كرسي الاعتراف

dr_khaled كتب:طب قشطة أنا اللي هسأل يا صاصو
كان احساسك ايه و اتحاد الشرطة بيغلب الاهلي؟:lol:
امتى كان أسعد يوم في حياتك؟
وامتى كان أسوأ يوم في حياتك؟
ومين اكتر حد حبيته؟
ومين اقرب صاحب ليك؟
و ايه اللي اتمنيتوا و محققتوش؟
وايه اللي حققتوا و متمنتوش؟
و ايه اللي بتتمناه الايام دي؟
و انت بتعد فين في المدرج عشان انا عايز اعرفك :lol:

Ahmed El Metwally كتب:بسم الله الرحمن الرحيم هنبدأ الليله ترا رارار ترا رارا
1- ايه الحاجه اللي تتمنى حد يعملهالك
2- مين اقربلك الوالد ولا الوالده
3- مين اكتر حد حبيتو في الدفعه بتاعتنا
4- ايه اول انطباع خدته عن الدفعه و ايه انطباعك دلوقتي
كفايه كده ترا رارا ترا رارا

صمت الكلام كتب:اهلااهلااهلا بيك
نورتي الكرسي
وياريت تكون مستعد للاسئله

1-اسمك الحقيقي؟؟
مصطفى محمد الشربينى

2--اين تعيش؟؟؟
سمنود طبعا-الغربيه

3-حبيت ام لا؟؟؟
حبيت مرة

4-احساسك ايه لما دخلت الكليه الجميله دي؟؟؟؟؟؟؟؟؟؟؟؟
اكيد فرحت انى دخلت كليه كويسه...وف نفس الوقت كنت متضايق اوى لان مفيش و لا ولد من سمنود معايا خالص..بس الحمد لله لقيت ناس كويسه اوى سواء صبيان او بنات
5-داخل الكليه بمزاجك ولاااااااااااااااا؟
دخلتها بمزاجى بعد ما فكرت ووزنت الموضوع و عدلت الرغبات من صيدله لاسنان
6-ايه رايك في الحب ؟؟؟
الحب طبعا شىء جميل..بس الواحد لازم يختار صح و كمان لو عرف م الاول ان نصيبه مش مع الطرف التانى او فيه ظروف اكيد هتمنع ارتباطهم لازم يبعد و بسرعه

7-هل انت محبوب من الاخرين؟؟؟
المفروض الناس هى اللى تحكم عليا....بس بحس نوعا ما ان الناس بتقبلنى(بس مش كلهم طبعا) ....انا يمكن ما اعرفش مين بيحبنى ...بس اللى بيكرهونى طبعا عارفهم واحد واحد

8-هل تحب الناس كما هم؟؟؟
ممكن...بس لو انا شايف ان الشخص ده كويس اوى بس فيه عيب معين ممكن انصحه

9- تعمل ايه لو والدك ووالدتك معانا في المنتدي؟؟؟
عادى جدا....هكتب نفس المواضيع و الردود بالظبط

10-عمرك جرحت اواتجرحت؟؟؟
اتجرحت ف عده مواقف....و ما اقدرش انسى اى واحد فيهم...بس متهيالى انى ما جرحتش حد...لانى مش خنت اى حد من اصحابى زى ما ناس عملت معايا قبل كده

11-ايه اجمل لحظة عشتيها في حياتك ونفسك ترجعيلها تاني؟؟؟
يمكن لما اخر اخت ليا اتجوزت.... لانى حسيت بعد وفاه والدى بمسؤوليه كبيرة بس الحمد لله اعتقد انى كنت ادها

12-اكتر واحد في المنتدي؟؟؟
دمه خفيف:متولى و نبيه-و البنات ايمو و رنا
جميل:نبيه لانى قربت منه اوى و حسيت انه طيب زياده عن اللزوم
رومانسي:كريم .....ههههههههههههههه.....و هو لو قرا الموضوع هيفهمنى
رقيق:اممم...هقول ايمو عشان موقف معين
نفسك تصاحبه اوي:انا مصاحبهم كلهم اصلا
محبوب: كلكم

13-ايه اجمل موضوع قراته في المنتدي؟؟؟ولماذا؟؟؟
اكيد الموضوع ده...عشان بنعرف بعض اكتر
14-اجمل موقف حصلك؟؟؟
لما التليفون رن و انا نايم وواحد صاحبى قالى انت دخلت اسنان المنصورة فقفلت السكه ف وشه
15-موقف محرج حصلك؟؟؟؟؟؟؟؟؟؟؟؟؟؟؟
مش عارف.....بس انا اصلا ما بحبش احط نفسى ف مواقف محرجه... بتجنبها
16-اوصفلي نفسك في اربع كلمات؟؟؟
اجتماعى....طيب...حالم....حزين(برغم كل اللى انتوا بتشوفوه ع المنتدى)
17-اكتر حاجة بتحبها؟؟؟
الوفاء
18-اكتر حاجة بتكرهها؟؟؟
الخيانه
19-ايه اكتر حاجة بتغضبك؟؟؟
لما حد يبقى شايف نفسه عليا...لانى مش هسكت له...يمكن شكلى مدى على واحد هادى و غلبان بس لما بتعصب ببقى واحد تانى خالص

20-لو مكانش اسنان كنت تدخل ايه؟؟؟؟؟؟؟؟؟؟؟؟؟؟؟
صيدله يمكن
21-ايه اكتر شخصية اتشدتلها في المنتدي ....بصراحة..؟؟؟
قبل ما اعرفكم....كان المتولى لانى لاحظت ان مزاجه عالى ...و لما عرفت الكل لاحظت انكم كلكم شخصيات جميله اوى لازم الواحد يحبها
22-ايه رايك في حب النت؟؟؟
مفيش حاجه اسمها حب النت من وجهه نظرى

انا عارفة ان انت زهقت مني بس
بس انا جايالك تاني ماتقلقشي

انا رديت اهو....اى خدمات
سلام مؤقتا

Mostafa ElShirbeny كتب:انا اعرفك كويس يا خالد و ان شاء الله اقابلك يوم الحد

فتاة طموحة كتب:بجد الكرسي منور
ربنا يعينك يا دكتور
تحب اسال واللا بلاش؟؟