المرحلة القادمة

من طرف Mostafa ElShirbeny الأحد فبراير 13, 2011 5:14 pm

بسم الله الرحمن الرحيم

دلوقتى اكبر فرصة بلدنا ممكن تستفيد بيها من خبرات علمائنا الكتير جدا و اساتذة الجامعات ف اوروبا و امريكا

السؤال ايه الدور اللى شايفه لناس زى
د.احمد زويل
د.فاروق الباز
د.محمد غنيم
علمائنا الكتير فى وكالة ناسا
و ناس كتير منعرفهاش للاسف

ازاى نقدر نستفيد من الناس دى و هل ممكن يتولوا وزارات كالتعليم العالى و الصحة و البحث العلمى و ما الى ذلك مع الرئيس القادم ان شاء الله
و من تتمنى ان يكون الرئيس القادم

من طرف DR\HEND الأحد فبراير 13, 2011 5:54 pm

انا رايي ان احنا منعدش نقترح اسماء للرؤساء

لكن اللي نختاره يكون ع اساس البرنامج اللي هيقدمه ليناوالله طلع عسكري -مدنى-حد معروف -مغمور
ان شاء الله حتى عمو خلوصي بتاع اللب .....:D

بس اهم حاجه ان يكون فيه مجلس شعب قوي عشان يعبرعننا ويحاسبه..

ومنعتمدش في الاختيار ع تاريخ الشخصيه اكتر حاجه لانه مش شرط.....!!!!

بعدين لازم ناخد بالنا برده ان مش عشان عندنا علماء مرموقين نهاديهم بوزارات
في اعتبارات تؤخذ في الحسبان
1- ممكن يكون في مجاله مفيش منه(فله شمعه منوره)بس مش كويس في الاعمال الاداريه كوزير

مثلا زويل مش شرط يبقي وزير تعليم عالي ونخنقه بالاداره ممكن يكون مستشار للمناهج ومطور للبحث العلمي ....
2- ناخد برده في اعتبارنا ان العلماء اللي كانوا بره بقلهم كتير اخاف انهم يطبقوا علينااللي شافوه
وده طبعا اكبرخطا لاننا كثقافه لسه بنحبي
فمحتاجين توازن
3- يعنى لو عينا زويل او الباز في حاجه لازم يكون ليهم مستشارين كلاسيكين شويه لكبح الجماح

4- محمد غنيم اتصور انه يكون وزير صحه ممتاااز

من الاخر المبدعين (يفكروا ويعرضوا افكار غيرهم)
ويعرضوا مشاريعهم لتطويرها ع الارض

مش مطلوب منهم مناصب ....مطلوب من المناصب هي اللي تسمعلهم وتنسق معاهم عشان تكون الادوار متوزعه صحومنجهضش ابداع زويل بمشاكل الحرس الجامعي
والنقاب في الامتحانات والبسله مش مطبوخه كويس في المدينه الجامعيه....الخ

من طرف نوره الأحد فبراير 13, 2011 7:26 pm

رايى الشخصى...
اولا الرئيس القادم والوزراء يكونوا مستقلين لا ينتموا لاحزاب....لانى غير مقتنعة بفكرة الاحزاب وعارفة ان كتير ممكن يعارضنى...بس ليا وجهة نظرى..
ثانيا الاسماء المطروحة وغيرها من اللى مانعرفهموش اللى خيرهم للعالم لللاسف مش لمصر ..حان وقت استغلالهم لنهضة البلد ....
د. احمد زويل رؤيته وافكاره رائعة تنهض باى بلد فما بالكم مصر بصراحة انا معجبة رؤيته جدا...اظن ان يعرف مجموعة رائعة معاه لتقدم البلد...وانا معاه تماما ان بالعلم تتقدم الامم...
والبلد اللى جابت احمد زويل والباز ومصطفى السيد والنشائى وغيرهم كتير فيها اكتر مش مستغلين .....
بصراحة ان مش عارفة لحد دلوقتى لانى محتارة مين اللى مفروض يمسك مصر عسكرى ولا مدنى...على العموم انا ممكن لو مدنى احمد زويل ولو عسكرى كان عمر سليمان معرفش مصيره ايه او عمرو موسى....
اتمنى من اى شخص يرشح نفسه يبقى معاه فريق العمل بتاعه ويحدد هيعمل ايه ...
وعلى اساسه هختار...
المهم دلوقتى احنا نتغير بجد... احنا لازم نتغير...الشعب اولا يبقى محترم لنفسه ودى تحتها مليون خط...محترم للاخر...

من طرف نوره الأحد فبراير 13, 2011 7:40 pm

عايزة اضيف سؤال....
من رايكم الرئيس القادم يكون موقفه ايه من معاهدة كامب ديفيد.؟؟..وكما يقال حصار مصر لغزة.؟؟..

من طرف beating heart الأحد فبراير 13, 2011 8:29 pm

كامب ديفيد بعدت إسرائيل عننا 3 سنين بفضل حب حياتى السادات
لو صح الأمر زى ماحضرتك بتقولى إحنا فى مرحلة بناء نسيبها موجودة لحد لما تبقى الرأس بالرأس
وبعدين نبدأ نفرض شروطنا
ثانيا دى مش حصار لغزة لإن حماس وإسرائيل عاوزين يخدوا جزء من سيناء للأهالى أنا شايف إن دة هروب من المشكلة يعنى أية تسيب أرضك وتروح تعيش فى بلد تانية علشان خاطر أفضيها لإسرائيل

من طرف Dr/Asmaa الإثنين فبراير 14, 2011 10:02 pm

هو انا شايفه ان كل القامات اللي زي دي لابد ان تكون اسهاماتهم بمبادرة شخصية منهم ميستنوش يتطلب منهم حاجة
واهم واحد عايزه اشوف جهوده علي ارض الواقع هو د.أحمد زويل يبقي مستشار لوزارة التعليم العالم والبحث العلمي او ينفذ مشروعه اللي كان عايز يعمله وعورض فيه كثيرا ايا كان بس اسهامه في الفترة المقبلة ضرورة
وطبعا د.محمد غنيم في الصحة ناس زي د.محمد المخزنجي د.علاء الاسواني بهاء طاهر وغيرهم في الثقافة
العلم والثقافة لو فعلو في مناخ مناسب زي اللي بيتنامي الان في مصر كفيل بانه ينقل مصر نقلة عظيمة
انا من بعد تنحي مبارك حسيت وكانه كان خانق ابداعات مصر كلها شعرت ان الزهور تطفو علي السطح فتجعل مصر ابهي واجمل
في يومين بس ليله الجمعه والسبت شوفت كمية بشر علي التليفزيون د.جلال امين ود. احمد عكاشة_ جمال الشاعر حمدي قنديل _ هيكل _الاسواني _بلال فضل _زويل وغيرهم وغيرهم توصل لعمرو حمزاوي علي القناة الاولي في تغيير يا جماعة
بجد حسيت ان مصر بخييييييييير
حسيت بجد ان الناس اللي كانو حاكمين البلد دي كانو حاكمين بلد لم يعرفو ابداااااااااا قيمتها
جهود هؤلاء وجهودنا كفيلة بتغييييييير وجه مصر للابد والله

من طرف نوره الثلاثاء فبراير 15, 2011 11:27 am

beating heart كتب:كامب ديفيد بعدت إسرائيل عننا 3 سنين بفضل حب حياتى السادات
لو صح الأمر زى ماحضرتك بتقولى إحنا فى مرحلة بناء نسيبها موجودة لحد لما تبقى الرأس بالرأس
وبعدين نبدأ نفرض شروطنا
ثانيا دى مش حصار لغزة لإن حماس وإسرائيل عاوزين يخدوا جزء من سيناء للأهالى أنا شايف إن دة هروب من المشكلة يعنى أية تسيب أرضك وتروح تعيش فى بلد تانية علشان خاطر أفضيها لإسرائيل

انا متفقة مع حضرتك....

المرحلة القادمة

المرحلة القادمة

رد: المرحلة القادمة

رد: المرحلة القادمة

رد: المرحلة القادمة

رد: المرحلة القادمة

رد: المرحلة القادمة

رد: المرحلة القادمة