غزة تحترق؟؟؟؟؟؟؟؟؟؟؟؟؟؟؟؟

((غزه تحترق))

احنا مين ورايحين على فين

حنفضل كده مذلولين
حنفضل كده مكسورين
ولا حنعد كده على غزه متفرجين
ولا حنعمل زي كل مره ونفضل ساكتين
فين العرب فين المصريين فين السعوديين والاردنيين
فين كل المسلمين
عار علينا والله عار علينا
بسكوتنا بنقتل اخواتنا بأيدينا
بيتقتلوا ويموتوا والعيب فينا
واحنا شايفنهم بيستنجدوا بينا
حنفضل ساكتين
احنا كده بئ مسلمين
احنا بس شاطرين نقول على نفسنا احنا جامدين
اصحوا يامسلمين
عدونا بيتحك علينا عمال بيقتل فينا
بالصورايخ بيرمينا
والقنابل يفجرها فينا
فين الرجولة فين النخوه
راحت... ماتت...ادفنت...ولا احنا نسينا كلمه اخوه
فين الحلم العربي
ولا كمان الضمير العربي
كانت مجرد كلمات في اغاني
ولا احلام واماني
قوموا وفوقوا
وروهم قوتنا وشجعتنا
وروهم وقفتنا ووحدتنا
اخواتنا في غزه ماتوا بس عند ربنا شهداء
خلونا احنا يالي على الارض احياء
ناخد بتارنا وتارهم
نرفع رسنا ورسهم
خلينا كلنا ندعلهم
وندعي لكل مسلم
وابدا ابدا لانسلم
ولا نخلي غزه تستسلم
لا نستسلم لانستسلم

موضوع حلو يا امنيه تسلمى
وربنا بنصرهم يارب ويفوق العرب بقى

جميلة جدا يا امنية

بس مكانها في قسم الشعر الحر والعامي
ياريت فرج ينقلها

موضوع جميل يا امنية فعلا احنا مش لازم ندنينا قاعدين ساكتين نتفرج وخلاص لازم نتحرك نعمل حاجة عشان نساعد اخواتنا فى فلسطين

ميرسى يا هيرو -خالد- دكتور 92

جميله اوي ياامنيه
تسلم ايديكي

موضوع جميييييييل يا د.أمنية
شكرا

القصيدة جميلة جدا بس فى نفس الوقت وحشة جدا لانها بتفكرنى بمدى الجبن والتخاذل والتراجع اللى احنا فية واحنا شايفين الفلسطينيين و اخواتنا فى غزة بيموتوا كل يوم واحنا بنعيش يومنا عادى جدا بناكل وبنشرب وبنلبس وبنغنى وبنتعلم وبنلعب وبنعمل كل اللى عايزينة بس عمر حد فينا فكر فيهم ياترى مين اللى اتقتل منهم النهاردة واد اية ياترى بياكلوا اية والاطفال ياترى عايشين ازاى وهما لسة وردة صغيرة لسة مفتحتش عيونها على الدنيا ومع ذلك كبرت الوردة ودبلت وماتت لا بتموت كل يوم مليون مرة هيعيشوا ازاى وهما مبيصحوش غير على صوت المدافع الرشاشة اما بتقتل ابائه واو امهاتهم واو اخواتهم او جيرانهم انا قلت بيصحوا معلش دول لو كانوا بيناموا اصلا عمرك فكرت ولو ثانية انك عايش فى بيت و معاك اهلك وحاسس بالامان ام الفلسطينيين يمكن اة عايشين فى بيت لكن ممكن يتهد بكرة او النهاردة او بعده وهكذاهو لية الانسان وحش كدةلية معدتش عندنا نخوة و لا اخوة لية انا بجد نفسى اموت مش عايزة اعيش فىالدنيا دى كلها شر احنا لازم نتحرك لازم نعمل حاجة ليهم انا عايزة منكم حاجة صغيرة انكم تقراوا قصة اصحاب الاخدود اللى بطلها غلام عمره14سنه شوفوا تضحيته فى سبيل الاسلام كانت ازاىو شوفوا احنا عاملين ازاى معلش ياجماعة انا طولت اوى بس اعمل كل دة كان جوايا ومش قادرة اشيله لوحدى

عندك حق يا باربى
والقصيدة حلوة يا منمن

بليز لمن نتكلم عن فلسطين لا نفتكر الاحزان وبس افتكرو انو الشعب الفلسطيني جبار وادعمو بالفعل مش الكلامبس احنا بنحط لحالنا الاعذار كا مئات القصائد اتكتبة ماذا فعلت ؟؟؟؟؟؟؟؟؟؟

انا بنصح اي حد بحب فلسطين يدعيلها وبس وبلاش من الكلام ده يلي كتب الاقصيدة عبر عن رايو لاكن ماعمل اية حاجة في القضية اصلاً.

the moon knight كتب:انا بنصح اي حد بحد فلسطين يدعيلها وبس وبلاش من الكلام ده يلي كتب الاقصيدة عبر عن رايو لاكن ماعمل اية حاجة في القضية اصلاً.

التعبير عن الرأي حاجات مش حاجة واحدة

طب تقدر تقولى انت عملت ايه للقضيه و انت من الشعب نفسه؟؟؟؟
و بعدين دى ابيات جميله جدا....دا بدل ما تشكر اللى كاتبها

مش مشكلة انا مقلتش انا محدش يعبر عن رايو بس ده مش هغير الوضع هناك

عن نفسي مفيش بيدي حاجة غير الدعاء وابعت فلوس لقرايبي وا احاول يا احسن وضعهم هناك او اطلعهم من هناك . لانهم تعبو كتير

اكيد ما انا بشكر يلي كتبها بس انا بقول سواء عيطنا او سرخنا او واحد من الناس طلع تكلم في محاضرة ده هيغر الوضع هناك ؟

طب ما هو كده يبقى دورك زى دورنا...مفيش تغيير نقدر نعمله ف القضيه غير الدعاء و التبرع و مقاطعه منتجات اليهود

مش مشكلة سلاح القلم لانو الاقلام جفت .
وجاوبوني اذا كان سلاح القلم جايب نتيجة لية مجابهاش في 62 سنة او اكتر يلي فاتت .
وما تغيرش حاجة؟

برضو ممكن حل معقول
بس مش هتقدر تقلطع كل حاجة زي الدوا مثلا

بيتهيالى ان ده اللى كل الناس بتعمله سواء تبرع او دعاء 00
ايه الجديد يعنى ؟؟

مش عارف...و لو قعدنا نتكلم ف التاريخ بقى....ليه عرفات الله يرحمه مثلا رفض معاهده كامب ديفيد اواخر السبعينات و اللى كانت بتمنح 40% من الاراضى لشعب فلسطين؟؟؟
عموما ده موضوع كبير و بيتهيالى انا قلت المفيد فيه قبل كده عشان بزهق من تكرار الكلام

بص اقرا التاريخ اكويس كانت فكرة السادات كويسة بس المشكلة من يعلق الجرس

يا دكتور انا بقولك الرسول كان عنده شاعر وفضل ينظم الشعر لحد ما مات
لو كان في اي حاجةة سلبية مكنش الرسول عملها
وبعد افعال الرسول المفروض منسمعش كلام بشر خلاص

ومقلتش ان الشعر لوحده يقدر يحل المشكلة
بس برده منقدرش ننكر دوره
رب كلمة توقذ نفسا
وممكن بيت شعر يساهم في نشر القضية وفي ايقاظ الوعي

انا ما قلت سلبي ولا ايجابي انتا يلي قلت بس القضية منتشرة والوعي منتشر انا قلت مش غلط بس مش هيغير حاجة هنروح نتبرع او ندعي في الاخير