رد: كرسي الاعتراف

من طرف فتاة طموحة الجمعة نوفمبر 28, 2008 10:30 pm

شكرا يا دكتور مصطفى
ونبدأ بقى

حبة بحبة كدا

1_ماهو هدفك بالحياه.......(سلب ام ايجاب) اذكر بكلتا الحالتين

2_ رتب هذه الكلمات حسب الافضليه لديك

الصحه_المال_الاولاد_الزوجه أو الزوج_الحصول على اعلى المناصب_راحة البال

3_هل انت من متابعي الاخبار والحوادث

ماهو شعورك عندما ترى جثث الاطفال والرجال والنساء من العرب امام عينيك والعدو واقف يتقهقه ضاحكا...

(صف ماهو شعورك بتلك اللحظه وبصدق)؟؟

4_عندما يشكو اليك احد من الناس مشكلة بداخله (سواء كان مقربا اليك ام غريبا عنك) ماهي ردة فعلك تجاه الشخصين المقرب والغريب ؟؟

5_عندما تجد ابتعادا من شخص معين كانت تربطكم علاقة اخويه او احترام وود

لا تعلم سبب ابتعاده حاولت الاستفسار منه لكنه فضل الصمت على الاجابه

(ماذا ستكون ردة فعلك)؟؟

ولي عودة باذن الله

من طرف Mostafa ElShirbeny الجمعة نوفمبر 28, 2008 10:38 pm

dr_khaled كتب:اغلق عينيك للحظة و تمنى شيئا سريعا....ماذا تمنيت؟
انى اطلع من غير مواد السنه دى...و يا سلام بقى لو جبت تقدير

ايه اكنر اكلة بتحبها؟ :D
مكرونه بالبشاميل و الكشرى الاصفر

و ايه اكتر اكلة مبتحبهاش؟
القلقاس و الكوسه و ما الى ذلك...و ماليش ف الرنجه و الفسيخ و الممبار و الكلام ده كله
و مين اقرب حد ليك في عيلتك؟ (هو اكيد مامتك يعني :lol:
اكيد

و مين أكتر حد بيفهمك؟
البنت اللى حبيتها كانت بتفهمنى من غير ما اقول حاجه

و مين أكتر حد بترتاح معاه؟
برضه هى...بس دلوقتى مش عارف

و مين أكتر حد بتكرهه؟
اللى بيكره بيتعب من جواه....عشان كده ما بكرهش حد الحمد لله
و مين أكتر حد جرحك؟
واحد كنت مفكره صاحبى بس اكتشفت حقيقته..و عملت مشكله كبيرة جدا معاه

و مين اكتر حد قدملك خدمة؟
ناس كتير....بس ادين بالفضل لوالدتى انها صابره عليا لحد دلوقتى..و هى اللى وقفت جنبى جامد هى و اخواتى..ف نفس الوقت اللى كان فيه ناس قريبه منى بيتمنوا ليا الفشل

و بعدين هو حبك الاولاني خلص ليه؟ :D :D
انا اللى خلصته

و استفدت ايه منه؟

زى ما قلت يا خالد.....لما تعرف ان مش هيكون فيه ارتباط يبقى ما تظلمش حد معاك....و للعلم هى انسانه كويسه جدا

من طرف Ahmed El Metwally الجمعة نوفمبر 28, 2008 10:54 pm

ايه هواياتاك
ايه الشخصيات اللي تفضل التعامل معاها
ايه اكتر حاجه بتحبها فيك
و ايه اكتر حاجه بتكرها

من طرف Mostafa ElShirbeny الجمعة نوفمبر 28, 2008 11:31 pm

[quote="فتاة طموحة"]شكرا يا دكتور مصطفى
ونبدأ بقى

حبة بحبة كدا

1_ماهو هدفك بالحياه.......(سلب ام ايجاب) اذكر بكلتا الحالتين
انى ان شاء الله اكون دكتور ناجح....و شخصيه محبوبه بين الناس عشان الناس تفتكرنى دايما بالخير

2_ رتب هذه الكلمات حسب الافضليه لديك

الصحه_المال_الاولاد_الزوجه أو الزوج_الحصول على اعلى المناصب_راحة البال
بشكل عام....الصحه وراحه البال اهم من اى حاجه و طبعا بعد كده الزوجه و الاولاد ....اما المال ده من عند ربنا ما بفكرش فيه..و كمان اعلى المناصب ما بحبهاش لانى اخاف اظلم حد و هتسال عن كده طبعا

3_هل انت من متابعي الاخبار والحوادث
متابع بشكل كبير

ماهو شعورك عندما ترى جثث الاطفال والرجال والنساء من العرب امام عينيك والعدو واقف يتقهقه ضاحكا...
(صف ماهو شعورك بتلك اللحظه وبصدق)؟؟
الواحد بيزعل جدا و يتمنى انه يشوف اى يهودى قدامه عشان يقطعه باسنانه...بس للاسف مفيش ف ايدينا حاجه غير الدعاء او التبرع باى شكل م الاشكال...و حكام العرب طبعا بيعملوا ف مؤتمرات و قمه و مش قمه و كله على مفيش

4_عندما يشكو اليك احد من الناس مشكلة بداخله (سواء كان مقربا اليك ام غريبا عنك) ماهي ردة فعلك تجاه الشخصي-ن المقرب والغريب ؟؟
فى كلتا الحالتين هحاول احلها على اد ما اقدر

5_عندما تجد ابتعادا من شخص معين كانت تربطكم علاقة اخويه او احترام وود
لا تعلم سبب ابتعاده حاولت الاستفسار منه لكنه فضل الصمت على الاجابه
(ماذا ستكون ردة فعلك)؟؟
اكيد مش هتخلى عنه بالسهوله دى و هحاول اعرف السب باى طريقه

ولي عودة باذن الله
......ترجعى بالسلامه يا دكتورة طموحه

من طرف Mostafa ElShirbeny الجمعة نوفمبر 28, 2008 11:35 pm

[quote="Ahmed El Metwally"]ايه هواياتاك
النت و النوم و الكورة و تنس الطاوله طبعا
ايه الشخصيات اللي تفضل التعامل معاها
الشخصيه المرحه حسنه التعامل مع الناس و المتزنه ف نفس الوقت
ايه اكتر حاجه بتحبها فيك
انى اجتماعى يمكن
و ايه اكتر حاجه بتكرها
انى ما بنساش اى حاجه حد عملها فيا .....و ساعات ببقى صعب اوى....و دماغى ناشفه جداااا

من طرف dr_khaled الجمعة نوفمبر 28, 2008 11:55 pm

والله يا مصطفى بحييك على تواصلك يا مان

من طرف Mostafa ElShirbeny السبت نوفمبر 29, 2008 12:09 am

احنا ف الخدمه 24 ساعه يا خالد.....فيه اسئله تانيه النهارده؟؟انا موجود اهو

من طرف dr_khaled السبت نوفمبر 29, 2008 12:19 am

لو مكنش اسمك مصطفى كان نفسك يبقى اسمك ايه؟
و ايه هي رياضتك المفضلة؟
و مين اللاعب العربي المفضل عندك؟ (و لو ان انا عارف)
و مين اللاعب الاجنبي المفضل؟
و ايه هو ناديك الاوروبي المفضل؟
و المنتخب الاجنبي المفضل؟

مين اكتر حد فهمته غلط؟
و مين اكتر حد فهمك غلط؟
و مين الشخص اللي انت شايفه مش واخد حقه؟

و مين المغني المفضل عندك؟
و المغنية....؟
و الممثل.....؟
و الممثلة....؟

و البلد اللي نفسك تزورها؟

و كان في سؤال عجبني اوي:
لو المنتدى كله غرق
و معاك مركب يشيل 3 اعضاء بس
هتختار مين؟

أي خدمة يا صاصو

من طرف Mostafa ElShirbeny السبت نوفمبر 29, 2008 12:37 am

dr_khaled كتب:لو مكنش اسمك مصطفى كان نفسك يبقى اسمك ايه؟
مصطفى

و ايه هي رياضتك المفضلة؟
انا صحيح بلعب كورة و تنس طاوله..بس اصلا انا كنت لاعب كرة يد....و كنت كويس جدااااااا..و كنت حاسس ان ليا مستقبل فيها بس طبعا عشان الدراسه بقى ..كله راح

و مين اللاعب العربي المفضل عندك؟ (و لو ان انا عارف)
هههههههههه..ايه رايك ف البدله اللى لابسها؟؟مفيش غير تريكه اصلا

و مين اللاعب الاجنبي المفضل؟
بدون شك ستيفن جيرارد...و بعتبره من افضل عشر لاعبين ف تاريخ انجلترا كله..لاعب جوكر ف كل مكان و ف اى مركز

و ايه هو ناديك الاوروبي المفضل؟
انا بحب مانشستر و بشجعه من سنه 99

و المنتخب الاجنبي المفضل؟
هولندا طبعا..كل اللى فيها حبايبى

مين اكتر حد فهمته غلط؟
مش عارف.....مفيش حد على بالى دلوقتى

و مين اكتر حد فهمك غلط؟
ناس كده...ههههههههه..بلاش اقول مين

و مين الشخص اللي انت شايفه مش واخد حقه؟
مش شخص..بس عامه الناس اللى بتطحن ف كلياتها و بتاع و تطلع ما تلاقيش شغل او تشتغل ب 300 جنيه و لا بتاع....بجد حرام الكلام ده...الصين تعدادها مليار و 300 الف نسمه بس ما عندهمش مشكله بطاله زينا كده

و مين المغني المفضل عندك؟
فضل شاكر...و عمرو دياب...و رامى صبرى

و المغنية....؟
اصاله..و شيرين

و الممثل.....؟
كريم عبد العزيز...و احمد حلمى

و الممثلة....؟
مش حد معين

و البلد اللي نفسك تزورها؟
السعوديه عشان احج و اعمل عمرة

و كان في سؤال عجبني اوي:
لو المنتدى كله غرق
و معاك مركب يشيل 3 اعضاء بس
هتختار مين؟
انا بركب يخوت بس...المراكب مش من مستوايا ... :P :P

أي خدمة يا صاصو

من طرف dr_khaled السبت نوفمبر 29, 2008 12:41 am

مينفعش تهرب من السؤال يا مصطفى
اللعبة دي لازم تكون صريح فيها والا مكنتش تعد ع الكرسي
ده متكلف يابني :D

من طرف Mostafa ElShirbeny السبت نوفمبر 29, 2008 1:37 pm

مش بهرب و لا حاجه يا خالد..بدليل انى جاوبت على اسئله كان ممكن ما جاوبش عليها...بس عموما هاخد كل اللى ف المنتدى عشان نغرق مع بعض :D

من طرف Ahmed El Metwally السبت نوفمبر 29, 2008 6:01 pm

امتى حسيت انك وحش ؟ شوف انا هو سؤال واحد وخفيف ازاي

من طرف dezner السبت نوفمبر 29, 2008 7:07 pm

إيه أكتر لحظة زعلت فيها بعد دخولك الكلية يا صاصا

على فكرة دا إسلوبى سؤال سؤال

من طرف Mostafa ElShirbeny السبت نوفمبر 29, 2008 7:38 pm

[quote="Ahmed El Metwally"]امتى حسيت انك وحش ؟ شوف انا هو سؤال واحد وخفيف ازاى

لما بعدت عن ربنا لفترة كده...و بعدين برجع اهو و الحمد لله...هى مش حاجات فظيعه يعنى بس برضه الواحد بعد شويه

من طرف Mostafa ElShirbeny السبت نوفمبر 29, 2008 7:40 pm

dezner كتب:إيه أكتر لحظة زعلت فيها بعد دخولك الكلية يا صاصا

على فكرة دا إسلوبى سؤال سؤال

لما حصل موقف كده..و انا اتفهمت فيه غلط و زعلنى جدا من بعض الناس

من طرف Mostafa ElShirbeny السبت نوفمبر 29, 2008 7:44 pm

اى حد عنده سؤال تانى يتصل على زيرو تسعميه زيرو مفيش اطلبنى يا ما تلاقينيش يا ما تلاقينيش

من طرف dr_khaled السبت نوفمبر 29, 2008 9:51 pm

انتوا مدلعين الواد اوي
انا سالته 3 مرات
فين الاسئلة؟؟!!!!

من طرف Gladiator السبت نوفمبر 29, 2008 10:02 pm

يا جماعه لما الكرسى يفضى ابقو قلولى اوك

من طرف Mostafa ElShirbeny السبت نوفمبر 29, 2008 10:25 pm

انا ملاحظ برضه ان محدش بيسال...ما تخافوش مش هضربكم :P ....و فينك يا دكتورة طموحه..هههههههههه

من طرف فتاة طموحة الأحد نوفمبر 30, 2008 5:38 am

هههههههه
جيت اهوه
شكلك عاوز تكره اليوم اللي اقعدوك فيه يا دكتور

خد دوول

1-ايه هو الدعاء اللى دايما تقوله فى صلاتك او فى اى وقت؟

2-من هو اقرب عضو ليك فى المنتدى ؟

3-لو معاك باقة ورد لمين تحب تهديها؟.

4-مين اكتر عضو حسيت انة نشيط فى المنتدى؟

5-وايه رايك فى ارتباط الجامعه وارتباط عن طريق النت؟

6--سؤال تتمنى ان يسأل لك ؟؟؟؟؟...واطرحه على نفسك وأجب عليه؟؟؟؟؟

7-ايه اكبر عيب فى مصطفى؟ و ايه احلى ميزة فيه ؟

8-مين هو اكتر انسان بتحبه في حياتك ؟

ولي عودة
هههههه

من طرف Mostafa ElShirbeny الأحد نوفمبر 30, 2008 5:05 pm

فتاة طموحة كتب:هههههههه
جيت اهوه......هو انا اقول فينك تيجى على طول ..هههههههههههههه
شكلك عاوز تكره اليوم اللي اقعدوك فيه يا دكتور

خد دوول

1-ايه هو الدعاء اللى دايما تقوله فى صلاتك او فى اى وقت؟
ان ربنا يهدينى و يهدى جميع المسلمين و ينجينا من عذاب النار

2-من هو اقرب عضو ليك فى المنتدى ؟
متولى و نبيه و كريم

3-لو معاك باقة ورد لمين تحب تهديها؟.
لوالدتى

4-مين اكتر عضو حسيت انة نشيط فى المنتدى؟
كلنا و الحمد لله

5-وايه رايك فى ارتباط الجامعه وارتباط عن طريق النت؟
بصى يا دكتورة طموحه...مفيش حاجه اسمها ارتباط عن طريق النت لان مفيش ارتباط صح يتبنى على مجرد شات ع النت....و بالنسبه للجامعه فاحنا شايفين طبعا نعظم الناس مأنتمين..هههههههههههه..بس انا مش مع الموضوع ده خالص لان لما بتخلص الدراسه كل واحد بيروح لحاله..و مفيش بنت تستنى ولد لما يكون نفسه حتى لو هى عايزه كده...ارتباط الجامعه بيكون فاشل بنسبه 99%...الا اذا كانت ظروفهم تسمح بالارتباط الرسمى اثناء او بعد الجامعه على طول

6--سؤال تتمنى ان يسأل لك ؟؟؟؟؟...واطرحه على نفسك وأجب عليه؟؟؟؟؟

7-ايه اكبر عيب فى مصطفى؟ و ايه احلى ميزة فيه ؟
هو عيب مركب...لما حد بيضايقنى يا اما بتعصب بسرعه او ببقى رخم و بارد لاقصى الحدود...بس انا شايف ان حكايه البرود دى يمكن تكون ميزة اكتر منها عيب....احلى ميزة انى بحب اتعرف و اكون علاقات و صداقات مع كل الناس

8-مين هو اكتر انسان بتحبه في حياتك ؟
اكيد والدى الله يرحمه ووالدتى

ولي عودة......ترجعى بالسلامه...هههههههههههه
هههههه

من طرف Ahmed El Metwally الأحد نوفمبر 30, 2008 6:15 pm

E5tar 2 tetkalem 3anhom men el a3da2

من طرف Mostafa ElShirbeny الأحد نوفمبر 30, 2008 8:02 pm

متولى: دماغ عاليه..و مهيس خالص بس ف نفس الوقت شخصيه قريبه منى الى حد ما ف بعض الحاجات بيتعصب بسرعه بس لما بيهدى بيبقى طيب خالص...بس مش بقيت اشوفه كتير..طبعا الباشا غايب يا اما انا اللى ببقى غايب برضه
نبيه: طيب و دماغه ف التراوة بس نضيفه...و برضه من احسن الشخصيات الموجوده ف الدفعه على فكرة.....شخصيه مرحه جدا وودوده جداااا

من طرف dezner الأحد نوفمبر 30, 2008 9:28 pm

meen aktar 7d mn eldof3a fr7t bm3rftak leeh?

من طرف Mostafa ElShirbeny الأحد نوفمبر 30, 2008 10:41 pm

ههههههههههه...انا فعلا فرحت لما عرفت ناس جديده و كمان الناس بتاع المنتدى.....كلكم يا عطار على فكرة....بس فيه ناس كنت اعرفها من قبل المنتدى زى نبيه مثلا

من طرف LORD OF SCIENCE الإثنين ديسمبر 01, 2008 6:18 pm

WHAT IS THE FEATURES OF YOUR BEST FRIEND? DO YOU STUDY WELL? WHAT IS YOUR FAVORITE COLLEGE? WHAT DO YOU KNOW ABOUT STATICTS? THANK YOU DR RANA FOR THIS GREAT TOPIC