(( في حضن الليل ))

من طرف dr_khaled الأحد يناير 16, 2011 7:14 am

في حضن الليل
سهرانة بتتأمّل

دفيانة وبردانة
بتتألم وتتخيّل
اللي فاتها ...
مع مين لما الليل يليّل ؟
وردة وسهرانة ..
وازاي الوردة تتحمّل ؟!
جفا سنين وسنين
ولسة تشوفني وتتكلم
وأتكلم ..

وأسكت .... وبتكمّل

لساها تناجيني
ولو مش برد
وفـــ كلامها بتطوّل

وردة وجابتلي يجي ميت وردة
وبإيديّا الورد يدبل
ازاي يزول الحب
وهي وردة ...
وازاي هتتحوّل !

قلبها .. ومحبش إلا واحد
ولا يمكن قلبها أكتر يساعي
يا أم القلب أبيض وواعي
لملمي جراحك متعاتبـيـش

العتاب ملوش داعي ..
أنا الغلطان وأنا الجاني
ومش هتجمّل ...

أنا ال بكل الغلط متحمّل

وأنا اللي خنتك ما خنتيني
وسبتك ما سبتيني
مكنتش نفسي وانتي كنـتيني !
وفضلتي تقولي نور عيني
وانا ف حضن غيرك متنعّم

وانتي اللي جتيني
ضميتي قلبي
لما كان قلبي ..
بين قلوب العاشقين بيتسوّل

بخاف
لما تمسكي فرشة وترسمي
بخاف ترسمي جفايا
رسمة بتتنهّد

أو ترسمي جرح جواكي
يوم ورا يوم بيتوغّل

وأخاف تبكي
يـرسم الدمع لوحتك
اللوحة تبقى صعبة ..
لما بالدمع تـتـشكّل

أخاف عليكي منك ومني
أخاف من همك وهمي ...
أخاف البعد يتأصّل

أخاف لما انجرح
وأقولك "يا أنا"
ميكونش ردِك الأوِّل

أخاف أهدي الوردة وردة
وأغنيلها ...
ولا تتقبّل

جايلك قبلها ...
بقصيدة باسمك ...
ومليون بحبك
وبرده .... قليّل