خانوني البشر

من طرف sheref ashraf الإثنين يناير 26, 2009 1:49 pm

عاميه سريعه

من زمان
من زمان لما كانت ايامي عاديه
من زمان لما كان القمر بيمر حواليا
لما كان الجمال انا ماسكو بايديا
والعشق انا شايفو بعينيا
من زمان من زمان

من زمان
لما الحياه كنت شايفها بمعانيا
لما حسبت ان كل حاجه ممكن تكون ليا
وان القمر جنبي يفضل خايف عليا
يفضل حبيب ليا
ويكون دوا قلبي
واشيله ف عينيا
من زمان

لكني بردو زمان حسيت
ان الحب دا زي البيت
وييجي يوم يتهد الحيط
على راسي على راسي

لكني و بطبيعة الانسان
قلت لازم اعيش حبي
اعيش عمري
وادي لحبيبي كل الحنان
وانسى يا قلبي كل الالام
ده الحب بييجي مره
وعمرو ما يكون تاني ولا الاحلام

و ف لحظه مرت الايام
و ف ثانيه ضاعت الاوهام
ضاع الهوا وضاعت الاحلام
ولا حب بقّا, ولا عشق حتى يوافق الانغام
انا اصل قلبي كان بيعزف كتير االحان
الحان حبي و عشقي مع الايام

وسالني ناس عما فيا من الاحساس
حسيتني لازم اشتكي همي
اشتكي همي
اشتكي المي ,اشتكي حزني
اشتكي للناس

وبدات احكي قصه قمر ليلي
و رميت حمولي على غيري
ولقيته اصلا مش واقف هنا جنبي
و ف لحظخ لقيت ان حتى الناس
مش راضيه تعرف الاحساس اللي بيه قلبي

لكني مع اليام
عرف قلبي اللي كان مفروض يعزف من الالحان
الحان الحزن والهم والاوهام

خانتني واخاني الناس
ولقيت قلبي وحيد
وعقلي وياه شريد
و ما عاد قلبي عارف يحب
و ما عاد الهوا بيمر على ليلي
و زاد الصدا على سنيني
والهم غطا علي جفوني

سلمت
سلمت قلبي لقاضي الزمان
سلمت اما عرف قلبي سنة زمان
زمان قاسي على الاحلام

لكني عمري ماحسيت بالظلم
عمري ما حسيت بنزف الدم
لاني عارف ان قلبي ف ظلم الزمن معاه اصحاب
وياه قلوب خانوها البشر والاحباب

سلمت قلبي انا سلمت

شرشر,,,,,,,

جايز مش تكون حلوه لكني حبيت بس اشارك بسرعه في التوبك بتاع الخيانه

من طرف Amr Wahba الإثنين يناير 26, 2009 3:19 pm

sheref ashraf كتب:عاميه سريعه

اعيش عمري
وادي لحبيبي كل الحنان
وانسى يا قلبي كل الالام
ده الحب بييجي مره
وعمرو ما يكون تاني ولا الاحلام

ه

بجد جامده اوي يا شريف.............. شكراً
اكيد مش قصدك عمرو انا......

من طرف sheref ashraf الإثنين يناير 26, 2009 3:21 pm

Amr Wahba كتب:
sheref ashraf كتب:عاميه سريعه

اعيش عمري
وادي لحبيبي كل الحنان
وانسى يا قلبي كل الالام
ده الحب بييجي مره
وعمرو ما يكون تاني ولا الاحلام

ه

بجد جامده اوي يا شريف.............. شكراً
اكيد مش قصدك عمرو انا......

شكرا يا وهبه بس انا اكيد اقصد انه عمره اوك؟

من طرف Greesha الإثنين يناير 26, 2009 3:22 pm

جامدة يا شريف ومعانيها كبيرة اوي وجديدة وصوتي معاك يا ماو وتسلم ايدك على التوبيك انا وانا بقراه بجد مكنش نفسي انها تخلص جلوري جلوري شريف وبالتوفيق يا بوبو