إمتحانات أخر زمن

--------------------------------------------------------------------------------

وزارة هنديك بالشبشب
أختبار اللغة العربية
ان شاء الله هنشوفك السنة الجاية يا باشا
وقت الاجابة : خلص نفسك و اجري

اسم الطالب : ناسي البطاقة في البيت يا معلم
نوع الطالب : علمي علمك
عدد الطلبات : طلب واحد شاي
عنوان المنزل (( في حالة الانتحار او الوفاة )) : اول ناصيه على ايدك اليمين
تليفون المنزل : اتنين صفر و اربعه خضر

هذا الامتحان برعاية بيبسي كولا
دلوقتي .. بيبسي الصاروخ بجنيه واحد بس ... هتفضل تغلى لغاية ماتبطلها (( وراك وراك ))

ملاحظة: اجب عن الأسئلة التعجيزية التالية و عددها ( 6 ) إجباري و ( 1 ) اختياري على أن يكون مجموع الأسئلة (7).
ملاحظة: عجلة الجاذبية 9.8 ( في حالة انك حبيت تنط من الشباك )
يسمح بالغش من اللي وراك أو اللي قدامك أو اللي جنبك (( طبعاً ماحدش عارف حاجة عشان يديك يا حلو ))

السؤال الأول (20 درجة )

قال ريكو في أغنية (( خلي الشعب يعيش )) مايلي :
راحت عليكي الدنيا .. وراح زمن الشهادات
و بقيتي يا دنيا ماشية عالسقفة و عالصاجات
هزيها براحة براحة .. تفضلي على طول مرتاحة
هزيها بشويش بشويش .. خلي الشعب يعيش

الأسئلة

1- اشرح الآبيات الاربعة الاخيرة من النص بما لا يقل عن 90 سطرا باختصار شديد (9 درجات)
2- لماذا أكد الشاعر على القصد الشريف و النية الصادقة ، و علام يدل قوله (( هزيها بشويش بشويش )) ؟ (3 درجات )
3- استخرج من البيت الاول محسن ابراهيم و محسن اسماعيل مبيناً نوع كل محسن منهما . (3 درجات)
4- استخرج من البيت الثالث صورتين فوريتين مبينا نوع الكاميرا (3 درجات )

مساحة خالية للإعلان- ت : واحد اتنين .. الجيش العربي فين

السؤال الثاني ( 8 درجات )

أعط أسباب ما يلي مع شرح وافي :
(( ياعم كبر يا عم بص .. ده حتى بص ده الواد بيلظ ))

1- تم نقل السوق المالي إلى سوق السمك ؟ ( درجتين )
2- إقبال الناس الى شراء نوكيا 9990 و عدم شراء نوكيا 9900 ؟ (درجتين)
3- إغلاق شبكة الأخبار Pnn بعد زواج شارون ستون ؟ ( درجتين )
4- أسباب اندلاع الحرب بين ..... ما فيش فرق، اختر أي حرب، ماهو انت هتعيد كده كده ؟ ( درجتين )


*** أخي الممتحن أقلب الصفحة: والله لتندم علي الساعة اللي دخلت فيها المدرسة ***
السؤال الثالث –اختياري- (5 درجات)
اكتب الاسم المستوفى من السؤال
ما اسم الراجل اللي حط كرتونة مياه (( بركة )) المعدنية رقم - 966504 - في سيارة نقل القاهرة رقم - 125986 - ؟
( ورد ذكر اسم هذا الرجل في اكثر من مسلسل تليفزيوني )؟ (5 درجات)

فاصل إعلاني: غمض عين فتح عين ... اشتري بيتزا تاخد اتنين (( هذا العرض ساري حتى نهاية الوقت المحدد للإمتحان ))

السؤال الرابع (8 درجات)

ورد في قناة روتانا فيديو كليب " ليلي نهاري " للمخرج كاميرون كايسي و غناء عمرو دياب :
" كمل كلامك "
الأسئلة

1- ماذا كان يريد ان يقول عمرو دياب للمزة ؟ (4 درجات)
2- ماا نوع الكنبة اللي كان قاعد عليها عمرو في الاغنية , و ما إسم عامل السفنج في المصنع ( مع التوضيح ) ؟ ( درجتين)
3- ما اسم صبي الخياط بتاع ام الموديل اللي كانت مع عمرو في الكليب ؟ ( درجتين )

السؤال الخامس (20 درجة )

موضوع تعبير
قال أحدهم: " حسن زعبولا .. ماشي بيتسالا .. محندق الجاكيته و بيتعايق بالقلة "
أكتب نبذه عن حياة ابو حسن زعبوله (( الحاج زعبوله )) و اذكر 3 اسباب عن سبب انفصال الحاجة زعبولا عن هندامة (( زوجته الاولى )) (20 درجة)

بيبسي كولا
المشروب الرسمي لهذا الامتحان

*** أخي الممتحن أقلب الصفحة أحسنلك (( اصلك مش عارف اللي فيها )) ***

السؤال السادس ( 19 درجة )

اجب عن أربعة فقط من الأسئلة التالية

1- ما رأيك بتصرفات " رفيع " و " فرحة " في مسلسل الضوء الشارد ؟ (5 درجات)
مبيناً ماذا سيحدث في فيلم ( تيتو ) بعد مقتل ( تيتو ) في الفيلم و افتتاح مطعم ( تيتو )
2- ما رأيك بموقف "حسام" من "سرية" في مسلسل الحقيقة و السراب ؟ (5 درجات)
3- من برأيك أقوى وأفضل بوكيمون - هل هو – بيكاتشو ؟؟؟ (5 درجات)
4 – اذكر أسماء أبطال كابتن ماجد، مع بيان فريق كل منهم. وما عدد الأهداف التي سجلها الكابتن ماجد
في كأس العالم الأخيرة في ألمانيا 2006. (4 درجات)

عرض موبينيل الجديد من سمعان أبو رنه ، اشتري كارت بـ330 جنيه و احصل على نص جنيه في الرصيد مجاناً

سؤال المساعدة ( لرفع العلامة ) ( 20 درجة )
و ملهوش لازمة اساساً

أ – اذكر أسماء 3 من رؤساء بلدية لقرية يوكوزوهريتاشاناتا اليابانية من ثلاثة مقاطع مع عدد السنوات التي ترأسوا فيها البلدية
ب – أذكر أسماء زوجات 5 ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن شقراء

انتهت الاسئلة و نلقاكم في امتحان الدور التاني انشاء الله
ربنا يعينكم علينا
مع تحيات بيبسي كولا الراعي الرسمي للأمتحان

يا سلام والله الحاجات دي هي اللي هتفك الهم اللي انا فيه تسلمي يا دكتوره امنيه والله بس والنبي انا عاوز اعرف نوع الاسفنج لان عاوزين ننجد بطانية عندنا

هههههههههه...جامد اوى الموضوع ده يا د.امنيه

hahaha nice topic
elamt7an da bifakrny bamt7an el fiziaa

هل يتم انفجار المنزل؟؟
وإذا تم فتح النوافذ والأبواب هل سيتم التدمير بنفس المقدار؟؟:lol!:


طبعا كلنا عارفين ده كان امتحان ايه

ههههههههههههه مش عارف من غير التهيس دا كنا هنعمل إيه

شكرا يا د/أمنية

فكرتينى ...........الموقف ده انا اتحطيت فيه قبل كده ...........امتى يا حماده.مممممم؟؟؟؟؟؟؟........اه افتكرت

فى امتحان الفيزيا والرياضه2

على العموم متشكرين على المتحان التافه ده اللى عاوز 60 يوم من الاجابه دون انقطاع

جامدة يا بنتي والله

ههههههههههههههههههههه تسلمى

ههههههههههههههههههههههههههههههه
ههههههههههههههههههههههههههههههههههه
جااااااااااااااااااااااامدة يا دكتورة امنية

ياسلام هى دى الامتحانات ولا بلاش

ده جرنان ده مش امتحان
هههههههههههههههههههههههههههه

ما اسم الراجل اللي حط كرتونة مياه (( بركة )) المعدنية رقم - 966504 - في سيارة نقل القاهرة رقم - 125986 - ؟

هههههههههههههههههههههههههههههههههههههههههه

- أسباب اندلاع الحرب بين ..... ما فيش فرق، اختر أي حرب، ماهو انت هتعيد كده كده ؟ ( درجتين )

ههههههههههههههههههههههههههههههههههههههههه
معجبة اوى بثقتهم فينا

هههههههههههههههههههههههههههه