رد: مايك منتدى سنانكو

من طرف hero الأحد فبراير 08, 2009 12:33 am

واحب اقول وكيكو ماسك المايك معبش
اننا لعبنا لعبة الغماز وبرضو كان حظى فيها وحش تييييييييييييت
اظاهر كان اليوم المنحوس فيها
هى لعبة هادية وكويسة ههههههههه

من طرف rana الأحد فبراير 08, 2009 6:01 pm

هو فين محمود يا جماعه؟

من طرف dezner الأحد فبراير 08, 2009 9:18 pm

المذيع المبتدىء محمود الكيال اكتفى بماقدمه
ووكل ليا إختيار مذيع جديد
وأنا شايف إن المذيع المرة دى هيكون من الجنس الآخر ولتكن

رنا

من طرف KiKo الأحد فبراير 08, 2009 9:21 pm

و الله يا جماعة انا اسف
و فعلا عندى ظروف مقدرش أكتب
بس خير
ان شاء الله مرة تانية

من طرف doctor1992 الإثنين فبراير 09, 2009 10:45 pm

يااااااااااااااه كل ده قولته ياكيكو !!!!!!!!!
وانا اللى اعده اقول مستنين كيكو

من طرف KiKo الإثنين فبراير 09, 2009 10:47 pm

طب خلاص انا هتكلم لحد ما العطار يختار حد تانى

من طرف Ahmed Nabeeh الإثنين فبراير 09, 2009 10:50 pm

ماشي بس بسرعه بقا

من طرف KiKo الإثنين فبراير 09, 2009 10:51 pm

انا عرفت نفسى قبل كده

اتكلم عن نفسى شوية بعد اذنكم
بحب الهزار جدا و بحب عمل المقالب أكتر بس متتعملش فيا
احب لما أكون جدع مع حد ميطلعش عيل معايا
بحب الرومانسية جدا لكن محدش فى الدنيا ممكن يعرف اللى جوايا غير الشخص اللى بحبه
بحب أصحابى جدا و مقدرش أعيش من غيرهم لأنى بحس انهم ضهر ليا و أنا مش موجود
و بخاف جدا من الخيانة و الحمد لله محصلتش معايا لأنى بختار الناس اللى بتعامل معاهم كويس
كتير بسمع ان فى ناس بتتخم فى معرفة ناس و بيتجرحوا منهم اوى ده محصلش معايا و يا رب ما يحصل

من طرف KiKo الإثنين فبراير 09, 2009 10:56 pm

كل ما حد يسمع سنى يستصغرنى مع انى حابب ده أوى بس فى ناس بتستغرب انى اكون فى الكلية دلوقتى
شكلى يبان عليه الهدوء جدا و طبعا ده العادى مع أى حد ميعرفنيش بس اللى يعرف أكتر يعرف انى مجنوووون

عيوبى بقى زى ما سمعت من ناس قريبين ليا
انى بتعصب بسرعة و ساعات ابقى ماشى مع حد و فى ثانية تحصل منه حاجة و لو صغيرة أتضايق جدا و أبقى مش طايق حد
ببان قدام الناس انى بحب الهزار و الضحك و كده و من جوايا هموم كتييييييير و مبحبش أقولها لحد

من طرف KiKo الإثنين فبراير 09, 2009 11:04 pm

يوم التنسيق كان قلبى هيقف من الفرحة و البيت اتقلب اول دكتور فى العيلة يا فرحتى
طبعا بابا كان ممكن يحصل له حاجة لو مكنتش دخلت الكلية دى لأنه كان على طول يقولى أسنان المنصورة
المهم كنت فرحان جدا و انا رايح اقدم ورقى و داخل الكلية و بتاع و بعدين عرفت ان هيبقى
فيه شغل لمتأخر زى الترم الاول كان عندى سكشن للساعة 8
المهم سألت أعمل ايه قالولى قدم فى المدينة و هتقبل و خصوصا ان سنك صغير و بلدكم ليها مدينة و بتاع
فى الأول كنت قرفان و مضايق هى طبعا مش فندق خمس نجوم و لا هتكون عمرها زى البيت و الأكل تيييييييييت هو طبيخ واحد و بيضحكوا علينا مرة يبقى فاصوليا و مرة لوبيا و مرة بسلة مع انهم نفس الشكل و الله أعلم ازاى
اللى بيهون عليا انى قاعد مع اصحابى و ناس زى اخواتى عارفهم من زمان و كمان ناس كتيير اتعرفت عليهم السنة دى زى محمد فتحى و محمد السيد أهل الزقازيق الكرام و بجد سعيد انى عرفتهم
و عاملين تضامن بين اوضتنا و اوضتهم و هزار كتير و بتاع
بس عيبها ان الواحد مبيعرفش يذاكر خااااااااااالص
بس هنشوف الموضوع ده فى الترم التانى

من طرف KiKo الإثنين فبراير 09, 2009 11:27 pm

معلش هو الكلام بتاعى مش منظم و مش مترتب بس عشان أخلص

انا والدى مهندس بيشتغل فى شركة للخدمات البترولية 15 يوم و 15 يوم من الشهر أجازة لأن الموقع بتاع الشغل فى الصحرا جنب السلوم
و والدتى مدرسة اقتصاد ثانوى و طبعا هى أول واحد نصحتنى بانى ما اخدش اقتصاد و احصاء و كان عندها حق
اخواتى فى تانية اعدادى و خامسة ابتدائى

احلامى زى اى حد فيكم ابقى دكتور كويس و الناس تبقى مبسوطة منى و اقدر اقدم جزء من الجميل لبابا و ماما
و أخلى اخواتى فخورين بيا على طووووول

من طرف dr.ahmedilwn الثلاثاء فبراير 10, 2009 12:01 am

الله عليك يا محمود
متقولش أسامة منير

من طرف doctor1992 الثلاثاء فبراير 10, 2009 1:00 am

ايه يامحمود سكتت ليه ولا انت خلصت ولا ايه النظام
بس كلام باين عليه الصراحه

من طرف Ahmed Nabeeh الثلاثاء فبراير 10, 2009 9:50 am

الله عليك يا محمود
والله كلامك صريح اوي
وانا فعلا لما شفتك حسيت فيك الهدوء والطيبة
بس اتاكدت ان انا طلعت غبي في تقديرك من ناحية الهدوء بس
بالذات يوم العزومه
لانك طلعت عفرييييييييييييييييت

وطبعا انا بهزر

بس عالعموم والله يا حودة انت طلعت حد كويس اوي
والحمد لله معظم الناس اللي معانا طلعوا كويسين جدا والله
وانا بحمد ربنا اني معاكم في الدفعه دي

من طرف hero الأربعاء فبراير 11, 2009 1:43 am

طبعا حودة انا مش محتاج اتكلم عليه
ولا محتاج اقول عليه كذا وكذا
يا رب صداقتنا تدوم للابد

من طرف KiKo الأربعاء فبراير 11, 2009 1:45 am

شكرا يا جماعة و انا هكمل كلام لحد ما رنا تيجى

من طرف KiKo الأربعاء فبراير 11, 2009 1:50 am

هتكلم عن الناس اللى عرفتها فى الدفعة دى
اول ما دخلت المدرج اول يوم كان المنظر عاجبنى اوى
لقيت نبيه كالعادة جاى يهزر و يضحك معانا و عرفته اول واحد و طلع بعد كده واد جدع اوى و على فكرة يا أحمد بابا بيسلم علييييييييييك هههههههههههه
و عرفت بعدها هيرو و محمد السيد ناس من الزقازيق بس جدعان اوى و اللى خلى علاقتنا قوية ببعض اننا طول اليوم فى وش بعض فى المدينة طبعا بس بحبهم جدا و بقول للسيد كبر دماغك شوية
و بعدين عرفت ناس تانى زى العسل زى صيام و مدحت و الشربينى و طبعا ديزنر و حليمو والباقى طبعا كلهم ناس زى الفل و معلش لو نسيت اسم حد
و البنات انا عارف كتير منهم ع المنتدى بس مش عارفهم شخصيا بس طبعا محترمين جدا و ناس قمة فى الأدب و أتشرف انى زميل ليكم
بس اللى مش عاجبنى فى الفترة الأخير الخناقات الكتير اللى بتحصل و الكلام الوحش اللى بيتقال عن ناس فى غيابهم
بس ده الحمد لله مش مأثر وعلينا واحنا دفعة زى الفل

من طرف KiKo الأربعاء فبراير 11, 2009 1:51 am

و فاصل و أواااااااااااااصل

من طرف Ahmed Nabeeh الأربعاء فبراير 11, 2009 2:01 am

هههههههههههههههههه
طبعا يا محمود لازم تسلملي على بابا كتير
وقوله عمو احمد بيسلم عليك

وانا بصراحه يا محمود
اول حاجه اتكلمت معاك فيها مش فاكر هي ايه
بس طبعا لازم تكون هزار منا كده كلى على بعضي
هزار في هزار
هههههههههههههههه

بس بعد كده عرفتك كويس
واتكلمت معاك عن المدينة
وطبعا فاكر الكلام كان على ايه

ولا افكرك؟؟؟؟؟؟؟؟؟؟؟؟؟؟؟؟؟؟؟؟؟

من طرف KiKo الأربعاء فبراير 11, 2009 2:16 am

ههههههههههه
لأ طبعا فاكر و بلاش تسييح

من طرف ms الأربعاء فبراير 11, 2009 2:18 am

والله يا جماعه كيكو ده دمه زي العسل
انا بحبه جده وانا خايف ليكون لسه زعلان منى بس يا كيكو صدقنى كنت عايز انام وانا متأخرش عليك فى حاجه انت عارف
واللى بجد معايا من الزقازيق محمد فتحى ده واد جدع اويييييييي انا مقدرش ارفضله طلب
والناس التانيه الى في الدفعه زي صلاح وباداوموسى وسامح ....
الناس دى انا بحترمها اوي ومن غيرهم معرفش كنت هعمل ايه

من طرف Mostafa ElShirbeny الأربعاء فبراير 11, 2009 2:19 am

هايل يا محمود استمر كمذيع يا بنى و سيبك بلا اسنان با بتاع :walk:

و احب اقول برضه ان اليوم عند العطا كان جميل جدا و فعلا الواحد استمتع بيه و ضحك من قلبه
و احب اقول لهيرو ما تزعلش اوى انك خسرت ف الكوتشينه
ف المرة الواحده كانوا حوالى 60 ورقه مش مشكله يعنى lol

من طرف hero الأربعاء فبراير 11, 2009 2:22 am

هههههههههه
ماشى يا شرشر الجيات اكتر
شكرا يا سيد على كلامك فى العبد لله

من طرف rana الخميس فبراير 12, 2009 10:39 pm

هي الاستديو اتملى بالناس كه ليييييييييييييه؟
وانتم قاعدين تغيظونا بعزومات وكلام من ده؟
ماشي ماشي

استمر يا محمووووووووود بدون مقاطعه :hhhh:

من طرف hero الجمعة فبراير 13, 2009 12:24 am

هههههههههه
بس كانت عزومة حلوة
بس يا رنا محمود خلص
بس مستنين حد تانى يختاره العطار او محمود

من طرف Ahmed Nabeeh الجمعة فبراير 13, 2009 2:28 am

يا رنا

ارغى يلا
وسمعينا صوتك