فبراير 05, 2009 5:22 am

يا لهوي والله ميرو سألتني اخو السؤال ده

احنا ترتبنا كده .... محمد .. (اكبر مني بتلات سنين )...أحمد ده اللي هوا انا ...( مش اكبر مني ولا اصغر مني ) ... مريم .. (اصغر مني بخمس سنين ) .. عمرو ..( اصغر مني ب 13 سنة ) هغ وكان عندي قطة بس زوغت من البيت

وانتي يا اوشي وعادي لو مش عايزة تجاوبي اكتبي * مكان الإجابة واسأليني انتي

من طرف oshy الخميس فبراير 05, 2009 5:27 am

ههههههههه
مش اجاوب ليه يعنى عادى

آيةاللى هيا انا الكبيرة يعنى
محمود اصغر منى بسنة
ايمان اصغر منى 7 سنين

طيب هديلك ورقة وقلم هتكتب بيهم ايه؟

من طرف Greesha الخميس فبراير 05, 2009 5:30 am

هكتب فيها شعر وانتي اللي تقوليلي على موضوعه ...
نفسي اقولك بكل ما فيا انت اللي بس غالي عليا ,, سبني احلم واعيش وان ابين ايديك
ليلة وانت معايا ... بعمري كله ده كان منايا
معاكي هعيش اجمل حكاية .. واحس بيك

اوشي بتخافي من الظلمة ؟؟