نكت على مزاجك

من طرف dodo الأحد يناير 11, 2009 2:43 pm

ازيكوا يا جماعة .......على فكرة دى اول حاجة اكتبها على المنتدى

ويا ريت تقولولى رايكم فى النكت رى

مرة واحد مسطول مروح البيت وبقالو ساعة مش عارف يفتح الباب مراتة من البلكونة بتقولو ارميلك المفتاح قالها لا المفتاح معاية ارميلى خرم الباب

اتنين مساطيل ركبوا اتوبيس بدورين اللي فوق سأل اللي تحت انتوا ماشيين بسرعة كام؟ قاله 80 و انتوا؟ قاله لا إحنا السواق لسة ماجاش.

مرة واحد بيروح بيتة كل يوم سكران قام من النوم الصبح وقال لمراتة انتى يا ولية كل يوم تسيبى نور الحمام منور، مراته ردت عليه اتنيل انت اللي كل يوم بتخش الثلاجة

واحد غبي عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمسميه... أخونا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...كبس عليه النوم … قـام جري غـسـل وشه ورجــع للـسـريـر يـكـمـل الـعـد

مره اتنين متاخرين على المدرسه الاستاذ بيسال الاول انت ايه اللى اخرك قاله كانت فيه 5 جنيه ضيعه مني وبدور عليها فمسك التانى وانته ايه اللى اخرك قاله أصل انا اللى كنت دايس عليها

مره واحد سرق فرخه وراح عند البحر نضفها وكلها جه الضابط وقاله انت سرقت الفرخه قاله لا يا باشا قاله الضابط والريش ده؟ قاله دى نزلت تستحمى و قالتلى اخلى بالى من الهدوم

واحدة نايمة جنب جوزها سمعت صوت في الصالة قالت لجوزها قوم شوف يمكن حرامى.. قالها قومي شوفى انتى يمكن حرامية

مرة ندل ماشى مع واحد صاحبه قاله ارهنك على كام ان اللى ماشية مع الراجل هناك دى اسمها فوزية قاله وانت عرفت ازاى قاله اصلها مراتي

سألو واحد بخيل طحن: تعمل ايه لو الدنيا برد؟ قال: أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله

في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف، التلميذ: مش هيرجع حاجه يا استاذ ، الاستاذ: ياابني استلف الف وبعديها الف تانيه التلميذ : مش هيرجع حاجه يا استاذ، الاستاذ: اقعد يا ابني انت متعرفش حاجه في الحساب، التلميذ: انت اللي متعرفش ابويا يا استاذ

مرة اتنين أغبية كانوا ماشيين في الصحراء طلع عليهم اسد راح واحد رمى عليه طوبه وقعد يجرى وبص وراه لقى زميله واقف ما بيجريش قاله ما بتجريش ليه ؟ قاله واجرى ليه هو انا اللى ضربته

مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته.

واحدة بتقول لجوزها ،الراجل اللي ساكن قدامنا طول مهو داخل وخارج بيبوس ايد مراته ، انت مش بتعمل زيه ليه ، قالها انا معرفش مراته اصلا

من طرف mora الأحد يناير 11, 2009 2:47 pm

thnx gameela awe

من طرف dodo الأحد يناير 11, 2009 2:58 pm

ميرسى يا mooooooraaaaaa

من طرف Maldini الأحد يناير 11, 2009 4:23 pm

حلوووووووووووووين اوووووووووووي

من طرف dodo الأحد يناير 11, 2009 5:35 pm

thanx maldini

من طرف dezner الإثنين يناير 12, 2009 2:23 am

مش محتاجة رأيى

هههههههههههه نكت معدية

شكرا دودو

من طرف dezner الإثنين يناير 12, 2009 4:20 am

مرة الريس كان فى لقاء لشباب الجامعات
فسأل طالب : تحب تطلع أيه ؟
قاله: وزير يا فندم ..... ، الريس قاله : أنت عبيط يابنى ؟..
رد عليه الطالب : هو ده شرط

مرة واحد مـسـيـحى سـأل الريـس : هو يـنـفع مـسـيـحى يـبـقى ريـس ؟
قـالـه : ولا مسـلم يــاروح أمـك