رد: احترم نفسك

من طرف Ahmed Nabeeh الجمعة يناير 02, 2009 11:30 pm

لا يا سعداوي اكيد بابي متقصدش الكلام اللي انت فاهمة
لاننا زي ما خالد وانا قلنا ناس كبار ومحترمين واذا كان حاجه حصلت فهي اكيد بتتكلم عموما ومتقصدكش
ولا ايه يا باربي

من طرف hend waheed الجمعة يناير 02, 2009 11:34 pm

اما بالنسة لحل حضرتك يا دكتور خالد انا للاسف شايفة ان مش دة الحل لان الاولاد لما بتعاكس ميفكورش لا فى اخواتهم ولا امهاتهم ولا ضميرهم بيئنبهم اصلا لكن الشباب اللى حاطط دة فى اعتباره من الاول عمره مبيفكر انو يعمل كدة فانا شايفة ان احنا لازم نلاقى حل تانى

من طرف hend waheed الجمعة يناير 02, 2009 11:40 pm

ايوة طبعا وانا اسفة تانى على سوء التفاهم بس ياريت منبعدش عن الموضوع الاصلى وان عايزة اعرف اية رايك يا دكتور نبيه

من طرف Ahmed Nabeeh الجمعة يناير 02, 2009 11:44 pm

barby2008 كتب:اما بالنسة لحل حضرتك يا دكتور خالد انا للاسف شايفة ان مش دة الحل لان الاولاد لما بتعاكس ميفكورش لا فى اخواتهم ولا امهاتهم ولا ضميرهم بيئنبهم اصلا لكن الشباب اللى حاطط دة فى اعتباره من الاول عمره مبيفكر انو يعمل كدة فانا شايفة ان احنا لازم نلاقى حل تانى

بصي يا دكتورة بالنسبة لكلامك مع كامل الاحترام فيه جزء صغير غلط لان مش كل الشباب وحش زي منتي فاهمه بس عالعموم الاغلبية وحش والبنت بايديها كل حاجه
يعني مثلا لو حضرتك مره عديتي في بعض الاماكن في الجامعة اظن المنظر مش محتاج وصف
ضحك وتهريج ومسخرة طيب هي البنت اهو بتعمل كده بارادتها
امال ليه بنقول الولاد بس وحشين
صح كده فيه غلط من الاتنين لكن مشترك فمنرميش المشكله كلها على عاتق الولد لوحده
وانا شايف ان احنا الحمد لله ناس كبار ومحترمين ومعندناش الكلام ده الا اذا كان الاقليه مش محترمين فربنا يرحمهم
وعالعموم انتي بجد تستحقي الشكر لاهتمامك بالموضوع ده وده اكبر دليل ان الناس فيهاالخير ولسه بتفكر بالعقل والمبادئ
وشكرا ليكي

من طرف Ahmed Nabeeh الجمعة يناير 02, 2009 11:45 pm

هو ده رايي يا باربي

من طرف Gladiator الجمعة يناير 02, 2009 11:46 pm

يا شباب فعلا ده وباء منتشر و تخيل اى حاجه تعملها فى واحده بتحصل لاختك او مراتك او بنتك

لازم تكون غيور

لذلك انا و الله عمرى ما فكرت حته انى اعاكس واحده

لان ده سلوك غير اسلامى و غير حضارى و منوش ادنى فايده

من طرف hend waheed الجمعة يناير 02, 2009 11:54 pm

انا مع حضرتك طبعا مناظر الاختلاط والمسخرة اللى بنشوفها دى من البنات لان الولد مغصبهاش ان هى تقف معاه وتعمل كدة انا اصلا موضوعى دة موجه للبنات والاولاد لكن المعاكسات اللى بنشوفها الغلط فيها من الاولاد مش البنات والمعاكسات بتكون بكلام مش كويس كمان عادة بيبقى تريئة وقلة ادب دة كان هدفى من الموضوع ان الاولاد يبطلوا يعاكسوا البنات ويضايقوهم

من طرف dezner الجمعة يناير 02, 2009 11:56 pm

barby2008 كتب:ااكبد فى ناس كتيرة سمعت عن الجروب دة عالفيس بوكدة موضوع عن المعاكسات وانا حبيت اتكلم فى الموضوع دةمخصوص لانى بجد زهقت وقرفت من المناظر الزبالة اللى بنشوفها فى الجامعة من معاكسات واختلاط الاولاد مع البنات .انا نفسى اعرف هما بيسفيدوا اية من مضايقة البنات ومعكاستهم بكلام جارح وخارج وياريت لو سمحتو محدش يقولى البنات هما اللى بيلبسوا وحش او هما اللى مش محترمين طب وبعدين الشماعةاللى بيعلقوا عليها تصرفاتهم القذرة دى مكشوفة اوى و بعدين انت بقة لو عامل فيها محترم كدة وبتقول البنات السبب طيب ما الرسول عليه الصلاة والسلام امرنا بغض البصر وبعدين البنت اللى لابسة مش كويس مش انت اللى هتحاسبها والله هى ليها اهلها هما اللى شابفنها لابسة اية وعاملة ازاى لكن خلاص الاخلاق بازت خالص ومعدتش حد بيخاف على حد واقرب مثال موضوع التحرش اللى حصل فى مصر وادام الناس كلها وحدش من الناس اقدر يعمل حاجة واتحركت فية النخوة مش عارفة هو دة اللى امرنا بية الرسول صلى علية وسلم من بعدةوبعدين نصيحة اخيرة للشباب كما تدين تدان وياريت متستسهلوش بالجملة دى لان اللى انتو بتعملوة ممكن يحصل لاختك او لامك او لزوجتك او لابنتك وياريت الناس ضمايرها تصحى شويه ولما يشوفوا حاجة مش كويسة يتكلموا ويردوا ويبقى ليهم وقفة مع الناس دى .والسلام عليكم ورحمة الله وبركاتة

موضوع فى غاية الأهمية

بجد حاجة تكسف اللى إحنا بشوفه من سلوك غير لائق من شباب مسلم

اللهم اهدى شبابنا

من طرف Ahmed Nabeeh الجمعة يناير 02, 2009 11:57 pm

ماشي يا باربي الف شكر واعتقد الرسالة وصلت للناس كلها
بس شكل السعداوي زعل بجد
ربنا يستر

من طرف doctor1992 السبت يناير 03, 2009 12:05 am

موضوع جاااامد اوى ياباربى وانا معاكى ف كل كلمه

من طرف Alex السبت يناير 03, 2009 12:34 am

NAPEEH كتب:ماشي يا باربي الف شكر واعتقد الرسالة وصلت للناس كلها
بس شكل السعداوي زعل بجد
ربنا يستر

يا جماعة بلاش نكبر الموضوع انا شايف ان دكتور باربي كان كلامها عام جدا يعني مش فيه اي اتهام للسعداوي وكمان هي اعتذرتله يعني الموضوع خلص وان شاء الله مفيش زعل ولا حاجة

بس يا دكتور باربي حضتك عايزة حل للمشكلة وكل اللي بيرد والحمد لله بيراعي ربنا في مثل هذه الاشياء ومش بيعملها يعني من الاول بيتخيل ان اخته او مامته في هذا الموقف لكن المشكلة اللي انا شايفها مثلا ان الواحد مننا بيحس انه مغلول الايدي لما بيشوف حاجة زي كده .... يعني مش عارف يعمل حاجة وهي دي المشكلة اللى المفروض نشوفلها حل لان الناس دول لا بينفع معاهم نصيحة ولا اي حاجة

من طرف hend waheed السبت يناير 03, 2009 12:44 am

شكرا جدا على ردك دكتور ALEX ايو انا مع حضرتك احنا عايزين حل يخلى اللى بيعاكس دة يحترم نفسه ويبطل اما اللى مش بيعاكس دة فربنا يكرمه والشباب اللى مش بيعاكس هو اللى يدور على حل للمشكلة دى لان فعلا اللى بيحصل دة عيب اوى فى حقنا كمسلمين و انا شايفة الحمد لله ان الدفعة ما شاء الله ناس محترمة جدا فياريت يدوروا على حل للمشكلة دى

من طرف ???? السبت يناير 03, 2009 12:47 am

انا معاكى barby فى كلامك
بس مع احترامى لكم صعب اوى انكوا تلاقوا حل لمشكله زى دى

من طرف hend waheed السبت يناير 03, 2009 12:50 am

هو صعب بس ان شاء الله مش مستحيل لان طول ما احنا ماشيين فى طريق الخير ربنا هيوفقنا وشكر على ردك

من طرف ???? السبت يناير 03, 2009 12:52 am

العفو

من طرف hero السبت يناير 03, 2009 1:14 am

كلامك صح يا دكتورة باربى الشباب خالص همه اليويمن دولت يعاكس ويمشى مع بنت حلوة ويتسلى ده خلاص بقى الهدف الاول والاخير الويمين دولت ده كله عشان بعدنا عن دينا لازم نرجعله وبالنسبة للبنت اللى بتلبس وحش هى فعلا بتبقى حجة للولاد ولكنها حجة عشان هما ضعاف فى ايمانهم مش قادرين يجاهدوا نفسهم وبكده مش يعتبروا مؤمنين حقيقين

من طرف hend waheed السبت يناير 03, 2009 10:21 am

انا مع حضرتك يا دكتور heroلو العيب والغلط من البنات طيب انا عايزة اقول حاجة طيب ما امريكا وفرنسا وغيرها من الدول الغربيه
البنات فيها شبه عاريات ومع ذلك مبيتعرضوش للمعاكسات والمضايقات اللى بتحصل هنا و مع انهم مش مسلمين ولكنهم بيقدروا قيمة المراة وبيعلوا من شانها امال احنا نعمل اية فى نفسنا يا مسلمين يا خلفاء النبى صلى الله عليه وسلم انا دلوقتى عايزة اعرف يبقى العيب فى مين يا ترى الاجابة هتبقى البنات برده و لا ايه انا عايزة اعرف اللى بيعاكس ده بيستفيد ايه وبيعمل كده ليه علشان نعرف نحل المشكلة دى وشكرا ليكم كلكم على اهتمامكم بالموضوع دة

من طرف white cloud السبت يناير 03, 2009 10:40 am

موضوع المعاكسات ده فعلا بقى رخم وبايخ جدا وخصوصا فى الجامعة انا كنت متخيلة قبل مادخل الجامعة انها مكان محترم بس بصراحة لقيت الشارع احسن منها

من طرف white cloud السبت يناير 03, 2009 10:46 am

وبعدين لو العيب فعلا فى البنات يا ريت الشباب يبقوا محترمين ويخلوهم فى نفسهم وطالما هما حلوين ويعرفوا ربنا والصح والغلط يغضوا بصرهم مش ده الصح برضه؟

من طرف hend waheed السبت يناير 03, 2009 11:53 am

شكرا على ردك يا د\ white cloudهو دة الكلام اللى انا اقصده مش عارفه هما واخدين موقف من البنات ليه

من طرف B a db o Y السبت يناير 03, 2009 3:59 pm

انا اللى اسف يا دكتوره باربى على سوء التفاهم ده بس برده الكلمه نرفزتنى شويه بس عموما حصل خير وانا اسف اذا كان ردى ضايق حضرتك

من طرف Gladiator السبت يناير 03, 2009 4:53 pm

هى العمليه عمليه سلوك و تربيه و دين لو الشاب ملتزم عمره ما هيعمل كده

و الواجب من البيت و المدرسه كمان

و انا بحس و الله ان الى بيعمل كده معقد نفسى حاسس بنقص

ممكن هو شايف نفسه و لا حاجه عاوز يلفت نظر الناس ليييه

خصوصا لو كانت بنت

من طرف hend waheed السبت يناير 03, 2009 6:35 pm

مفيش حاجة يا د\ badboy احنا زمايل بردة فى كليه واحدة وكلنا الحمد لله محترمين اما بالنسبة لرد حضرتك يا د\ gladiator هو فعلا كده الناس دى بتبقى مريضة بس المشكله ان هما شباب لسة ومش حاسين بالجريمة اللى بيعملوها وعمرهم ما هيسمعوا للشيوخ لان بصراحة فى شيوخ كلامهم صعب اوى يحسسك انك كافر لكن من الشباب لبعدهم هيبقى احسن كتير وهيجيب نتيجة ان شاء الله بس انا بردة مش عارفة الحل ايه بس بجد انا مش عايزة اقفل الموضوع ويبقى كلام وخلاص احنا فعلا لازم نعمل حاجة يا جماعة دة واجب علينا ومحدش يقول انا محترم انا مالى لان احنا هنتحاسب على انا مالى دىفياريت نفكر مع بعض وان شاء الله هنلاقى حل طالما نيتنا خير و جزاكم الله كل خير

من طرف Gladiator السبت يناير 03, 2009 6:45 pm

- لابد ان نستجيب اخوانى و هذه بعض الاحاديث

للنهى عن المنكر

عن عَدِيّ بْن عَمِيرَة رَضِيَ اللَّه عَنْهُ يَقُول سَمِعْت النَّبِيّ صَلَّى اللَّه عَلَيْهِ وَسَلَّمَ يَقُول :
"إِنَّ اللَّه لَا يُعَذِّب الْعَامَّة بِعَمَلِ الْخَاصَّة حَتَّى
يَرَوْا الْمُنْكَر بَيْن ظَهْرَانِيهِمْ وَهُمْ قَادِرُونَ عَلَى أَنْ
يُنْكِرُوهُ فَلَا يُنْكِرُونَهُ فَإِذَا فَعَلُوا ذَلِكَ عَذَّبَ اللَّه
الْخَاصَّة وَالْعَامَّة" ثُمَّ رَوَاهُ أَحْمَد

- عَنْ النَّبِيّ صَلَّى اللَّه عَلَيْهِ وَسَلَّمَ قَالَ "
إِذَا عُمِلَتْ الْخَطِيئَة فِي الْأَرْض كَانَ مَنْ شَهِدَهَا
فَكَرِهَهَا وَقَالَ مَرَّة فَأَنْكَرَهَا كَانَ كَمَنْ غَابَ عَنْهَا
وَمَنْ غَابَ عَنْهَا فَرَضِيَهَا كَانَ كَمَنْ شَهِدَهَا " تَفَرَّدَ بِهِ أَبُو دَاوُدَ

- عَنْ أَبِي سَعِيد قَالَ : قَالَ رَسُول اللَّه صَلَّى اللَّه عَلَيْهِ وَسَلَّمَ : "
لَا يَحْقِر أَحَدكُمْ نَفْسه قَالُوا يَا رَسُول اللَّه كَيْفَ يَحْقِر
أَحَدُنَا نَفْسَهُ قَالَ يَرَى أَمْرًا لِلَّهِ فِيهِ مَقَال ثُمَّ لَا
يَقُول فِيهِ فَيَقُول اللَّه يَوْم الْقِيَامَة مَا مَنَعَك أَنْ تَقُول
فِي كَذَا كَذَا وَكَذَا فَيَقُول خَشْيَة النَّاس فَيَقُول فَإِيَّايَ
كُنْت أَحَقّ أَنْ تَخْشَى "

عَنْ حُذَيْفَة بْن الْيَمَان أَنَّ النَّبِيّ صَلَّى اللَّه عَلَيْهِ وَسَلَّمَ قَالَ :" وَاَلَّذِي نَفْسِي بِيَدِهِ لَتَأْمُرُنَّ بِالْمَعْرُوفِ وَلَتَنْهَوُنَّ عَنْ الْمُنْكَر

أَوْ لَيُوشِكَنَّ اللَّه أَنْ يَبْعَث عَلَيْكُمْ عِقَابًا مِنْ عِنْده ثُمَّ لَتَدْعُنَّهُ فَلَا يَسْتَجِيب لَكُمْ " وَرَوَاهُ التِّرْمِذِيّ ...

عَنْ أَبِي عُبَيْدَة عَنْ عَبْد اللَّه بْن مَسْعُود قَالَ : قَالَ رَسُول اللَّه صَلَّى اللَّه عَلَيْهِ وَسَلَّمَ :
إِنَّ
أَوَّل مَا دَخَلَ النَّقْص عَلَى بَنِي إِسْرَائِيل كَانَ الرَّجُل
فَيَقُول يَا هَذَا اِتَّقِ اللَّه وَدَعْ مَا تَصْنَع فَإِنَّهُ لَا
يَحِلّ لَك ثُمَّ يَلْقَاهُ مِنْ الْغَد

فَلَا يَمْنَعهُ ذَلِكَ
أَنْ يَكُون أَكِيلهُ وَشَرِيبه وَقَعِيده فَلَمَّا فَعَلُوا ذَلِكَ
ضَرَبَ اللَّه قُلُوب بَعْضهمْ بِبَعْضٍ ثُمَّ قَالَ " لُعِنَ الَّذِينَ
كَفَرُوا مِنْ بَنِي إِسْرَائِيل عَلَى لِسَان دَاوُدَ

وَعِيسَى
اِبْن مَرْيَم " إِلَى قَوْله" فَاسِقُونَ " ثُمَّ قَالَ كَلَّا وَاَللَّه
لَتَأْمُرُنَّ بِالْمَعْرُوفِ وَلَتَنْهَوُنَّ عَنْ الْمُنْكَر
وَلَتَأْخُذُنَّ عَلَى يَد الظَّالِم وَلَتَأْطُرُنَّهُ عَلَى الْحَقّ
أَطْرًا

أَوْ تَقْصُرُنَّهُ عَلَى الْحَقّ قَصْرًا "

من طرف hend waheed السبت يناير 03, 2009 6:57 pm

شكرا جدا على الاحاديث العظيمة دى يا دكتور وياريت الناس تقراها وتتفاعل مع الموضوع ونتحرك ونعمل حاجة احنا مش حمل ان احنا ناخد ذنوب على اشياء لا نفعلها بجانب الذنوب اللى بناخدها على السيئات اللى بنرتكبها ربنا يرحمنا يارب

من طرف Gladiator السبت يناير 03, 2009 7:35 pm

قال تعالى (لعن
الذين كفروا من بني إسرائيل على لسان داود وعيسى ابن مريم ذلك بما عصوا
وكانوا يعتدون * كانوا لا يتناهون عن منكر فعلوه لبئس ما كانوا يفعلون)

لابد يا دكتوره من النهى عن المنكر

لان لو احنا منهناش عنه كاننا شركاء فيه و جزاكى الله خيرا