رد: المذاكره والكدب

من طرف dr.omnia الثلاثاء يناير 06, 2009 1:58 pm

ربنا يشفيها

من طرف Gladiator الثلاثاء يناير 06, 2009 2:03 pm

يا جماعه لا تتحاملو عليها اكتر من كده

هى اختنا و زميلتنا و هى اكيد اتسرعت ارجوا تسامحوها احنا مسلمين برده

من طرف a7mad seif الثلاثاء يناير 06, 2009 2:08 pm

على فكرة انا كنت بدات اغير راى عن البنات

بس طلع انهم بردة فى منهم الحلو اوىىىىى والوحش اوى مفيش وسط

من طرف د.اميرة الثلاثاء يناير 06, 2009 2:10 pm

فيه ايه ياجماعة انتم لما سدقتو حد غلط فيكم رحتو متجمعين عليه وانا ملاحظة ان الي ليه والي مش ليه بيرد وبعدين انا اعرف دكتورة نونه كويس هي انسانة كويسة جدا وبعدين فيه حاجه اسمها العفو عند المقدرة يادكتورة سمية انتي بعد متسلخي البت بكلامك تقولي ياجميل براحة شويه هي ممكن تكون غلطت فعلا بس ميكنش الرد(الهجوم)بالمعني الاصح
بالطريقة دي
وبعدين فعلا ان فيه ناس كتير معانا في الدفعة بيكدبو في الحتة بتاعت المذاكرة دي
وخر حاجه عايزه اقولها كل سنه وانتي طيبة ياايمان وانتي كمان يانونة

من طرف Eman Iran الثلاثاء يناير 06, 2009 2:14 pm

البت دى مالها ...سبحان الله بجد ...ايه الكلام اللى بتقوله ده ..

يا د/نونا رغم كل اللى قولتيه لك فائق الاحترام منا بس بجد مينفعش كده

اذا كنت انت ناصحه اوى كده وعارفه اللى بيذاكر من اللى مبيذاكرش ..فدى حاجه بقى متهمناش ..اصل انا شايفه انها شاغلاكى اوى ...من الاخر يعنى خليكى فى نفسك يا حبيبتى ..عندك امتحان اقعدى فى بيتك كده زى الشاطرة وذاكرى وملكيش دعوة باللى بيذاكر او بيلعب ..انت مش وليه امر حد

والناس اللى انت قولتى اسماؤهم دول ناس محترمه جدا مينفعش انك حتى تقولى اسماؤهم فى كلامك

اما بالنسبه للرساله اللى بعتيها لايمو فده اكبر دليل على انك فى قمه الذوق

واحنا لينا كامل الشرف انك زميله لينا ! ... بس بجد حاولى تغيرى من نفسك متنسيش ان انت..المفروض يعنى هتكونى طبيبه وتعالجى الناس ...مش تحقدى عليهم وتقولى عنهم انهم كدابين او اى حاجه زى دى

اتمنى انك تغيرى فكرتك دى يا د/نونا

واذا كنا فهمناكى غلط ياريت تيجى وتصححلنا...عشان من الواضح انك اتسرعتى اوى فى كتابه حاجه زى دى

من طرف Gladiator الثلاثاء يناير 06, 2009 2:15 pm

د.اميرة كتب:فيه ايه ياجماعة انتم لما سدقتو حد غلط فيكم رحتو متجمعين عليه وانا ملاحظة ان الي ليه والي مش ليه بيرد وبعدين انا اعرف دكتورة نونه كويس هي انسانة كويسة جدا وبعدين فيه حاجه اسمها العفو عند المقدرة يادكتورة سمية انتي بعد متسلخي البت بكلامك تقولي ياجميل براحة شويه هي ممكن تكون غلطت فعلا بس ميكنش الرد(الهجوم)بالمعني الاصح
بالطريقة دي
وبعدين فعلا ان فيه ناس كتير معانا في الدفعة بيكدبو في الحتة بتاعت المذاكرة دي
وخر حاجه عايزه اقولها كل سنه وانتي طيبة ياايمان وانتي كمان يانونة

انا معاكى ان هى غلطت

و اتسرعت

و احنا و الله بنحترمها جدا لكن هى يكن خانها اللفظ

و اتسرعت

بس هى غلطت لما حددت اسماء

و ده مينفعش

من طرف vergenia الثلاثاء يناير 06, 2009 2:18 pm

بس المفروض مش تقول كده برده يا دكتور وهى وكل حاجه انسانه محترمه بس برده فى احترام للغير ومينفعش انها تحرج زمايلها بالشكل ده وربنا يسامحها طبعا وهى المفروض تتاسف لهم حتى لو محروجه تبعتلهم رسائل خاصه وتعتذر واعتقد انهم كلهم ناس طيبه ومحترمه وهيخدوا الموضوع عادى
وفى الاخر كل سنه وانتى طيبه يا نونا انتى وايمان

من طرف Den.emoOo الثلاثاء يناير 06, 2009 2:22 pm

يا جماعه انا عيد ميلادى فاضل عليه 5 شهور يعنى انا عيد ميلادى خمسخ ماااااااااااااااايو مش يناير 00
وبالنسبه للى هى كتبته عن الاعضاء سواء نبيه او مصطفى او سومه او حتى امنيه
فانا باه عارفاهم كلهم كويس وعارفه اذاكانو بيذاكروا ولا لا 00والحمد لله محدش فيهم كداب او منافق وهما من اجدع الناس اللى فى المنتدى ومش هخقول اكتر من كده لانهم ميستهلوش انهم ينزلوا بمستواهم ويردوا على حاجه زى كده
واللى يغيظ انها بتقول انها متعرفهمش 00امال لو كنتى عارفاهم كنتى عملتى ايه؟؟؟
وبقولك لتانى مره انا عارفاهم بقى كويس جداااااااااااا 000وهم عكس اللى انتى بتقوليه وياريت متغلطيش فاى واحد او واحده منهم تانى 00منعا للاحراج

من طرف Mostafa ElShirbeny الثلاثاء يناير 06, 2009 2:31 pm

انا طبعا حبيت اقرا الموضوع و ردود الزملاء بالكامل قبل ما ارد...
اولا:ما دام( سيادتك )ما تعرفنيش يبقى ما تكلميش عنى او عن ناس (حضرتك) ما تعرفيش شخصياتهم اصلا
ثانيا: (معاليك) انتى ما تعرفيش انا بقضى يومى ازاى اصلا و اصحابى ادرى بالكلام ده
ثالثا:الكلام اللى (سيادتك) كتبتيه بيعكس شخصيتك و للاسف انتى كده نزلتى من نظر كل البنات اللى يعرفوكى
رابعا:لو كان ولد اللى كاتب الموضوع ده مكنتش هعديهاله بالساهل كده...بس عشان( معاليك )بنت هكبر دماغى و اعتبر نفسى ما قريتوش من الاساس
خامسا: انا مش مضايق م الموضوع بس اللى يزعل ان دفعتنا فيها ناس بتفكر كده و بتتكلم كده و جواها الحقد ده و بعدين السنه دى عليها 5% م التقدير العام يعنى اللى يطلع الاول السنه دى مش لازم هيبقى الاول على طول....
سادسا:خليكى ف نفسك احسن و روحى ذاكرى شويه عشان الامتحانات قربت يا (دكتورة)
كفايه كده لحد دلوقتى و ربنا يهدى الجميع

من طرف vergenia الثلاثاء يناير 06, 2009 2:32 pm

معلشى يا ايمو افتكرته انبارح وعملتلك موضوع يا ريت حد يحذفه بقه
اعذرينى باين كده ان نظرى ضعف بجد

من طرف Den.emoOo الثلاثاء يناير 06, 2009 2:36 pm

ولا يهمك يا مروه 00على العموم مفيش مشكله وانتى طيبه برضو 00
اما عن رد مصطفى
فوالله
جاااااااااااااااااااااااااااااااااااااااااااااااااااامد يا مصطفى 00بس انت نسيت تقولها متبعتليش رسايل خاصه تانى سياتك 00
وبقول اااااااااااااااااااااااااااااامين

من طرف Dr_SoMa الثلاثاء يناير 06, 2009 2:53 pm

ايه بس ياجماعه النرفزه دى وربنا ماهى مستاهله ده موضوع جامد والله طب ده انا اتبسطت بقى فيه حاجه ادخل المنتدى عشانها عادى للمره المليون (دع القافله تسير و............) ميرسى ياجميل 8)

من طرف Mostafa ElShirbeny الثلاثاء يناير 06, 2009 2:55 pm

هى القافله هتفضل تسير كتير يا سومه.....مفيش فرامل و لا ايه :D

من طرف Dr_SoMa الثلاثاء يناير 06, 2009 2:57 pm

اه تخيل يامصطفى هتفضل تسير مش لاقيه حد يوقفها هههههههههههه :o

من طرف rana الثلاثاء يناير 06, 2009 3:03 pm

ههههههههههههه
انا اصلا كنت مضايقه وزهقانه الصبح
بس لما شوفت الموضوع ضحكت
ضحكتني
ههههههههههههههههههههههه
بس ليا سؤال
مصطفى انت بتذاكر وتدح من ورايا؟ :( :( :(
ههههههههههههههههه

من طرف Mostafa ElShirbeny الثلاثاء يناير 06, 2009 3:04 pm

كفايه كده النهارده احسن انا خايف على الدكتورة نونا لما تشوف الردود دى....و بقولها:
خليكى ف حالك يا .........دكتورة........ و روحى شوفى ايه المحاضرة اللى لسه ما ذاكرتيهاش و ذاكريها يلا بدل ما تسيبى سؤال فاضى ف الامتحان و لا حاجه

من طرف Mostafa ElShirbeny الثلاثاء يناير 06, 2009 3:05 pm

صمت الكلام كتب:ههههههههههههه
انا اصلا كنت مضايقه وزهقانه الصبح
بس لما شوفت الموضوع ضحكت
ضحكتني
ههههههههههههههههههههههه
بس ليا سؤال
مصطفى انت بتذاكر وتدح من ورايا؟ :( :( :(
ههههههههههههههههه

انتى بتتكلمى ف ايه يا رنا...هههههههههههههههه
اصل انا اخويا وزير الكهرباء عشان كده فاتح الجهاز طول اليوم و بذاكر ادامه :lol!:

من طرف rana الثلاثاء يناير 06, 2009 3:09 pm

ايماااااااااااااان
حبيبتي كل سنه وانتي طيبه
انا عيد ميلادي ف مايو برضه
شكلي هاغيره
هههههههههههههههههههههههه
والله بس دي نكته الموسم
نونه نكته ههههههههههه
(سوري ياجماعه مش قادره امسك نفسي)
دي داخلالي ف موضوع ف الطبخ
وكاتبالي
هو انتي لافالحه ف الطبخ ولا التعليم
هههههههههههههههههههههههههههههههههههههههههههههههه
مين اللي قالها؟
اكيد ماشفتش طبيخي
هااااااااااااااااااااايييييييييييييييييييييييييييييييييييييي

من طرف rana الثلاثاء يناير 06, 2009 3:11 pm

Mostafa ElShirbeny كتب:
صمت الكلام كتب:ههههههههههههه
انا اصلا كنت مضايقه وزهقانه الصبح
بس لما شوفت الموضوع ضحكت
ضحكتني
ههههههههههههههههههههههه
بس ليا سؤال
مصطفى انت بتذاكر وتدح من ورايا؟ :( :( :(
ههههههههههههههههه
انتى بتتكلمى ف ايه يا رنا...هههههههههههههههه
اصل انا اخويا وزير الكهرباء عشان كده فاتح الجهاز طول اليوم و بذاكر ادامه :lol!:

ماانت عامل فينا خدعه عشان تذاكر يا لئيييييييييييييييييييييييييييييم
ههههههههههههههههههههههههههههههههههههههههههههههه
بطل الحركات دي يا مصطفى

من طرف Dr_SoMa الثلاثاء يناير 06, 2009 3:13 pm

gladiator كتب:
د.اميرة كتب:فيه ايه ياجماعة انتم لما سدقتو حد غلط فيكم رحتو متجمعين عليه وانا ملاحظة ان الي ليه والي مش ليه بيرد وبعدين انا اعرف دكتورة نونه كويس هي انسانة كويسة جدا وبعدين فيه حاجه اسمها العفو عند المقدرة يادكتورة سمية انتي بعد متسلخي البت بكلامك تقولي ياجميل براحة شويه هي ممكن تكون غلطت فعلا بس ميكنش الرد(الهجوم)بالمعني الاصح
بالطريقة دي
وبعدين فعلا ان فيه ناس كتير معانا في الدفعة بيكدبو في الحتة بتاعت المذاكرة دي
وخر حاجه عايزه اقولها كل سنه وانتي طيبة ياايمان وانتي كمان يانونة

انا معاكى ان هى غلطت

و اتسرعت

و احنا و الله بنحترمها جدا لكن هى يكن خانها اللفظ

و اتسرعت

بس هى غلطت لما حددت اسماء

و ده مينفعش

اتمنى متكونش تقصدنى انا يادكتور انا الحمد لله بالمنظر اللى انا اتكلمت بيه ده مغلطش خالص انا والله لو غلطت هقول كلام تانى مش ظريف خالص انا اتكلمت بكل زوق واحترام انا ماجيتش خبط لزق وقلت الكلام ده انا لقيت كلام مستفز بيتقال مش معقول يعنى هقولها ميرسى يافندم ممكن تقولى وتغلطى كمان والنبى عشان نفسى حد يتكلم عليا كمان وكمان دى بجد قلة زوق طب محدش يتكلم عن الموضوع ده بصوا ردودها فى المواضيع التانيه والاستفزاز اللى هى شغاله فيه بجد شئ مستفز انا حاولت بجد اهدى اعصابى وارد عليها بكل برود لكن ان فيه د. اميره تقول انى غلطت وحضرتك يادكتور كمان شايف انه احنا اتسرعنا فده يبقى الشئ الاكتر استفزاز سورى يعنى كده بجد شئ يحرق الدم
يعنى هو الواحد حصلتله فى المنتدى ده حاجات كتير احرق الدم وعشان كده معدتش بدخل المنتدى كتير لكن توصل انه كده بالاسم علنا كده من غير اى احترام ده شئ مؤسف بصراحه :) انا مكنتش عاوزه انفعل بس بصراحه واضح انى بغلط انى رديت اساسا فى الموضوع ميرسى :pale:

من طرف Den.emoOo الثلاثاء يناير 06, 2009 3:14 pm

والله يعنى كمان دخلت منتدى الطبيخ 000طيب اما ادخل اشوف كده

من طرف Dr_SoMa الثلاثاء يناير 06, 2009 3:16 pm

لا واللى تلاحظوه كمان يعنى دكتوره اميره اتكلمت عن ردى انا لوحدى بس يعنى واضح انى بقيت بتحاسب على كلامى انا لوحدى بس ده على اساس انى الواحيده اللى رديت بس والله كويس انى بقيت مهمه والناس بتقرا ردودى

من طرف Mostafa ElShirbeny الثلاثاء يناير 06, 2009 3:16 pm

يا سومه..جلادياتور قصده على صاحبه الموضوع مش عليكى

من طرف kareem.h الثلاثاء يناير 06, 2009 3:17 pm

يا جماعه بي كول خالص خدواالأمر براحه
لو شفنا عدد الماساهمات بتاعتها 7 يعني لسه جديده في المنتدى
بمعني أصح متعرفش حاجه لأنها بجد لو متابعه المنتدى حتلاقي ناس كتير
فاتحين على طول بعدين إيه المانع من إن الناس نذاكر ( ده لو بيذكروا يا مصطفى )
هو ده مش مستقبلهم .
حتعدي !!!!!!!!!!!!

من طرف Den.emoOo الثلاثاء يناير 06, 2009 3:21 pm

لا يا سومه جلاديوتور مكنش يقصدك وبعدين انتى مقولتيش اى حاجه غلط 00
وبعدين انا سالت اميره عن نونا دى وهى مرضتش تقولى هى مين 00ومش راضيه تقول لحد عليها
بس هى لو شجاعه فعلا وقد كلامها تقول هى مين ؟؟؟
متزعليش نفسك يا سومه

من طرف Dr_SoMa الثلاثاء يناير 06, 2009 3:27 pm

بصى ياايمان وانتى عارفه كويس انى مش بتضايق بسهوله ولا حتى اتضايقت لما شفت الموضوع لكن اللى ينرفز انه كمان عشان بدافع عن نفسى يتقال عليا غلطانه حاجه تحرق الدم بجد انا اصلا غلطانه انى رديت من الاول فعلا انا كنت حالفه ماارد ولا ادخل على ولا موضوع فى المنتدى بس برضضه انا اللى غلطانه وياريت الموضوع يتقفل