إبراهيم عيسى يكتب: الإجابة تونس ..!

من طرف Eman Iran السبت يناير 15, 2011 11:37 am

شكرا للشعب التونسي العظيم فقد أثبت للعالم كله أن الشعوب العربية لم تمت

أثبت أن الشعوب العربية لم تفقد النخوة ولا الكرامة ولا الكبرياء

أثبت للحكام القتلة الذين استباحوا دماء شعوبهم فيقتلون معارضين ومناهضين بأحكام قضائهم غير النزيه ويقهرون بقوانين الطوارئ أبناء الأمة ويعذبون مواطنيهم في أقسام الشرطة والسجون ويزورون الانتخابات ويمددون فى حكمهم مدى الحياة ويسعون لتوريث عروشهم لأبنائهم وأبناء زوجاتهم، أثبت لهم أنهم أضعف من جناح ذبابة رغم طغيانهم واستبدادهم!

لا زين العابدين ولا مبارك ولا البشير ولا بوتفليقة ولا القذافى ولا صالح يقدمون أى شيئ لأوطانهم وبلادهم إلا طغيان حكوماتهم وبقوانين الطوارئ وجحافل الأمن المركزى وبالبوليس وامن الدولة وتزوير الانتخابات

لا أحد يريدهم ولا يحبهم ولا يؤيدهم

بل أى ضمير مواطن عربى فى أى دولة من هذه الدول والدليل تونس والمثل تونس والنموذج تونس يرفض رئيسه الطاغية الأبدى المتشبث بالحكم المتمسك بالكرسى الملزوق على المقعد والذى يحكم بلاعدل أو عدالة ولا قانون ولا حرية

أثبت الشعب التونسى ان الشعوب العربية مستعدة فى لحظة كى تنفجر بالغضب كى تنطلق بالحمم كى تهب بالثورة كى تنتفض بالتغيير، لا صمتها رضا ولا سكوتها خضوع ولا هدوؤها استسلام

أثبت الشعب التونسى للأمريكان ولأمريكا أن حكامها المستبدين الفسدة الذين وضعتهم علي مقاعد الحكم في الجمهوريات العربية لن يحموا مصالحها للأبد وأن مصيرهم مثل شاه إيران حتى لو طال بقاؤهم حتى لو اشتغلوا خدامين لأمريكا وإسرائيل ومتآمرين على العروبة والمقاومة!

أمريكا لن تحمى هؤلاء الجالسين الماكثين الكابسين على الحكم فى الدول العربية ولن تستطيع لا حمايتهم ولا حماية مصالحها من غضبة شعب يرفض الاستبداد ويضج بالديكتاتورية!

أثبت الشعب التونسى أن أحزاب المعارضة التى يشكلها الرئيس التونسى أو المصرى أو الجزائرى أو السورى ويربيها فى الجنينة داخل بيته يأمرها كالكلاب التعسة والقطط الأليفة أن ترقص تحت قدميه فترقص لن تخدمه ولن تسانده ولن تحميه ولن تقف معه ولن تدافع عنه بل سيدوسها المعارضون الحقيقيون والمحتجون الصادقون بالأحذية حين يدوسون الطغيان وأعوانه والطغيان وعرائسه الخشبية

أثبت الشعب التونسى أن التيارات الإسلامية فى الدول العربية أكثر عجزا من أن تقف إلى جانب الشعب وأنها مجرد وهم كبير يستخدمه كل حاكم مستبد كى يفزع حكام وحكومات الغرب وساعة الحقيقة لا سلفيين ولا اخوان ولا جماعات بل هم فرق حلقية مغلقة لا تتصل بغير أعضائها ولا تعرف التواصل والاتصال بالناس بل كل مطالبها التى ترفعها هى مطالب ذات شعارات دينية لا علاقة لها بواقع الاضطهاد السياسى والاقتصادي!

أثبت الشعب التونسى أن الغرب منافق وآفاق واستعمارى لا تهمه دماء العشرات المراقة فى شوارع تونس بينما ينتفض من أجل جرح اصبع معارض فى إيران، لا يهتز أمام تزوير فاجر للانتخابات فى مصر بينما يدين اتهامات بالتلاعب فى انتخابات ايران، يتواطأ مع خدامى واشنطن وباريس وتل أبيب ضد شعوبهم بل يتجاوزون عن جنون تصريحات مواقف الرئيس السودانى لأنه منحهم انفصالا يريدونه لدولة جنوبية

أثبت الشعب التونسى ان التغيير قادم ليكتسح الوطن العربى ويكسح طغاة واشنطن وإسرائيل فى الجمهوريات العربية!

من طرف Mostafa ElShirbeny السبت يناير 15, 2011 12:14 pm

بس انا مش عايز التغيير يبقى بالشكل اللى حصل ف تونس
العيب فى العقلية العربية مش ف اى حاجة تانية..نفسى اشوف حد يمسك مسؤولية حتى لو بسيطة و يقدم حاجة و يسيب مكان للى بعده
انما العرب مشكلتهم مبيحبوش كلمة (سابق) اصلها عيبه ف حقهم
و لو بصينا لاطول حكام ف التاريخ هتلاقى ان كلهم عرب باستثناء فيدل كاسترو
ربنا يهدى .. و فترة ما بعد مبارك هتبقى ازمة سياسية و فجوة دبلوماسية و مكن يتكرر فيها اللى حصل ف تونس
اما دلوقتى معتقدش و اللى ع الفيس يقولك هننزل يوم 25 و نعمل زى تونس..عاملين زى الاطفال فرحانين بلعبة جديدة و عايزين يقلدوا..النغيير ما بيجيش كده..التغيير تخطيط و تحالف و اهم حاجة تضامن الجيش لان من غير الجيش احنا = صفر
شكرا يا ايمان

من طرف نوره السبت يناير 15, 2011 1:45 pm

[أثبت الشعب التونسى ان الشعوب العربية مستعدة فى لحظة كى تنفجر بالغضب كى تنطلق بالحمم كى تهب بالثورة كى تنتفض بالتغيير، لا صمتها رضا ولا سكوتها خضوع ولا هدوؤها استسلامcolor=black][b
]اخر ضيق البركان انفجار واللى حصل فى تونس فكرنى بثورة 23 يوليو مع اختلاف التنظيم ان الجيش كان صاحب الثورة....بس اللى حصل فى تونس سلاح ذو حدين من ناحية عبروا عن غضبهم ووصلوا للى هم عايزينوا بمساعدة الجيش بعد مالبلد خربت وكل الهمج طلعوا ولو تعرفى دلوقتى الناس فى تونس اشتروا اسلحة علشان يدافعوا عن بيوتهم واهلهم .....للاسف تونس دلوقتى عاملة زى العراق البلد بتتسرق....
ونفسى نعرف حاجة ان الغرب مش عايزين غير الخراب لبلادنا العربية والدليل ان ساركوزى رفض استقبال الرئيس التونسى واللى استقبله السعودية...
اخيرا ماتمناش اللى حصل فى تونس يحصل عندنا الا بنظام مايضرش البلد خالص وما يعرضناش لخطر زيادة على الاخطار اللى حوالينا...كفاية اللى بيحصل فى السودان ودول حوض النيل وفلسطين واللى بيحصل فى مصر من جوه.....
الشعوب العربية مقبلة على ثورة محدش يعرف نهايتها غير ربنا...[/b][/color]

من طرف beating heart الأربعاء يناير 19, 2011 3:49 pm

Mostafa ElShirbeny كتب:بس انا مش عايز التغيير يبقى بالشكل اللى حصل ف تونس
العيب فى العقلية العربية مش ف اى حاجة تانية..نفسى اشوف حد يمسك مسؤولية حتى لو بسيطة و يقدم حاجة و يسيب مكان للى بعده
انما العرب مشكلتهم مبيحبوش كلمة (سابق) اصلها عيبه ف حقهم
و لو بصينا لاطول حكام ف التاريخ هتلاقى ان كلهم عرب باستثناء فيدل كاسترو
ربنا يهدى .. و فترة ما بعد مبارك هتبقى ازمة سياسية و فجوة دبلوماسية و مكن يتكرر فيها اللى حصل ف تونس
اما دلوقتى معتقدش و اللى ع الفيس يقولك هننزل يوم 25 و نعمل زى تونس..عاملين زى الاطفال فرحانين بلعبة جديدة و عايزين يقلدوا..النغيير ما بيجيش كده..التغيير تخطيط و تحالف و اهم حاجة تضامن الجيش لان من غير الجيش احنا = صفر
شكرا يا ايمان

حلاوتك يامصطفى هو دة رأيى تماما
بس أنا عاوز أقول إن دوام الحال من المحال والناس اللى قاعدة دى هتمشى وهيجى اليوم اللى إحنا ممكن نبقى فية مكانهم
ياريت من دلوقتى إحنا نبقى كويسين
إنما الإنقلابات والكلام الفاضى دة لايغنى ولايسمن من جوع إذا كنا إحنا وحشين أصلا وهو مش هيعمل حاجة إلا إنة هيبدل ظلم بظلم

وربنا يستر علينا
وبتفق معاك أهوة ياعم يالا

من طرف doctor1992 الأربعاء يناير 19, 2011 9:22 pm

هى بصراحه حاجه كويسه فى ان الناس تفوق شويه من سباتها ويكون لها موقف مره بقى من النظام اللى اتعودنا حد يحط لنا حاجه ونمشى عليها بدون نقاش لكن طبعا مش معنى ان يكون ليا موقف انه يكون بشكل همجى وانى اخرب ف بلدى طبعا ده مش سليم ومش منظر وطبعا هما كده بيفرحوا الغرب فينا اكتر مش العكس ومش معنى ان تونس عملت كده مصر هى كمان تعمل كده والدول العربيه كلها تتقلب فوضى اللى بيفكر صح يبدا الحاجه من نفسهويمشى بنظام لو كان هدفه يوصل لنتيجه لكن اللى بيحصل ده تخريب وكله هيطلع عليهم الرسول عليه الصلاة والسلام قال "لا يكن أحدكم إمعة يقول: إذا أحسن الناس أحسنت، وإذا أساؤوا أسأت. ولكن وطِّنوا أنفسكم فإن أحسن الناس أحسنوا، وإن أساؤوا فلا تظلموا"
شكرا ياايمى

إبراهيم عيسى يكتب: الإجابة تونس ..!

إبراهيم عيسى يكتب: الإجابة تونس ..!

رد: إبراهيم عيسى يكتب: الإجابة تونس ..!

رد: إبراهيم عيسى يكتب: الإجابة تونس ..!

رد: إبراهيم عيسى يكتب: الإجابة تونس ..!

رد: إبراهيم عيسى يكتب: الإجابة تونس ..!