دي بسيطة . رغم وجود الإختلاف

من طرف same7 الخميس يناير 06, 2011 7:36 pm

تعرف تقول لي يعني إيه وطن ودين ؟

دي بسيطة

سهلة خالص

بره منطوق الخلاف

دي بسيطة اني اقولك ...

اني مسلم أو مسيحي

ابن عربي ابن وطني

والجواب شفاف ؟

دي بسيطة رغم وجود الإختلاف ؟

وطن .. أمان ....

ساعة زمان وقت المصيبة

الكل واقف أسد شجاع

مش خواف؟

رغم الفساد ؟؟""

رغم الفساد .

رغم الجريمة رغم العذاب رغم الإهانة

. رغم أزمة الديون رغم تموين بالكوبون

.... من كل شكل وكل لون

الكل واقف في التفاف .

قالوا عنكم انتم ضيوف ؟؟

راي واحد مش جماعة

.. ولأجل ما يسود الفراق

.. قامت الدنيا ساعتها ..

وقالوا فتنة واختلاف ؟؟

طب كاميليا ...؟؟؟

طب قولي انت

.. ايه ذنب العوام ... ؟

طب وفين دور الحكومة .......؟؟

اقولك ... نيلنا طول ما يجري في دمانا عمر ما يصبنا الجفاف .

وطب تفجير الكنيسة ؟؟

قصدك تفجير السلام ....؟؟؟

مات مسيحي ومات مسلم

.... مين جوه دايرة الإتهام ؟؟ ...

لا يمكن يكون مسلم أكيد

... لأن تفجير السلام ..

مش من نصوص الإسلام ؟؟

....................................................................... لحظة صفا