الاسبوع الكئيب

بسم الله الرحمن الرحيم

بجد انا مش عارف ابدا ازاي
انا خلاص يا جماعه كرهت اول اسبوع بعد الاجازة
اولا كده مليان امتحانات
وانا كاتب الموضوع ده بالذات علشان اقولكم عالامتحانات الموجود

اولا يوم الاحد : هيكون الساعه 10 الصبح امتحان فسيولوجي حيوان عالمتهج كله
وكمان هيكون معاه امتحان هستولوجي زي ما زميلتنا قالت
وطبعا هيكون عالمنهج كله

يوم الثلاثاء: هيكون فيه امتحان ميكرو بيولوجي من الاول حتى نهاية الactinomycetes
اما بالنسبه للفسيولوجي
فهو انا رحت بنفسي للدكتور محمد عباس وقالي انه مش متاكد لسه اذا كان هيعمل امتحان ولا لا؟
وقالي انه لسه هيشوف حسب درجات اعمال السنه ويحط الامتحان او لا ؟
وقالي كمان انه لو حط الامتحان هيكون على chapter رقم واحد بس اللي هو تركيب الخليه
وقال ممكن يجيب سؤال مثلا عن الميتوكندريا ويقول ارسمها وقول وظيفتها او الشبكة الاندوبلازمية
وعلى هذا الشكل هيكون كل الامتحان

اما الفيزيكال
انا برضه رحت للدكتور عوض في مكتبه وقالي مش عاوز فتاوي انا مش هعمل امتحان وبعد ما نرجع نبقى نحدد معاد مناسب ليكم تمتحنوا فيه يعني مفيش امتحان اول اسبوع

ويوم الاربعاء
امتحان امبريولوجي على المنهج بالكامل
والكلام ده اكيد لاني سمعت انه فيه امتحان وناس سالت الدكتور وقال فيه امتحان

فحبيت اتاكد ورحت برضه للدكتور حسن في مكتبه
وكان مبسوط اوي وهو بيقولي
الامتحان عالمذكره بتاعتكم كلها بما فيها الجزء اللي امتحننا عليه قبل كده
وحسيت كانه بيقولى انه هيطلعنا رحله دريم بارك من كتر ماكان مبسوط

وبس كده خلاص معدش فيه امتحانات
طيب حد يقولي هنلحق نذاكر ده كله ازاي؟؟؟؟؟؟؟؟؟؟؟؟؟؟؟؟

هى كانت ناقصة امبريولوجى كمان يللا بعنى جت على الامبريولوجى
يارب انصرنا عليهم ياااارب وانتقم منهم
حلو اوى اسم الموضوع معبّر :( :suspect:

عرفت من العنوان قبل ما ادخل الموضوع ان قصدك ع الاسبوع ده يا نبيه بس عامه كلنا لها :roll: و ربنا يسهل فى حوار الامتحانات دى كلها...و ممكن نذاكرلهم بس عايزين شهر زياده كمان كده و لا حاجه
و شكرا على التوضيح

[center](لا اله الا انت سبحانك انى كنت من الظالمين)



شكرا يا أحمد

لووووووووووووووولووووووووووووووووووووي
ده ايه الحلاوه دي
يلا يا عيال انا جاهزه من بكرا للامتحانات
ليتس جوووووووووووووووووووووووووووووووووووووووو

اانتو متاكدين من امتحان الهستولوجى والامبريولوجى ده0والله ده كتير

وده يوووووووم ايه؟
هي الاجازه هتخلص امتى؟

تقريبا و الله اعلم هنرجع يوم 14-2 بس مش متاكد...عموما فاضل 3 اسابيع هم اخر فرصه لينا يا اما نذاكر يا اما نقعد نلعب ضُمن و ننفض م الكليه دى خالص

اكيييييييييييييييييييييييييييييييييييييييييييد
هنلعب
واخر كام يومين هانفكر نذااااااااااااااااااااكر

شكرا على المعلومات دى وان شاء الله ربنا يعنا
بس هو لسه ماده واحده اللى مش هنمتحن فيها هى اللغه قولوا للدكتوره نمتحنها كمان بالمره
ههههههههههههههههه :P

يا جماعة انتو بتتكلموا بجد فعلا ولا بتهزروا يعنى احنا هنزاكر 5 مواد كاملين فى 3 اسابيع
وحضرات الدكاترة اللى بيقولوا فى امتحانات مقلوش ليه واحنا فى الكلية جايين يقولوا دلوقتى
حسبى الله ونعم الوكيل

ههههههههههههههههههههههههههههههههه
والله العظيم انا منش قادره امسك نفسى من الضحك
انا كده خلااااااااااااص ضمنت انى مش هذاكر خاااالص لانى الاكتئاب وصل
بجد والله حاجه تخنق
انا هقفل الكومبيوتر خالص
ده انا اتقفلت قفله سوده

شكرا يا نبيه على الاخبار العسل دى :pale: :pale:

يالهوى دانا فى الضياع من اول السنة
ربنا ينتقم منهم قولوا امييييييييييييييييييييييييييين
وميرسى يا نبيه

بجد والله يانبيه شكرا
والله يا جماعة احمد نبيه ده احسن حاجة فيه انه مش بيخبى حاجة وكان حصل بينى وبينه موقف هو عارفه يثبت كده انا بقول بس كده علشان فى ناس كتير ممكن يعرفو حاجات زى دى ومش يقولوا

Eshta awe de htb2a hareesa ya dakatra bgd 7aga t5no22 aweee w leh f3lan el doctors m2loosh en fe exams.rbna m3anaaaaaaa yarab asl bgd ana 3la 25ry :x :(

والله يا مورا مش انت لوحدك الى على اخرك واضح ان الدفعة كلها كده

bs e7na yabo nour f l diaaaaa3 msh shayef e7na bn3mel eh ana wenta w H :lol: :lol:

ولا يهزك ان شاء الله كله بيظبط فى الاخر :lol: :lol:

اههههههههههههه اهههههههههههه بصراحه مش قادره امسك نفسى من الضحك الله عليك وعلى اخبارك يااحمد اسكت بقى والنبى عشان اخبارك كلها احسن من بعضها 8)

هههههههههههههههه

والله العظيم حاجه فوق الفظيعه وتحت المريبه :D


ربنا ينتقم منهم :x


شكرا ليك يا نبيه

العفو يا جماعه ده اقل واجب كزميل ان انا اقلق حياتكم واخليكم متعرفوش تناموا
هههههههههههههه
والف شكر عالردود
بجد والله انا جالي اكتئاب نفسي حاد من الحاجات اللي علينا دي

Ahmed nour كتب:بجد والله يانبيه شكرا
والله يا جماعة احمد نبيه ده احسن حاجة فيه انه مش بيخبى حاجة وكان حصل بينى وبينه موقف هو عارفه يثبت كده انا بقول بس كده علشان فى ناس كتير ممكن يعرفو حاجات زى دى ومش يقولوا

شكرا يا احمد بيه
وعالعموم حصل خير والموقف
عدى وفات :D :D :D :D :D :D

شكرا على الموضوع
بس يا جماعة لو سمحتو ممكن حد يقول احنا اخدنا لحد ايه فى الهستولوجى والميكرو وفسيولوجى النبات
ونذاكرهم منين
يا ريت حد يجاوبنى وجزاكم الله خيرا