مُنتدى طلاب أسنان المنصورة
مرحبا بك فى منتدى طلاب اسنان المنصورة---senanko--- نتمنى ان تستمتع معنا بوقتك و تستفيد و تفيد و اهلا بك عضوا دائما بيننا

للمشرفين ع المنتدي

استعرض الموضوع السابق استعرض الموضوع التالي اذهب الى الأسفل

فكرة للمشرفين ع المنتدي

مُساهمة من طرف Amal Anan في الأحد فبراير 13, 2011 11:09 am

بصو يا شباب
حاليا بصرف النظر عن مؤيد او معارض لمبارك والجو ده خلاص خلص
دلوقتي كل الناس بتفكر ف مصر المفرض نعمل اييييه؟؟؟؟
ناس كتييير ماتو وناس بترت اعضائهموبكده حياتهم المهنيه انتهت
كل ده له تمن مصر بقه ليها قيمه
برده بصرف النظر عن ده
احنا لازم يبقي لينا دور ف ده واكييييييييييييييد ناس كتير فيكم عندها افكار واحلام نفسها تحققها ف بلدنا الجديده دي
فاقتراحي ان يبقي في منتدي جديد اسمه مش مهم زي ما تختاروه عادي منتدي التغيير منتدي النهضه الثوره عادي
المهم
ان المنتدي دي يبقي فيه افكارنا الي هنحاول ننفذها ان شاء الله
مش مهم نكون اسره جديده نبقي تبع اي اسره المهم هنعمل ايه
الفكره عندي من زمان
وكان نفسي نعملها الاجازه الي فاتت لانها ضاعت من غير اي حاجه بس ما علينا

نفسي ان اول توبيك يبقي عن 2او3 دقايق حداد ف اول يوم دراسه مثلا الساعه 12 الاربع بحيث يبقي الطلبه خرجو م السكاشن والسكاشن الي بعدها لسه ما بداتش

تاني حاجه نفسي فيها اكيييييد طبعا ناس كتيييير اتبرعت بدمها الفتره الي فاتت وفي ناس معرفتش تنزل كان معمولها حظر تجول في بيتها زيي كده
ما علينا اقل عدد من التبرع بالدم سواء بنات او ولاد 3 مرات عاوزين نخليها فكره ثابته ونخليها ايام محدده كلنا ننزل نتبرع فيها بدمنا

وثالثا
مش كلنا بنقرا كتب باستمرار بس كلنا عندنا كتب مختلفه ف كل حاجه فممكن لو نعمل توبيك كل واحد\ قرا كتاب يدخل يقول عن اهم الفكار او المعلومات الي فيه ولو عنده اللينك بتاعه يعني

رابعا

لو حد عنده تعديلات ياريت يقولها والمنتدي ده يتعمل واحنا بحماسنا كده
احنا اليومين دول او عموما نظام كليتنا ان التيرم التاني بيبقي مشغول شويتين فياريت تبقي ع الاقل للحاجات العاديه الي مبتخدش وقت او تجهيزات للي ممكن نعمله

اخيرا
سوري لاي حد رايي ضايقه
بس يمكن عشان انا اتعودت اني اكلم ناس راييها مخالف لرايي ودا عادي بالنسبه ليا حسيت ان الناس كلها كده ممكن تسمع رايي مخالف وتتناقش من غير ما تزعل او تزعل حد منها :sorry*:

وبجد يا جماعه الحكايه دي حلم شخصي ليا من زمان ودلوقتي هي حلم كل المصريين فياريت نقدر نحققه
وسوري طوووووووووولت عليكم
لو حد عنده تعديلا

Amal Anan
عضو ذهبي
عضو ذهبي

انثى عدد المساهمات : 644
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 28/02/2010
دعـــــــــــــــــاء :

الرجوع الى أعلى الصفحة اذهب الى الأسفل

فكرة رد: للمشرفين ع المنتدي

مُساهمة من طرف Amal Anan في الأحد فبراير 13, 2011 11:16 am

احلم معااااااااااااانا
ببكره جييييييي
ولو مجااااااااش احنا نجييبه بنفسناااااااااا
نبدا نحااااااااااااااااااول ف الطريييق
كتر الخطاوي تدلنا علي حلمنا



مهما نقع نقدر نقوم نشق نتحدي الغيوووووم
نلاقي ليلنا الف يوووووم بسسسسسسسسسسسسسساحنا نحلم



انا بعشق الاغنيه دي من اول ما سمعتها وفرحت اوي ان كان في ناس كان حاساها وعايشاها زيي
يارب نعرف نعمل حاجه
ونحقق الحلم

Amal Anan
عضو ذهبي
عضو ذهبي

انثى عدد المساهمات : 644
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 28/02/2010
دعـــــــــــــــــاء :

الرجوع الى أعلى الصفحة اذهب الى الأسفل

فكرة رد: للمشرفين ع المنتدي

مُساهمة من طرف DR\HEND في الأحد فبراير 13, 2011 12:01 pm

IAM WITH YOUUUUUUUUUUUUUUUU AMAL

بالنسبه لمنتدي جديد حاسه انه موجود بالفعل بس احنا مكناش مفعلينه صح (التنميه البشريه)دي حاجه حلوه اوي وانا بحبها وممكن اشارك فيها كتيييييييربس لو عايزين الاسم يتغيراوكي عشان نتشجع وكده

والحداد تكون حاجه لطيفه اوي لو كلنا عملناه زي ما بتقولي في اول يوم الدفعه تتجمع فيه وليكن في محاضره طب عشان كل الناس تبقي موجوده

وحلوه التبرع بالدم بس فين؟ لازم يكون مضمون ..انا واحد قريبي راح مره يتبرع بالدم مااات :D
الناس اللي موجوده في الجلاء دي انا مبستريحلهاش هههههههههه بيدو كيس بست للي يتبرع (نموت من اجل البست):D:D

وبالنسبه للكتب بالفعل فيه منتدي للكتب عندنا والناس حاطه كتب حلوه بس هو محتاج حبه نشاط عايزين حد يكون بيحب القرايه ويفيدنا وفي ناس هنا كتير كده .......

تعديلات بقي اه والله نفسي منتدي المطبخ وكلام البنات ده يتشال :D
ملوش لزمه خاااااااالص هههههههههههههههه مش لازم الفضايح :D

ممكن يبقي فيه منتدي فنى بداله للتراث والكلاسيكيات لانهاجزء مننا شكل وجدانا وممكن كمان ننقد فيه اي عمل سينمائي بموضوعيه شديده في ناس بجد جامده ولها تاريخ رائع ورساله ساميه بس مغمورين .....
زماان ولسه لحد دلوقتى(زي حسن اتله -محمد احمد المصري -عمر فرحات -الخواجه بيجو-استيفان روستى
-محمودفرج -سعيدابوبكر................)كتيراوي ولهم فينا نصيب

او لو دي مش لاقيه شعبيه او فضول فممكن نعوضه بمنتدي للتاريخ شخصيات تاريخيه (عالميه -اسلاميه-00)
ودي حاجه مفيده اوي ومش بس شخصيات كمان افكار
يعنى نحاول نعرف مع بعض افكار هدمت امم وبنت اخري
(شيوعيه -ماركسيه-راسماليه-علمانيه-اشتراكيه......)

وعندنا هنا في المنتدي التكنولوجيا والبرماجيات والجرافيك لها منتديات كتير ممكن تتحط في واحد بس
والموبايلات كمان ليه ليها منتدي.....:D

بدل بقينا كلنا بنفهم سياسه ومعدناش هنهمل بلدنا نحط منتدي للنقاش السياسي في اي تطور البلد توصله ونتعلم مهاره ازاي نناقش بعض ........(فاهمين)ههههههههههههه

- ممكن برده يبقي عندنا منتدي للنشاط الاجتماعي بس مش زي (فرج الخروف...:D)زي يوم اليتيم
بس ع الاقل يكون في نشاط نعمله مره كل شهرعشان نحس ان في روح وتعاون وحاجه مفيده كل واحد يبقي مراسل في منطقته ...... ويعرض مشكله زي الزباله لو في يوم مثلا اتفقنا نلم الزباله اللي في المنصوره كلها ......(واسعه شويه ..صح)
انا عن نفسي مره عملتها وانا في الاعدادي اعدت الم الزباله اللي في المدرسه كلها في الفسحه لوحدي لقيت العيال كلها بتلم معايا اتكسفت جدااا رحت راميه اللي لميته ع الارض تاني وجريت....:D

- كمان محو الاميه بس انا معنديش اليه ان ازاي نقدر نساعد مثلا فيها كطلبه جامعيين :beautiful*:
اممممممممم هفكر في حاجات تانيه وابقي اقولهااا

DR\HEND
عضو ماسى
عضو  ماسى

انثى عدد المساهمات : 801
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 15/02/2010
دعـــــــــــــــــاء : gggggggggggggggggggggggggggggggggggggg

الرجوع الى أعلى الصفحة اذهب الى الأسفل

فكرة رد: للمشرفين ع المنتدي

مُساهمة من طرف beating heart في الأحد فبراير 13, 2011 1:04 pm

حضرتك الكلام دة أنا كتبتة وممكن تسألى مصطفى الشربينى قبل نتيجة أولى لما عرضت عليهم فكرة التغيير
وغيروا الشكل القديم بتاع المنتدى بس
وكتبت موضوعات وموضوعات عن الكتب وغيرها وفى الأخر لاحياة لمن تنادى فبطلت أتكلم كتير حولت أعمل الفكرة إنى أرفع كتاب بس ملقيتش إهتمام أوى

بس أنا مبصوط علشان فية ناس رجعت تفكر تفكيرى من البداية
ووممكن حضرتك تدورى على الموضوعات القديمة هتلاقى فيها الكلام
واى حاجة انا معاكوا بس نلاقى همة

beating heart
عضو ذهبي
عضو ذهبي

ذكر عدد المساهمات : 714
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 31/10/2009
دعـــــــــــــــــاء : لا إلة إلااللة

الرجوع الى أعلى الصفحة اذهب الى الأسفل

فكرة رد: للمشرفين ع المنتدي

مُساهمة من طرف same7 في الأحد فبراير 13, 2011 3:13 pm

طبعا افكار جديدة وجميلة .....

لأن المنتدى بصراحة بقى كهنة .

بس فيها بعض الحاجات صعب تحقيقها شوية .

حكاية الكتب ونكتب المضمون والرابط إن أمكن رائعة...

.. شاهين.... ههههههههه...

تسلم أفكارك يا دكتورة


same7
عضو ماسى
عضو  ماسى

ذكر عدد المساهمات : 934
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 29/12/2008
دعـــــــــــــــــاء :

الرجوع الى أعلى الصفحة اذهب الى الأسفل

فكرة رد: للمشرفين ع المنتدي

مُساهمة من طرف Mostafa ElShirbeny في الأحد فبراير 13, 2011 5:07 pm

2او3 دقايق حداد ف اول يوم دراسه
انا لسه كنت بفكر ف كده النهارده
و المفروض ده يتعمل ف مدارس و جامعات مصر كلها

وممكن تسألى مصطفى الشربينى
للتوضيح
انا سايب الادارة من شهر يوليو اللى فات

Mostafa ElShirbeny
Master
Master

ذكر عدد المساهمات : 7349
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 23/11/2008
دعـــــــــــــــــاء : اللهم اغفر لنا و ارحمنا انك أنت التواب الرحيم

http://www.senanko.own0.com

الرجوع الى أعلى الصفحة اذهب الى الأسفل

فكرة رد: للمشرفين ع المنتدي

مُساهمة من طرف roma في الأحد فبراير 13, 2011 5:36 pm

افكار حلوة جدااااا وياريت ال مسؤل عن الادارة الوقتى ينفز فيها
باستثناء كلام قالته هند
كلام البنات ده احنا بنستفاد منه كتير والله
وبعدين لو جيتى تبصي لحجات ف المنتدى هتلاقيها ملهاش لازمه عندبعضنا والبعض الاخر لا مهمه بالنسباله

فعاوزين تجددو اوكى انما تحزفو دى ياريت لا
وكمان فكرت منتدى النشاط الاجتماعى ده عجباااااااااانى جدا
لانى كنت بعملها واناصغيره
كنا فعلا بنلم ونكنس الزباله من شارعنا والشوارع ال جنبنا وعملنا جمعيه واشترينا بحقها مقشه واكياس سمره وكنا ننكس الشوارع ونلمها ف الاكياس ونروح نرميها

انامتحمسه جدا لكل ده وياريت تبقي ف حياتنا كلها مش مقصورة علي كليتى وكليتك وبس
ويوم اليتيم دى من مميزات المنتدى لانه بيحتفل بيه فعلاكل سنه

والباقي اناموافقه عليه اوى ومعاكو فيه ان شاء الله
بالتوفيق ان شاء الله



roma
Super Professional

انثى عدد المساهمات : 5631
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 28/08/2009
دعـــــــــــــــــاء :

الرجوع الى أعلى الصفحة اذهب الى الأسفل

فكرة رد: للمشرفين ع المنتدي

مُساهمة من طرف نوره في الأحد فبراير 13, 2011 7:08 pm

جميلة اوى الفكرة يا امل...واظن فعلا ان كل واحد فينا لازم يتغير علشان البلد دى عظيمة اوى يمكن ماحسيناش بقيمتها الا فى الاحداث الاخيرة...
حتى علشان دم الشهداء اللى ماتوا علشانا احنا نعيش انسان بجد وليس شىء اخر...
رجاء قراءة الفاتحة على ارواح الشهداء ....ربنا يرحمهم....

نوره
عضو ذهبي
عضو ذهبي

عدد المساهمات : 660
تاريخ التسجيل : 13/01/2009
دعـــــــــــــــــاء :

الرجوع الى أعلى الصفحة اذهب الى الأسفل

فكرة رد: للمشرفين ع المنتدي

مُساهمة من طرف Amal Anan في الإثنين فبراير 14, 2011 7:24 pm

ميرسي يا جماعه
اولا بالنسبه للتبرع بالدم في عربيات اسعاف بتبقي جوه الجامه تبع مستشفيات معينه او بنك الدم انا لسه متبرعه من حوالي 3 شهور متخافيش

بالنسبه للحداد انا قولت كده عشان الكليه كلها تشارك فيه وتبقي تحت مش ف مدرج معين



وبعدين يا جماعه عادي فكره قديمه جديده المهم انها موجوده والكل يشارك بافكاره ومجهوده

وانا سمعت افكار كتير من ايام صناع الحياه والاسر بتاعه صيدله ورساله



ما علينا بصو يا جماعه انا عندي اقتراح ياااااااريت يعجبكم
من رايي بدل ما نعمله ع المنتدي معدش في ناس كتير بتدخل عليه وهو مقتصر علي كليتنا او دفعتنا نوعا ما
فيا ريت يا جماعه لو نعمل جروب ع الفيس والي عاوز يعمل دعوه لاصحابه هتبقي من كليتنا او بره هتبقي اسهل

ياريت الفكره تعجبكم والي يعمل جروب يقول علي اسمه واحنا كلنا معاكم
ويارب نعرف نعمل حاجه
وميرسي لكل الاراااااااااء

Amal Anan
عضو ذهبي
عضو ذهبي

انثى عدد المساهمات : 644
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 28/02/2010
دعـــــــــــــــــاء :

الرجوع الى أعلى الصفحة اذهب الى الأسفل

فكرة رد: للمشرفين ع المنتدي

مُساهمة من طرف Busicat في الإثنين فبراير 14, 2011 9:18 pm

فكرة حلوة والله ياامل

Busicat
Professional

انثى عدد المساهمات : 3209
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 30/01/2010
دعـــــــــــــــــاء :

الرجوع الى أعلى الصفحة اذهب الى الأسفل

فكرة رد: للمشرفين ع المنتدي

مُساهمة من طرف Amal Anan في الإثنين فبراير 14, 2011 10:19 pm

ميرسي يا ايه بس يارب ننفذها

Amal Anan
عضو ذهبي
عضو ذهبي

انثى عدد المساهمات : 644
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 28/02/2010
دعـــــــــــــــــاء :

الرجوع الى أعلى الصفحة اذهب الى الأسفل

فكرة رد: للمشرفين ع المنتدي

مُساهمة من طرف same7 في الثلاثاء فبراير 15, 2011 4:44 pm

هو بالفعل فيه جروبات ع
الفيس تبع دكاترة زمايلنا:





بصوت حريتنا هنغير طب أسنان المنصورة ( خاص بالكلية )

يالا نقف مع بعض ضد اللي عايزين ينهشوا في مصر( سياسي )

ورقة وقلم ( أدبي )


منتدى طلاب أولى أسنان المنصورة تبع المنتدى

same7
عضو ماسى
عضو  ماسى

ذكر عدد المساهمات : 934
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 29/12/2008
دعـــــــــــــــــاء :

الرجوع الى أعلى الصفحة اذهب الى الأسفل

فكرة رد: للمشرفين ع المنتدي

مُساهمة من طرف same7 في الثلاثاء فبراير 15, 2011 4:48 pm

اضغط على اسم الجروب لتصفحه

same7
عضو ماسى
عضو  ماسى

ذكر عدد المساهمات : 934
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 29/12/2008
دعـــــــــــــــــاء :

الرجوع الى أعلى الصفحة اذهب الى الأسفل

فكرة رد: للمشرفين ع المنتدي

مُساهمة من طرف Amal Anan في الثلاثاء فبراير 15, 2011 11:27 pm

خلاص اوك نحدد واحد منهم ننزل عليه نبدا بعرض الافكار والي ينفع يتنفذ منها دلوقتي ننفذه

Amal Anan
عضو ذهبي
عضو ذهبي

انثى عدد المساهمات : 644
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 28/02/2010
دعـــــــــــــــــاء :

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى