مباراة بين الفلاحين و الصعايدة

كابتن هريدى يحيكوا من الملعب بتاعنا احنا و عليا الطلاج بالتلاته الملعب بتاعنا احنا .

وزى ماحنا شايفين الاستاد مليان على اخره تسعين الف متفرج مش فاهمين

حاجة واصل فى الكوره .

و بيتوسط المجصورة الرئيسيه اكبر تاجر شكاير اسمنت فاضيه المعلم عماشه ابو الضبع و حرمه

و هو اللى هيسلم البلاص للفريج الفايز .

_ و زى ماحنا شايفين الفرجتين نازلين ارض الملعب يدلعوا دليع و

الفريج بتاعنا نازل بالزى الرسمى بتاعه وهو العمم البمبى و

الجلاليب البيضا المخططه لبنى بالطول و الجزم البنى المربوطة

بفتله من جدام .


_ وبيمثل الفريج بتاعنا النهارده فى حراسة المرمى الكابتن عمار

ابو خلف الله و خط الدفاع فيه الشمندى و الجماوينى و الاعرج و الدمرانى

على فكرة يا جماعة الدمرانى ده اصغر لعيب فى الملعب عنده اتنين و

تمانين سنه و كان بيلعب مع الاشبال تحت سن سته و سبعين سنه .

خط النص من تلاته هم : قناوى و المنياوى و الجرجاوى

اما فى الهجوم تلاته برضه هم : عسران و وهدان و معاهم نجم نجوم

الفريج حمدان ابو خطوة و هو لابس الجلابية رقم متين و اربعين ياريت

الكاميرا تجيبهولنا وهو بيربط حبل السروال بتاعه .

و زى ماانتو شايفين الارض بتاعتنا خرسانيه مسلحه مش نجيله زى ملاعب الخنافس يعنى اللى

هايجع مش هايجوم تانى والملعب عليه اربعين غفير ببندقيه عشان يطخوا اى لاعيب يتسلل

و الجهاز الطبى للفريقين بيتكون من اتنين داكاتره وهم

الاسطى رجب حلاق الكفر و المعلم خشبه حانوتى المركز و معهم المساعد

مسعود تاجر البصل و هو جايب معاه شوال بصل عشان يفوق ويصحصح اللاعيبه

_ بيحكم الماتش النهارده الكابتن الكبير ابو العينين الكفيف .

_ مع اول طلجه من مسدس الحكم يبتدى الماتش بهجمه سريع للفريج بتاعنا

و الكرة مع حمدان و بينفرد بالجون و يجتله و يشوط الكرة فى العارضة

و الحكم يضرب نارمعلنا فاول على حارس المرمى و يعترض اللاعب شرقاوى

واللاعب قليوبى من فريج الفلاحين و يعترض معهم جمهور الفلاحين و يلقى

الحكم بالطماطم و البطاطس و البيض المسلوج .

و ترد الجماهير الصعايده بالقنابل و الديناميت و يولع الماتش حريجة و تيجى المطافى و الماتش

يتلغى بفوز الحكم

اتناشر صفر
و كان معكم من وسط هذه الاحداث المعلق الرياضى هريدى عبد الغفور من

امام تلاجة الميه اللى فى الكشك بتاع السجاير بتاع الواد ابو العلا ولد البت نبويه جارتنا
:D :D :D :D
منقول

هههههههههههههههههههههههههه
جاااااااااااااااااااااااامده اخر حاجه

ههههههههههههه
جميله
انا كان عندى الكلام ده صوت
بس مسخره

هههههههههههههههههههههه حلوووووووووووووووة

m.elmahallawy كتب:ههههههههههههه
جميله
انا كان عندى الكلام ده صوت
بس مسخره

هى اكيد صوت احلى.........بس لو كانت صوت و صورة تبقى احلى من ماتشات الاهلى والزمالك :D :D :D
وميرسى عالمرور

جامدة

هههههههههههه

جامد الماتش دا

أنا كان عندى صوت بس مش كامل

شكرا على تكملة الماتش

ههههههههههههههه
حلوة اوى

ميرسىىىىىىىى على المرور يا جماعة
:) :) :)

هههههههههههههههههههه
جامدة جداااااااااااااااا

العفو يا دوك

ههههههههههههههههه

جامدة اوىىىىىىى