رد: مايك منتدى سنانكو

من طرف فتاة طموحة الجمعة أبريل 10, 2009 12:22 pm

ها ياايموووو
مش حتختاري حد بقى
عايزين نعرف الاعضاء والعضوات اكتر

من طرف Den.emoOo الجمعة أبريل 10, 2009 12:29 pm

فتاة طموحة كتب:ها ياايموووو
مش حتختاري حد بقى
عايزين نعرف الاعضاء والعضوات اكتر

حاضر يا بت يا روكه
هقولكم على الشخص اللى هيمسك المايك بالليل

انتظرووووووووووووووووونا :walk: :walk: :walk:

من طرف فتاة طموحة الجمعة أبريل 10, 2009 12:30 pm

ماشي ياعم بانتظارك باذن الله

من طرف Eman Iran الجمعة أبريل 10, 2009 4:29 pm

ايه ده هى ايمو هى اللى فى المايك

هههههههههههههههه
لا طبعا انا عارفه وقريت كلامها
بس سورى ع التاخير فى الرد

استعنا على الشقا بالله

وهبدا باختى وروح قلبى ايمى باشا ايران ....دى بقى صديقه الفشل روح قلبى من جوه وتوام روحى وحافظه الاسرارفى اى مصيبه تلقينا دايما مع بعض الناس كلها بتقول عليها هاديه وساكته وبتاع بس محدش عارف اللى فيها خالص واللى ميعرفش يقول عدس
وكفايه كده اصل تضربنى ،هههههههههه ...واللى فى القلب فى القلب (هى فهمانى )

ميرسىىىىىىىىىىى يا ايمووووووووز يا عسل

حلوة صديقه الفشل دى ..ده لقب اعتز بيه الصراحه

يعنى ايه محدش عارف اللى فيها ...ايوة انا هاديه وطيبه موووت على فكرة

لالالالا انا مقدرش اضربك يا ايمو

وطبعا فهماكى

ربنا يخليكى ليا يارب يا روكه

ونفضل دايما انا وانتى وايران فى الروقان

ياااااااااااااااارب دايما نفضل فى الروقااااااااااان

وميرسىىىى ليكى يا ايموووو ع الكلام الجااااااامد ده ..انتى ممكن تبقى مذيعة جامده مووت لدرجه انى لو شفتك فى قناه هقلب على طووول ههههههههههههههههه

بهزر طبعا
:move:

من طرف Ahmed Nabeeh الجمعة أبريل 10, 2009 4:54 pm

احنا في انتظار الضحية الجديدة
هههههههههههههههههههههه
متنسيش يا ايمان تختاري حد جديد

من طرف a7mad seif الجمعة أبريل 10, 2009 4:57 pm

ههههههههههههههههه

والله يا ايمو كنتى منورة المايك فعلا وكلامك تحس فية كدة بالفطرة اكنك بتتكلمى مع وحدة صحبتك فى التلفون

من طرف Den.emoOo الجمعة أبريل 10, 2009 8:39 pm

lovely_bird كتب:ايه ده هى ايمو هى اللى فى المايك

هههههههههههههههه
لا طبعا انا عارفه وقريت كلامها
بس سورى ع التاخير فى الرد

استعنا على الشقا بالله

وهبدا باختى وروح قلبى ايمى باشا ايران ....دى بقى صديقه الفشل روح قلبى من جوه وتوام روحى وحافظه الاسرارفى اى مصيبه تلقينا دايما مع بعض الناس كلها بتقول عليها هاديه وساكته وبتاع بس محدش عارف اللى فيها خالص واللى ميعرفش يقول عدس
وكفايه كده اصل تضربنى ،هههههههههه ...واللى فى القلب فى القلب (هى فهمانى )

ميرسىىىىىىىىىىى يا ايمووووووووز يا عسل

حلوة صديقه الفشل دى ..ده لقب اعتز بيه الصراحه

يعنى ايه محدش عارف اللى فيها ...ايوة انا هاديه وطيبه موووت على فكرة

لالالالا انا مقدرش اضربك يا ايمو

وطبعا فهماكى

ربنا يخليكى ليا يارب يا روكه

ونفضل دايما انا وانتى وايران فى الروقان

ياااااااااااااااارب دايما نفضل فى الروقااااااااااان

وميرسىىىى ليكى يا ايموووو ع الكلام الجااااااامد ده ..انتى ممكن تبقى مذيعة جامده مووت لدرجه انى لو شفتك فى قناه هقلب على طووول ههههههههههههههههه

بهزر طبعا
:move:

هههههههههههههههههههه

ماشى يا ايران اما اشوفك

هههههههههههههههههه

يا فهمانى انتى

ميرسى يا حبيبه هارتى lol lol

من طرف Den.emoOo الجمعة أبريل 10, 2009 8:42 pm

AHMED NAPEEH كتب:احنا في انتظار الضحية الجديدة
هههههههههههههههههههههه
متنسيش يا ايمان تختاري حد جديد

حااااااااااضر يا نبيه

والله بدور على حد يمسك المايك oh! oh! oh!

من طرف Den.emoOo الجمعة أبريل 10, 2009 8:45 pm

dr.seif كتب:ههههههههههههههههه

والله يا ايمو كنتى منورة المايك فعلا وكلامك تحس فية كدة بالفطرة اكنك بتتكلمى مع وحدة صحبتك فى التلفون

الله يخليك يا سيف

يا رافع من معنوياتى

وحلو بتكلم مع صاحبتى فى التليفون
lol lol lol

بس كده الفاتوره هتبقى غاليه اوىىىىىىىىىى

شكرا على كلامك يا سيف

من طرف omayma الجمعة أبريل 10, 2009 10:35 pm

ايه الكلام الجامد ده يا ابمو
والله ده درر هههههه
انا طبعا بهزر
والله يا ايمو انت من الناس اللى مديه روح للسكشن بتاعنا

من طرف Den.emoOo السبت أبريل 11, 2009 1:37 am

mima كتب:ايه الكلام الجامد ده يا ابمو
والله ده درر هههههه
انا طبعا بهزر
والله يا ايمو انت من الناس اللى مديه روح للسكشن بتاعنا

هههههه
اهلا وسهلا ميما بنت سيكشنى بحالها فى الموضوع

منوره الاذاعه كلها والله

والله السيكشن من غيرى كان هيبقى ولا حاجه

ههههههههههههههههههه lol lol lol

ميرسى يا ميما

من طرف Den.emoOo السبت أبريل 11, 2009 1:42 am

خلاص يا جماعه

اسمعوا وعوا

الضحيه الجديده قصدى المذيع الجديد اللى هيمسك المايك :mmmm: :mmmm:

هو

هو

هو

هو

هو

هو

هو

هو

هو

هو

انزلوا كمان شويه :walk: :walk: :walk:

هو
هو

هو

اليكس

وربنا معاه بقى وهو هيبدا كلام من يوم الحد باذن الله :mob:

وسمعونى احلى تشجيع

:music: :music: :music: :music: :music: :music:

من طرف dezner السبت أبريل 11, 2009 3:08 pm

ربنا معاك يا أبو حميد

مع تحيات رئيس الإذاعة

هههههههههههههه

من طرف Ahmed Nabeeh السبت أبريل 11, 2009 3:26 pm

يلا يا ابو حميد ربنا معاك
بس بجد انت انسان جدع اوي وكلامك اكيد هيبقى ممتع
ربنا يوفقك وتعدي بالسلامة

من طرف فتاة طموحة الثلاثاء أبريل 14, 2009 8:40 am

احنا بقينا يوم الثلاثاء ولسه دكتور اليكس مدخلش
خير ان شاء الله
لعل المانع خيرا
ربنا معاك

من طرف dezner الثلاثاء أبريل 14, 2009 9:08 am

أحمد كان مشغول شوية اليومين اللى فاتوا وهيدخل إن شاء الله

من طرف rana الثلاثاء أبريل 14, 2009 10:11 am

ادينا مستنييييييييييييييينوا
انت فييييييييييين يااحمد؟

من طرف Ahmed Nabeeh الثلاثاء أبريل 14, 2009 10:27 am

سيبوه يا جماعه الراجل مكتئب من ساعه امتحان الاحصاء امبارح

من طرف Alex الأربعاء أبريل 15, 2009 2:02 am

انا جيييييييييييييييييييييت .... اكيييييييييد نورت يعني
lol

وسوري عالتاخير يا جماعة بس الدنيا كانت زحمة وكده
ونبدا بقى

اولا صباح الفل كل اصحابي المستمعين ومعاكم المذيع
ِAlex
"ده اللي هو انا "

في احلى مايك لاحلى منتدى وتحت اشراف احلى رئيس اذاعة
Dezner

في البداية احب اكلمكوا شوية عن نفسي

انا احمد الاسكندراني ... بيقولوا اني في طب اسنان بس شكلهم ضحكوا عليا ... ومن دمياط طبعا

وطبعا هتسالوا السؤال المعتاد ازاي اسكندراني ومن دمياط ؟؟؟!!!!

ومع اني بقيت بتخنق من السؤال ده جدا

بس هجاوب اجابتي المعتاده .... "تمويه"
هو بصراحة يعني علشان اريحكوا انا اسكندراني اصلا ودمياطي اقامة ومع شدة حبي لاسكندرية وارتياحي الشديد لجوها .... بس انا بحب دمياط جدا جدا جدا
وانا دمياطي وافتخر بصراحة ومبسوط جدا اني عايش فيها وانتمي لها

من طرف Alex الأربعاء أبريل 15, 2009 3:07 am

وعودة مرة اخرى

وعايز اكلمكوا شوية عن

اسرتي الصغنونة
وهي بابا + ماما + اختي + انا طبعا "اخر العنقود"

اكيييييييد يعني دول اغلى حاجة عندي ومقدرش اعيش من غيرهم خالص مالص

ماما ... طبعا مهما اتكلمت عنها اكيد مش هقدر اوفيها حقها وهي اغلي واعظم حاجة عندي وربنا يقدرني وارضيها
بابا ... فهو مثلي الاعلى اتعلمت منه حاجات كتير ومازلت بتعلم
اختي ... اكتر حد قريب ليا في الدنيا دي والوحيدة اللي بتكلم معاها بصراحة ومقدرش اعيش من غيرها

وربنا يخلهملي يا رب ويجمعنا في الجنة ان شاء الله

ومن اهم الحاجات اللي لازم اتكلم عنها هي

اصحابي
وهم اهم حاجة عندي وبجد من غيرهم معرفش اعيش
بحب اعمل صداقات كتيرة مع اني بصدم في ناس كتير بعد كده وعلشان كده بحاول اختارهم بدقة شوية ... بس مش بحب اخسر اي واحد فيهم وبحاول احافظ عليهم بكل الوسائل وربنا يخليهم ليا يا رب

وانا مبسوط اني عملت صداقات كتيرة السنة دي وبجد صداقات مش يتندم عليها

من طرف a7mad seif الأربعاء أبريل 15, 2009 7:59 am

اسف على المقاطعة

بس والله كلامك حلو يا اليكس اتكل على الله وكمل lol lol

من طرف Alex الأربعاء أبريل 15, 2009 4:56 pm

ميرسي ليك يا حبي وبجد انت حسستني اني رجعت كوكب الارض تاني وان في ناس وكده

ومرة تانية ونقول ازيكم مستمعينا الاعزاء ؟؟؟
وبيكمل معاكو
Alex
مش تنسوا

واتكلم شوية معاكو عن طفولتي

وطفولة طبعا ... يعني البراءة والسذاجة الجملية دي وبجد كانت احلى حاجة وايام يا ريت ترجع

ويوم لا ينسى طبعا وهو اول يوم ليا في المدرسة ( الحضانة) وانا فاكر ان صوتي راح يومها من كتر العياط اللي عيطه لاني مش كنت بحب المدرسة خالص وكمان مش كنت متعود اني ابقى لوحدي من غير ماما وكده يعني "انتوا عارفين الاطفال بقى ودماغهم" ولاني كنت مرتبط بماما اوي اوي ومش كنت عايزها تمشي خالص بس طبعا مفيش فايدة وكلهم اتلموا عليا وبعدوني عنها ومشيت وانا فضلت لوحدي بعيط ومش عارف اعمل ايه ؟؟؟!!! " ما باليد حيلة بقى"

ويومها برده اتعرفت على اول صديق ليا ... وهو ده اللي بدا يهديني وكنت مستغرب اوي هو هادي كده ازاي ومش بيعيط زيي ... وده فعلا الصاحب الي قضيت كل حياتي معاه مع بعض التغير اللي حصل في ثانوي بسبب تغير الافكار والتجاهات المفاجئ اللي حصله ومش عارف سببه حتى الان بس برده مازلت بحبه وبحب اشوفه كتير

وبعد كده بدات اخد شوية على جو المدرسة بس برده كنت في بداية ابتدائي بروح اقعد مع اختي (اللي هي اكبر مني ب 3 سنين) في فصلها ومش كنت بنزل فصلي كتير

بس الحمد لله يعني الواحد كان متفوق وكان بياخد شهادات تقدير عالطوول والجو ده ودي حاجة كانت بتفرحني اوي وبصراحة ماما كان ليها دور كبير اوي في الموضوع ده لانها كانت عالطووول بتجيب هدايا عالدرجات والمذاكرة وكده يعني وده كان بيحمسني عالطووووول

ومن اهم المشاكل اللي كانت بتواجهني في المدرسة اني كنت طيب اوي اوي (لدرجة السذاجة) ومش كنت بعرف اتشاكل واضرب والكلام ده وكان ربنا رازقني بصاحب مؤذي اوي بس الحمد لله ربنا هداه

وطبعا عملت اصحاب كتير في المدرسة وكانت شلة ما يعلم بيها الا ربنا بس بجد بحبهم اوي اوي

اما عن البنات في المدرسة فانا كنت في مدرسة لغات (مع اني مش كنت بحب الانجليزي ده خالص) وطبعا كانت مشتركة وانتوا طبعا عارفين براءة الاطفال وكده بس بجد كانوا كلهم اخواتي ومازلوا يعني وبعزهم جدا طبعا في ناس كتير مش عارف عنهم حاجة دلوقتي بس دايما بحاول اسال عليهم يعني لانهم اخوات ميتعوضوش بجد وزي ما قولت قبل كده مش بحب ابدا اخسر او ابعد عن اي حد من اصحابي

وقبل ما انسى اني كنت بشترك في معظم النشاطات في المدرسة فا طبعا الاذاعة المدرسية دي حاجة اساسية والمسرحيات والرحلات مكنتش بفوت الحمد لله ودي كانت متعة بالنسبة ليا وكان كل المدرسين عارفيني وحتى الان بيفتكروني لما بروح اسلم عليهم ودي حاجة بتسعدنى اوي

ايه ده انا مش كنت اعرف ان انا رغاي اوي كده ... بس يا رب اكون مش طولت عليكم
ولنا عوده ان شاء الله ونكمل مع بعض
مع اني من الواضح اني سافرت بلوتو ومش راجع تاني

من طرف Alex الأربعاء أبريل 15, 2009 5:12 pm

معلش انا عارف اني برغي كتير بس استحملوني بقى ويا رب مش اكون تقيل على قلبكم
مع اني حاسس اصلا اني بكلم نفسي بس ما علينا

:ah**: :ah**:

اما بقى لو اتكلمنا على فترة ثانوي

فا دي بقى من الفترات اللي تقريبا مش استمتعت بيها لاني فيها كنت في مدرسة العسكرية دي طبعا علشان ادخل فصل الفائقين ودخلته الحمد لله وفي اتعرفت على اصحاب جامدين اوي ومنهم طبعا اعز واقرب اصحاب ليا والحمد لله ربنا وفقنا كلنا ودخلنا الكليات اللي كنا عايزنها

وطبعا هتقولوا طيب مش استمتعت بيها ليه ؟؟؟!!!

هقولكوا اني كنت في اولى ثانوي دي مسميني "التلميذ النجيب" وده لاني كنت بزاكر وكنت واخدها جدا نوعا ما وبرده لاني كنت بحب اليونيفورم بتاع المدرسة وكنت بروح الجرافيت اللي خلوني اقلعها من اول اسبوع من كتر التريقة اللي اخدتها وكنت طلعت التالت باين عالمدرسة في السنة دي (مش عارف انا كنت بعرف ازاكر ازاي اصلا بس ما علينا )

وبعد كده طبعا تانية ثانوي كنت بذاكر بس مش اوي يعني وظبت نفسي الحمد لله في الاخر بس جه الفرنساوي "مع اني كنت بحبه" وظبطتني طبعا وخلاني جبت %96.5 منهم 2% فيه لوحده .... ودي كانت الصدمة الاولى

وفي تالتة طبعا ... كنا فهمنا العملية شوية بس المذاكرة بصراحة كانت اقل من تانية بكتير لاني كنت عارف هعمل ايه في االخر وكده بس طبعا جت الامتحانات ظبطتنا جامد من فيزيا لاحياء يا قلبي لا تحزن مع اني المفروض ان درجة الفيزيا كانت كويسة نوعا ما وهي 46.5 بس ما علينا وجبت 97% في كله وكانت الصدمة التانية

وفي النهاية ربنا وفقني وبقيت معاكوا وانا مبسوط بده الحمد لله

من طرف Alex الخميس أبريل 16, 2009 11:07 am

انا جييييييييييييت تاني وانا عارف اني منور من غير ما حد يقولي في بلوتو اللي انا قاعد فيه لوحدي ده

و نقول صباح الخير مستمعينا الكرام
وانا جيت ارغي معاكم شوية كمان
لاني الظاهر اني حبيت الرغي اوي

لو جينا نبص لشخصية احمد "اللي هو انا برده"
:dentist: :dentist:

من اكتر عيوبه اللي انا شايفها اني بحس انه طيب الى درجة السذاجة وبيصدق اي حاجة وعلشان كده بكره الاشتغالات

ودايما بيحاول يعمل خير بس للاسف في كتير من المواقف بيتفهم غلط وده بجد بيضايقه جامد اوي بس في الاخر بيعمل اللي عليه علشان يرضي ربنا .... لاني شايف ان لو الواحد فكر في كل الكلام اللي بيتقال حواليه مش هيعرف يعيش "و دي من مميزاته اللي انا شايفها الحمد لله"

وانا مش عارف ده عيب ولا ميزة بس انا بحب الهزار اوي وبحب اضحك ومش بحب الاكتئاب مع اني بقيت بحس اني مكتئب عالطوووول بس برده مش بحب الناس اللي عايشة في دور امينة رزق وتحسسك انها هتموت بقى خلاص وان الدنيا سودا ومش فيها حاجة حلوة والكلام ده

ويمكن من عيوبي اللي ظهرت مؤخرا اني بقيت مكبر دماغي اوي لدرجة ان في حاجات كتير مش بقت بتفرق معايا وده بجد بيحزني اوي

وبرده من عيوبي اني ببقى متسرع في حاجات كتير ومش بفكر اوي يعني في النتيجة اللي ممكن تحصل ومش بحط في دماغي اختلاف وجهات النظر والاستجابات بين الناس اللي حواليه وده بجد بيحطني في مواقف زي الزفت في كثير من الاحيان

اما بالنسبة لاسمي :

ليه انا اسمي "احمد" ؟؟؟؟

سؤال سالته لنفسي كتير وانا صغير وكنت بضايق اوي اني اسمي احمد لانه منتشر وكتير اوي بس لما كبرت شوية بقيت بحب اسمي جدا وبحب اوي امعه بيتقالي ... ده غير طبعا "اليكس" اللي برده بحبه جدا وبالذات من اصحابي وكمان بيميزني لان في كتير احمد معايا

من طرف white cloud الخميس أبريل 16, 2009 11:56 am

كلامك فعلا حلو خالص ومسلى وانا يعنى من تعاملى البسيط معاك اعتقد انك حد محترم خالص زبس ان ماشاء الله فاكر اول يوم حضانة ده انا ذاكرتى تبدا من خامسة ابتدائى مثلا lol brush lol

من طرف white cloud الخميس أبريل 16, 2009 12:00 pm

بس ايه الصحراء دى مش فى بشر هنا يردوا ولا ايه؟؟ lol