مايك منتدى سنانكو

rosey كتب:والله كلامك زى الفل يا ألكس

حسيت براحة تامة لكلامك وشايفه انك مش غلطان

dezner كتب:

نكمل كلامنا بئا

رجعت مصر واستقريت فيها و بدأت أعرف ناس كتير بس حسيت ان فى فرق واضح بين العيشة هنا وهناك حتى الناس اللى هنا فيهم كتير مش كويسين و الأخطاء هنا علنية وظاهرة مش فى الخفاء بس الحمد لله هو المعين إنى لم أتعرف على امثال هؤلاء (اللهم اهد جميع شباب المسلمين لما تحبه وترضاه)

عشت عيشة مستقرة هادئة لحد ما جه يوم وفاة جدى وكان يوم صعب علينا كلنا خصوصا انا وبابا عشان كنت بحبه اوىىىىىىىى

وحصل إنى شوفت غسله وكان أول غسل اشهده والله يعلم ان هذا المنظر اثر فيا وغيرنى 180 درجة مشهد صعب جداااااااا

الدنيا هينة بشكل وما تستهلش الصراعات والخلافات دى بجد الدنيا حقيرة ماحدش بياخد اكتر من نصيبه ولا يبقى إلا العمل الصالح و الذكرى الطيبة

فضلت مهموم فترة وربنا يخليلى والدى حاول معايا كتيير عشان أخرج من المووود دا

المهم سار مركب الحياة و مرت الأيام بحلوها ومرها لحد ما توفى عمى فى العيد اللى فات بجد عمى دا كان أحلى حدوته فى حياتى وخلاص انتهت

كان راجل بكل ما تحمل الكلمة من معنى بجد له مواقف لاتذكر ....

مش عارف أتكلم عنه واقول إيه بس أنا عرفت يوم 3 رمضان انه تعبان وبطنه وجعاه روحتلوا و فضلت أهزر معاه و يضحك معايا وبعدين أقولتله انت تيجى معايا عند الدكتور الفلانى عشان نطمئن وهو ماكنش بيحب الدكاترة خالص بس قالى عشان خاطرك بس انا جاى معاك ورحت انا وهو بس ولما الدكتور كشف عليه وخرج مالقاش حد غيرى فقالى هو عنده كذا كذا ( فيروس سى) اللهم احفظنا وفى مرحلة متأخرة أنا مش عارف أوصف احساسى ساعتها بس خدت عمى وروحته وماقلتلوش حاجة ولما روحت قلت لبابا اللى لأول مرة فى حياتى أشوفه بيبكى فى حياتى وطبعا مامسكتش نفسى وعدت الأيام وأنا كنت كل يوم عنده لحد يوم العيد بالليل توفى وانتقل إلى جوار ربه

يارب اغفر له وتجاوز عن سيئاته وادخله فسيح جناتك

أنا طولت عليكم وكتبت حاجات غريبة بس ما ينفعش ماتكلمش عنه

يا ريت ما تزهقوش منى انا آسف للتطويل

أأشوفكم بعدين