في يوم اليتيم

من طرف Ahmed Nabeeh الأحد مارس 22, 2009 5:08 pm

بسم الله الرحمن الرحيم

او لا يا جماعه انا عاوز افكركم بس ان ان شاء الله يوم الجمعه الموافق يوم 3 ابريل هيكون اول جمعه في الشهر وهيكون ده يوم اليتيم العربي

واكيد يا جماعه في ناس مننا يتيمه او ليهم حد من قرايبه او اصحابه في الوضع ده
وعلشان كده احنا لازم نحس ببعضنا وبغيرنا اللي هم يتامه

وعلشان كده انا خطرت في بالي فكرة كويسة ان احنا ان شاء الله هنزور دار ايتام او ملجا يعني
يوم الجمعه اللي هو يوم 3 ابريل

وبالفعل انا رحت جمعية اسمها
(جمعية المساعي الخيرية) او مبرة الشناوي اي اسم فيهم يعني

ورحت بنفسي شفت الاطفال اللي موجودين هناك

وان شاء الله يا شباب انا اتفقت مع ناس كتير من زمايلنا
سواء صبيان او بنات اننا هنعمل حاجه زي رحله بسيطة كده
لدار الايتام ده ان شاء الله يوم الجمعة ده
وكمان انا لما رحت كنت بقول للناس اللي مسئوله هناك اننا يعني نجيب مثلا لعب او حاجات للاطفال اللي موجوده هنا

بس بصراحة كل الناس اللي هناك قالولي ان اللعب والحاجت دي موجوده كتير وكمان انا اخدت منهم قايمة بالحاجت المطلوبة او الحاجات الناقصه عندهم هناك في الملجا ده

وعلشان كده يا جماعه ان شاء الله احنا هنبدا نجمع من بعضنا التبرعات اللي نقدر عليها كده ونشتري اي حاجه نقدر عليها من الحاجات المطلوبة دي

وكمان اكيد في ناس كتير من المنصورة ممكن تيجي في اليوم ده او اللي هيسافر وييجي
وطبعا الباب مفتوح امام الكل انه ييجي معانا اليوم ده

وفيه ناس مش هتقدر تيجي علشان ظروف سفرها وكده بس ممكن لو حابين يتبرعوا باي حاجه يقدروا عليها يبقى اكيد طبعا كتر خيرهم

وان شاء الله انا اللي هلم الفلوس من الصبيان
واللي عاوز طبعا يشوف الحاجات اللي هما طالبينها موجوده معايا

اما بالنسبة للبنات ف ان شاء الله رضوى زميلتنا هي اللي هتبقى مسئولة عن جمع التبرعات من البنات
وبرضه معاها كل الاجابات بتاعت الاسئلة لو فيه حد حابب يستفسر عن حاجه سواء النظام ايه او المعاد او حتى الحاجت المطلوبة

وتقريبا كده يا جماعه احنا منظمين كل حاجه لليوم ده وان شاء الله يبقى عمل خير وربنا يجزينا عليه برضه خير ان شاء الله

واحب اختم الموضوع وافكركم بالحديث الشريف لرسولنا (صلى الله عليه وسلم )
قال: انا وكافل اليتيم في الجنه كهاتين
صدق رسول الله صلى الله عليه وسلم

واشار باصبعيه السبابه والوسطى

من طرف Mostafa ElShirbeny الأحد مارس 22, 2009 5:28 pm

شكرا ع الفكرة الجميله دى يا نبيه و جزاك الله خيرا و ربنا يجمعنا ف عمل الخير دايما ان شاء الله

من طرف Dr_SoMa الأحد مارس 22, 2009 5:33 pm

gza alah kol 5er kol mn sahem aw nawi ysahm fi hfkra di l2n h3atf 3la lytem mn l2a3mal lti yothab 3leha loslem

من طرف Gladiator الأحد مارس 22, 2009 5:39 pm

جزاكم الله كل خير يا نبيه

من طرف ahmed nassib الأحد مارس 22, 2009 5:45 pm

bgd fekra 7elwa w yarb kolena nsahem feha

من طرف KAZKOZA الأحد مارس 22, 2009 5:46 pm

ربنا يجزاك خير ومشكور على تعبك و مشكووووور ع الفكره و ع الموضوع ..
و اي حد م البنات عايز يساهم او يستفسر انا ف الخدمه دائما ان شاء الله .. متاح على طول يعني .......