سندريللا المتشردة

من طرف solwan الأحد يناير 25, 2009 4:21 pm

مرات الاب : بت يا سندريلا اصحى يا بت كاك خابطة فى نفوخك

سندريلا : اييييه يا مرات ابويا خمسه وحقوم

مرات الاب: قومى يا بت قامت قيامتـك

وصحيت سندريلا وهى بتأفأف

مرات الاب : يـاله قومى اكنسـى وامسحى على ما اجى

سندريلا : وانتو رايحين فين ومتزوقين كده وكل واحده عامله نيو لوك

مرات الاب : رايحين حفله الامييير اللى حيختار واحده عشان يتجوزهـا

سندريلا : خدونى معاكو انا عاوزه اروح بليز

مرات الاب : بليز ايه يا معفنة وتروحى فين يا موكوسـه بلبسك المهرول ده انا عايزه ارجع الاقى البيت بيبرق

ومشيت مرات الاب وبانتها التلاته وقعدت سندريلا تعيـط وفجــأه طلعتلها الســاحره من البوتجاز

الساحره : مالك يا سندريلا ؟؟؟

سندريلا : كان نفسى اروح معـاهم الحفله بس لبسى مقطع و موبايلى كارت ولابسه شبشب بصباع

الساحره : ولا يهمك وطلعت من جيبها الموبايل وطلبت الاتليه بتاع مدام لولو يبعتو فستان وجزمه اخر موديـل فرحت سندريلا ولبست وحطط الايشادو و الجليتور ورشت البرفان

بس الساحره قالتلها قدامك للساعه 12 لازم ترجعى انا صعيديه ودمى حامى ومعنديش بنات تتأخر و لو اتأخرتى حترجعى زى ما كنتى
بلبسك المنتن وسط الناس يا بيئة

سندريلا : حاضر حاضر اما ساحره زبالة صحيح , خرجت سندريلا من البيت لقت الساحره مجهزة عربيةbmw

ركبت سندريلا وراحت ع القصـر ولفت جمــالها كل اللى موجودين و اول ما عين الامير وقعت عليها راح وطلب يرقص معاها و وافقــت نظرات ... همسات صمــت
ترررررررررن

ترررررررررررن

سندريلا : ده الساحره بتدينى ميسد .. يا خبر الساعه 12

وقامت طالعه تجرى قوم ايه وهى بتجرى فرده الجزمه اتخلعت خدها الامير المعجب و نده للوزير

الامير : يا وزير لؤى

الوزير : امرك مولاى

الامير : خد الجزمه دى اسحبلى صورتها اسكانر و نزل صورتها فى كل الجرايد و ع الويب سايت بتاع قريتنـا واكتب الى صاحبه هذه الجزمه التوجهه للقصـر الملكــى

بنات كتير جدا راحو و يا سبحان الله الجزمه مجتش على مقاس حد فيهم (ال يعنى سندريلا رجليها رجل معزه ) الى ان شاهدت سندريلا الاعلان عن فرده الجزمه على ميلودى هيست وقامت بالتوجهه الى القصر
وتزوجت هى والامير وعاشو فى تبات ونبات

و خلفو تؤام ملتصق وشويه بنات

و توته توته خلصت الحدوته
:queen: :queen:

من طرف فتاة الاسلام الأحد يناير 25, 2009 5:08 pm

حلوة اوى يا سلوان

شكــــــــــــــــرا

من طرف the lord king الأحد يناير 25, 2009 6:34 pm

حلوة اوى

من طرف hero الأحد يناير 25, 2009 6:37 pm

هههههههه
حلوة اوى بى ام دبيو

من طرف Asmaa الأحد يناير 25, 2009 6:43 pm

ههههههههههههههههههههه
ميرسي

من طرف B a db o Y الأحد يناير 25, 2009 6:48 pm

هههههههههههههههه
جميله يا دوك

من طرف doctor1992 الأحد يناير 25, 2009 6:50 pm

هههههههههههههههههه حلوه اوى ميرسى ياسلوان ياعثل

من طرف solwan الأحد يناير 25, 2009 6:52 pm

ميرسىىىىىىىى عالمرور يا جماعة :greet:

من طرف KiKo الأحد يناير 25, 2009 6:53 pm

ههههههههه
جامدة
اوى

من طرف oshy الأحد يناير 25, 2009 6:55 pm

هههههههههههههههههه
جامدة يا سلوان
بس انا نفسى افهم لما الساحرة بتدى لسيندريلا ميسد
دا احنا المفرود بقى نشتغل بليز كول مى على طول ومحدش يقدر يتكلم
ههههههههههههههههه

من طرف rosey الأحد يناير 25, 2009 7:24 pm

هههههههههههههه

حلو الموبايل الكارت دا

ميرسىىى د/سلوان

من طرف solwan الأحد يناير 25, 2009 9:04 pm

oshy كتب:هههههههههههههههههه
جامدة يا سلوان
بس انا نفسى افهم لما الساحرة بتدى لسيندريلا ميسد
دا احنا المفرود بقى نشتغل بليز كول مى على طول ومحدش يقدر يتكلم
ههههههههههههههههه

اصل الساحرة كانت لسة سالفة 3جنيه