رد: ايصال دفع التبرعات التى تم جمعها

من طرف nayera الثلاثاء يناير 13, 2009 2:21 am

ربنا يجازيكم كل خير
وشكر خاص ل ايمان و امنية لأنهم بجد تعبوا فى لم الفلوس

من طرف rana الثلاثاء يناير 13, 2009 9:15 am

ااااااااااااااه
ماانا عرفت ياايمان
الراجل بتاع البنك قالي انكم كنتم عدين الفلوس غلط واقل
كسفتونااااااااااااااااااا
اخص عليكم

انا كمان كان نفسي انزل معاكم والله بس يلا كلنا واحد بقى

من طرف KAZKOZA الثلاثاء يناير 13, 2009 11:05 am

الحمد لله يا ايمو ده كان بفضل ربنا انه قدرنا نعمل كده وجمعنا على الخير ده .. وبعدين بقى انا الفلوس اللي خدتها كانت معدوه صح ونا طلعتها زي ما كانت معدوده بس اعتقد ان اللي عمل غلط في العد هي الفلوس الفكه شوفيها بقى كانت مع مين .. شكلنا هنسيب الموضوع الرئيسي ونعد نتخانق على اللي غلط في عد الفلوس ههههههه .. وشكرا ليكي انتي بالذات ولامنيه وباقي البنات وكل الولاد ويارب نتجمع على الخير دايما..

من طرف Ahmed El Metwally الثلاثاء يناير 13, 2009 1:02 pm

يلا بس ربنا امر بالستر يا ايمو :D
على العموم الحمد لله

من طرف rana الثلاثاء يناير 13, 2009 1:06 pm

هههههههههههههههههههه
ستر ايه؟
الخبر عالمي يا احمد بقى
انا عرفت قبل اما ايمان تقول ولاايه؟
من الراجل اللي ف البنك

من طرف Gladiator الثلاثاء يناير 13, 2009 1:08 pm

انا الى سهل الموضوع انا عديتهم انا والراجل بتاع البنك

كل فئه لوحدها

من طرف Den.Esraa الثلاثاء يناير 13, 2009 1:48 pm

ربنا يجازينا كلنا خير ان شاء الله.......
بجد والله انا فخورة ان انا في الكلية دي.......
ومع ناس جادين وعايزين يعملوا حاجة لبلدهم .......ربنا يتقبل منا ومنكم ان شاء الله....

من طرف Ahmed Nabeeh الثلاثاء يناير 13, 2009 3:01 pm

والله فعلا ربنا يتقبل من الجميع
بس ليا تعليق بسيط
احنا كلنا اتفقنا ان الوصل ده لازم ينزل مش علشان نقول ان احنا ودينا الفلوس وخلاص
لكن لاننا والله سمعنا كلام وحش جدا واحنا بنلم الفلوس دي وربنا اعلم بكل واحد قال ايه
بس عالعموم احنا بنشكر كل واحد وواحده دفواع وساهموا باي فلوس
وربنا يتقبل مننا

بس انا بقى عديت الفلوس 3 مرات صح واللي لخبطتنا هي ايمو والله
ههههههههه

من طرف hero الثلاثاء يناير 13, 2009 3:04 pm

والله انا برضو يا احمد وانا بلم الفلوس واحد قالى انت بتلمهم بصفتك ايه بس اتمالكت نفسى والحمد لله على كل شىء

من طرف Ahmed Nabeeh الثلاثاء يناير 13, 2009 3:05 pm

بس عالعموم الف شكر ليكي يا ايمو انتي ورضوى وامنية وسمية
وكل الصبيان اللي كانوا معانا ودايما ان شاء الله متجمعين على خير

من طرف Den.emoOo الثلاثاء يناير 13, 2009 3:09 pm

NAPEEH كتب:والله فعلا ربنا يتقبل من الجميع
بس ليا تعليق بسيط
احنا كلنا اتفقنا ان الوصل ده لازم ينزل مش علشان نقول ان احنا ودينا الفلوس وخلاص
لكن لاننا والله سمعنا كلام وحش جدا واحنا بنلم الفلوس دي وربنا اعلم بكل واحد قال ايه
بس عالعموم احنا بنشكر كل واحد وواحده دفواع وساهموا باي فلوس
وربنا يتقبل مننا

بس انا بقى عديت الفلوس 3 مرات صح واللي لخبطتنا هي ايمو والله
ههههههههه

فعلا يا احمد احنا سمعنا كلام جميل اوى وخصوصا انا 00بس يلا كل واحد منه لله وعلى العموم شكرااااااااااااا اوى لكل شخص رمى الظرف فى وشى واتريق عليا بس يلا حصل خير اهى عدت
بس يا نبيه
انا اللى لخبطت الفلوس مااااااااااااااشى انت بتكدب على فكره وبعدين انت اصلا كنت واخد كل الفلوس المجمده :roll: :roll:
يعنى سهل اوى انك تعدهم وبرضو غلطت فى العد :affraid: :affraid:
وبلاش تسييح اكتر من كده واسال اللى كانوا معانا :bball: :bball:

من طرف Ahmed Nabeeh الثلاثاء يناير 13, 2009 3:14 pm

هههههههههههههه
لا انتي بقا اللي مخدتيش بالك واسالي مصطفى انا واخد الجنيهات كلها وعديتها وطلعت صح والله
ولما عديت المجمد برضه طلع صح
وكمان متنسيش انك معرفتيش تجمعي 1250 + 600 كام
هههههههههه
اسيح اكتر من كده ولا بلاش؟؟؟؟؟؟؟؟؟؟؟؟
هههههههههههههه

من طرف Den.emoOo الثلاثاء يناير 13, 2009 3:19 pm

ماشى يا نبيه
على فكره بقى انت كنت واخد الفلوس المجمده وساعتها انا قلت لمصطفى خدها من نبيه اصل يطمع فيها ولا حاجه واللى كان بيعد الفكه هو مصطفى مش انت 00وكمان انا معرفتش اجمع لانكم لخبطونى وكل واحد برقم
وبطل تسيح يا نبيه
وحسابك معيا يوم السبت بس لما اشوفك
انا تسيحلى على المنتدى
ماااااااااااااااااااااشى
منك لله يا ظالم

من طرف dr.omnia الثلاثاء يناير 13, 2009 3:24 pm

خلاص يا جماعة انتوا هتتخانقوا وانا موجودة حصل خير انا اللى غلط فى عد الفلوس كلها ولا تزعلوا نفسكوا وكمان ده الطبيعى احنا كلنا كنا احياء مش رياضة 2

من طرف Ahmed Nabeeh الثلاثاء يناير 13, 2009 3:28 pm

هههههههههههه لا خناقة ولا حاجه يا امنية احنا بنهزهز
وعالعموم انا هاجي متخفي يوم السبت علشان متعرفينيش يعني ممكن البس تيشيرت الاهلي

من طرف KAZKOZA الثلاثاء يناير 13, 2009 3:39 pm

خلاص يا جماعه حصل خيييييييييييييييير .. وبعدين بتوع اسنان مش متخصصين في عد الفلوس .. هم متخصصين في حاجات اعلى من كده بكتييييييييير .. كده ولا ايه ؟

وبالنسبه للناس اللي عملوا فيكي كده يا ايمو اقولك ان الواحد وهو بيعمل خير لازم زحتما ولابد يواجه مشاكل وصعوبات واهانات بس في الاخر بينجح والحمد لله النجاح حصل اكتر مما توقعنا وحسينا اننا فعلا عملنا حاجه واتبسطنا بيها .. ما تزحليش نفسويتك بقى وسامحي الناس دي عشان تاخدي الثواب كله ان شاء الله

من طرف Den.emoOo الثلاثاء يناير 13, 2009 3:40 pm

خلاص يا لضوى
انا والله بجد مش زحلانه خلاص سماح

من طرف Ahmed Nabeeh الثلاثاء يناير 13, 2009 3:42 pm

ايه ده هو انتي زعلتي مني يا ايمان ولا ايه

من طرف Den.emoOo الثلاثاء يناير 13, 2009 3:46 pm

لا يا نبيه 00هو انا ازعل منك برضو
احنا قصدنا على الناس اللى اتكلموا وقالوا كلام علينا اننا هناخد الفلوس فى جيبنا وكده يعنى 00
ورموا فى وشى الظرف و الحاجات الرخمه اللى شوفناها دى؟؟

من طرف Gladiator الثلاثاء يناير 13, 2009 3:46 pm

يا جماعه حصل خير و كل الى احنا عاوزينه حصل

و بعدين يا شباب

رضا الناس غاية لا تُدرك

محدش يقدر يرضى الناس كلها اهم

شىء رضا الرب

من طرف Ahmed Nabeeh الثلاثاء يناير 13, 2009 3:53 pm

اه كده انا فهمت اصلي بحسب من كلام رضوى انك زعلتي مني
وعالعموم كلام احمد صح
مستحيل ترضي كل الناس

من طرف Mostafa ElShirbeny الثلاثاء يناير 13, 2009 4:14 pm

هههههههههههههههه....حمد لله على سلامه جهازى الاول ...اول ما نويت افكه و اوديه يتصلح لقيته اشتغل لوحده :D ..... المهم انتوا سيحتوا على اللى حصل امبارح بس على راى امنيه احنا مش رياضه 2 بس فعلا كان منظرنا حلو اوى و احنا بنطلع ارقام شكل كل شويه :lol!:
و ربنا يجازى كل واحد خير ان شاء الله و كل الشكر لايمان و رضوى و امنيه و سميه و نبيه و متولى و فرج و العطار و كل الناس اللى تعبوا ف 3 ايام اللى فاتوا عشان الموضوع ده و ربنا يجعله ف ميزان حسناتهم ان شاء الله

من طرف KAZKOZA الثلاثاء يناير 13, 2009 5:06 pm

ياااااااااااااااااااه الف حمد الله على الجهاز .. تلاقيه كان ارهق من كتر ما بتعد عليه .. عموما منور وشكرا لمجهودك كمان ..

من طرف KAZKOZA الثلاثاء يناير 13, 2009 5:08 pm

NAPEEH كتب:اه كده انا فهمت اصلي بحسب من كلام رضوى انك زعلتي مني
وعالعموم كلام احمد صح
مستحيل ترضي كل الناس

انا كنت بتكلم على اللي الناس عملته في ايمو وطبعا بايد كلامكو

من طرف Ahmed Nabeeh الثلاثاء يناير 13, 2009 5:10 pm

اه الجهاز كان جاله شد عضلي في البورده من كتره الاستخدام

من طرف KAZKOZA الثلاثاء يناير 13, 2009 5:19 pm

ههههههههههه