_._._رمضان هيجي بكره _._._

من طرف manOoOsa الجمعة نوفمبر 28, 2008 4:04 pm

ايه مالكم

اكيد داخلين تقولوا ايه دة
ههههههه

لا يا اخواني دة موضوع لسة بنزله حالا اهو اليوم الجمعة 28/11

طبعا هتقولولي طيب ليه كاتبة كدة ايه العنوان دة

انا فعلا أقصد كل كلمة في العنوان ومجاش غلط ولا حاجة

شوف يا سيدي ...شوووووفي يا سيتي

فاكرين رمضان وفرحتنا برمضان وحلو يا حلو والحاجات الحلوة دي

ههههههه

هتقولولي اه طبعا فاكرين

هاقولكم طيب فاكرين لما رمضان خلص زعلنا اذاي وقولنا الايام الحلوة خلصت خلاااص

نا بقي جاية انهاردة اقولكم ان رمضان تقريبا راجع بس المرة دي 9 ايام و10 ليالي

وهنبدأ يوم السبت ان شاء الله موسم لا يقل اهمية عن شهر رمضان

ليالي أقسم بها الرحمن سبحانه وتعالي ووصي بها نبيه صلي الله عليه وسلم

ومش هقول كلام متكرر وقرأتوه كتير

انا هقولكم تعالوا نبدا شهر رمضان من جديد

صومنا في رمضان يبقي نصوم الايام دي خصوصا ان المغرب بتأذن بدري قوي

يعني مفيش مشكلة اليوم فعلا قصير يعني محدش هينعب وشوفوا بقي صيام يوم واحد اجره اذاي عند الله

فمابالكم بتسع ايام وكماااااااااان ايم العشر الاوائل

الله علي الجمال والكرم الالهي

ثانيا بقي يا دكتور انت وهو..... ويا دكتورة انتي وهيا

هنعمل ايه مع القرآن

انا عن نفسي نويت وربنا يعيني يااارب

ناوية أختم خاتمة وهبدأ من بكرة ان شاء الله يعني كل يوم ثلاثة اجزاء

يعني كمان لو بدأت كدة هختم في يووووووووم وقفة عرفات يعني الحجيج علي جبل عرفات

وانا صايمة وبختم في بيتي

وطبعا الصلاة مش محتاجة توصية

للدكاترة كل يوم يا عم يا بختك ليك خمس مرات تروح فيهم المسجد

ومتصليش في البيت خليك جدع بقي

لان الرجل صلاته في المسجد

ولا يجوز له الصلاة في البيت الا لعذر شديد

طيب الصدقات هنعمل ايه بقي

ببصوا انا عارفة ان كتير هيقولي صدقة ايه بس احنا عايزين اللي يدينا صدقة

انتي مش شايفة ظروف البلد عاملة اذااااي

ولا انتي مش من البلدي

هقولك مفيش معاك ان شالله ربع جنيه نص جنيه او جنيه ودة حلو قوي

لو كل يوم اتبرعت في صندوق جامع مثلا بجنيه او حتي ربع جنيه ياسلااااام

واللي هتفتكره قليل عند ربنا كتتتتير وهيتباركلك فيه يوم القيامة وتراه كجبل احد

وبعدين متنساش ان الصدقة هترجعلك عشر امثالها يقيناا والله

ومجربة علي فكرة

الله اكبر

ايييييه زهقتوا مني

لا استنوا بس

هنروح نزور اقاربنا ولوكانوا بعيد عننا قوي هنتصل بيهم

ومتعمليش كدة

ولو زعلانين منهم يا سلام علي الفرصة دي

اننا نصلهم ونقول في نيتنا يارب انا بعمل كدة عشااااااااانك انت وبس عشان ارضيك يارب

ياسلااااااااام علي الروعة والاحساس الروحاني اللي هتشعر بيه ساعتها

اه من حق يا جماعة نسيت اقولكم في حتة الصدقة ياريت اللي عنده هدوووم مش محتاجها يتبرع بيها

لان غيره هتكون الهدوم دي خصوصا في دخلة الشتا هدية وفرحة عظيمة

يعني كمان هتكون دخلت سرور علي قلب مؤمن

الله اكبر

والله الحسنات والبركات لا تحصي

هاااااااا

قولولي بقي بذمتكم

بعد كل اللي قلته دة

يبقي رمضان ولا لآ؟؟

رمضان طبعا

بس صغنون شوية

اه من حق

نسيت

بقولك ايه انت في حاجة مدايقاك ومزعلاك ومحتاج حاجة

ونفسك في حاجة ربنا يحققهالك

يالا ياعم جتلك فرصه الفرص

كل يوم دعوة مستجابة عند الافطار وطول اليوم طبعا دعوة الصائم لا ترد

وعندك بقي يا بطل يوووووووم عرفة

وما ادراااك بيوم عرفة

ياللا يا جماعة بالله عليكم

ياللا نستعد بقي

نغسل ذنوب وهموم

ياللا بالله عليكم

نروح كلنا لربنا ونقوله يارب جينالك اهو اقبلنا في عبادك المكرمين التائبين

يا جماعة فرصة والله والله

محدش فينا ضامن بكرة فيه ايه

ولا هنعيش لحد امتي

والوقت موجود

بدل ما نقعد ساعات قدام النت نقللها شوية

وبدل ما نشغل نفسنا بموضوع صور ننزله او اغاني او حاجات من دي

لا

تعالوا نروح لربنا شوية بقي

ياريت كل اللي يدخل ميقوليش جزاكي الله خيرا وخلاص

لا عايزة احس انه قرا كلامي كله بجد

ويقولي ناوي علي ايه

واللي مش هيعمل حاجة ومقراش كلامي كله ياريت ميردش

ومحدش يزعل مني بقي

لان الموضوع بجد

غااااااااااااااية في الاهمية

اللهم اني بلغت اللهم فاشهد

اختكم في الله

وافتكروني بدعاؤكم انا وواحدة كمان ساعدتني في متابة الموضوع لان الدعاء مستجاب

أشوفكم في العيــد بقي

ومتنسوش بقي العيـــــــــد فرحة..ماااااااااء
شوفتوا الجمال بقي :D

من طرف dezner الجمعة نوفمبر 28, 2008 5:49 pm

سبحان الله على توارد الخواطر يا دكتور

أنا والله كنت داخل أكتب مو ضوع زى دا

وأنا لسه بتكلم مع ماما إنى حاسس بنفحات رمضان

إن شاء الله هنصوم ال9 أيام

ربنا يعينا و جزاك الله 1000خير

من طرف manOoOsa الأربعاء ديسمبر 03, 2008 5:59 am

dezner كتب:سبحان الله على توارد الخواطر يا دكتور

أنا والله كنت داخل أكتب مو ضوع زى دا

وأنا لسه بتكلم مع ماما إنى حاسس بنفحات رمضان

إن شاء الله هنصوم ال9 أيام

ربنا يعينا و جزاك الله 1000خير

سبحان الله يا دكتور
وان شاء الله ربنا يكرمنا في الايام دي
ويحقق لكل واحد فينا الي بيتمناه لو في خير ليه
تسلم ع الرد

_._._رمضان هيجي بكره _._._

_._._رمضان هيجي بكره _._._

رد: _._._رمضان هيجي بكره _._._

رد: _._._رمضان هيجي بكره _._._