مُنتدى طلاب أسنان المنصورة
مرحبا بك فى منتدى طلاب اسنان المنصورة---senanko--- نتمنى ان تستمتع معنا بوقتك و تستفيد و تفيد و اهلا بك عضوا دائما بيننا

حذرنا الكبار - واحنا لسه عيال - من خطورة ان نصبح (عيال صايعة)!

استعرض الموضوع السابق استعرض الموضوع التالي اذهب الى الأسفل

default حذرنا الكبار - واحنا لسه عيال - من خطورة ان نصبح (عيال صايعة)!

مُساهمة من طرف Eman Iran في الأحد ديسمبر 26, 2010 9:26 pm

حذرنا الكبار - واحنا لسه عيال - من خطورة ان نصبح (عيال صايعة)، فعندما تتأخر فى العودة إلى المنزل بعد المدرسة يتم إستقبالك بسؤال (كنت فين يا صايع لحد دلوقتى)، و عندما يكون الزرار العلوى للقميص مفتوحا (ماتفتحش صدرك زى العيال الصايعة)، و كان هناك ارتباطا وثيقا بين الصياعة و التدخين و الوقوف على النواصى و معاكسة البنات ووضع الايدى فى الجيوب أثناء الكلام مع الأب و شرب القهوة ومتابعة المشاهد الساخنة فى الافلام والكلام فى التليفون بالساعات و الرد على الكبار بأسلوب غير مهذب و التزويغ من المدرسة والرسوب فى نهاية العام و ارتداء القميص على اللحم.

وكان لقب (صايع) لقبا مخيفا نهرب منه (وهو الواحد ايه غير سمعة و شوية حاجات فوق بعض)، و كنا نحرص على الإبتعاد عن اى شخص يحمل لقب (صايع) علشان الواحد (مايتشبهش).

ولكن بمرور الوقت حدثت طفرة، لم تعد كلمة صايع شتيمة، بل أصبحت وساما يضعه الآخرون على صدر كل من يحوز إعجابهم،ولم يعد الصايع هو الشخص (اللى مش متربى قليل الأدب اللى بيسقط دايما و قاعد طول النهار على النت و بيعلى صوته على أهله و بيسرق فلوس من ورا أهله علشان يجيب بيها سجاير)، هذا الشخص مابقاش إسمه (صايع) بقى إسمه (مغفل).
واصبح الشخص الصايع هو الشخص الناجح القادر على إثارة إعجاب الناس من حوله، الشخص القادر على إنتزاع تصفيقهم، و اصبح (الصايع) هو النموذج و القدوة والمثل الأعلى أحيانا.

ولقب (صايع) لم يعد ايضا مقصورا على الاشخاص فقط، فهناك اشياء كثيرة ممكن تقول عليها صايعة،
جهاز الموبايل اللى فيه كل الإمكانيات اللى محتاجها واللى بتحلم بيها..يبقى موبايل صايع.
ممكن تلاقى جون (صايع) عبارة عن جملة بين 3 لاعبين سريعة ورشيقة وغير متوقعة.
ممكن تلاقى بوستر لألبوم لمطرب متصمم بطريقة صايعة و محطوط فى حتة صايعة ، ممكن تشوف فيلم نهايته غير متوقعة ولم تمر فى خيالك تبقى نهاية صايعة والسيناريست اللى كتب الفيلم سيناريست صايع.
وممكن تلاقى بلد يتقال عليها (بلد صايعة) زى الصين اللى قدرت إنها تخترق مصر بمنتاجاتها و يبقالها فى كل بيت مصرى 20 منتج على الأقل، وبالتالى يمكنك أن تقول أن (الصينين دول صايعين قوى).

لم يعد لقب صايع مزعجا مثل لقب (عنده إيدز)، ولكن صايع أصبحت وسام شرف مساو فى قوته لوسام ال(iso 9001) ، ولا أعرف ماذا حدث بالضبط و غير سمعة الكلمة 180 درجة..غالبا هيا دى الصياعة!

.............................................


أستطيع الآن - و أنا ضميرى مستريح - أن أشجعك على أن تكون (صايع) بالمعنى الجديد للكلمة...
للصياعة بمفهومها الجديد آدابا يجب الإلتزام بها حتى تستحق اللقب:

1- الصايع عمره ما يقول على نفسه أنا صايع، عمرك شفت واحد ذكى ماشى يقول للناس(أنا ذكى يا جماعة)؟

2- الصايع يكره الفهلوة، لإن الفهلوة سرقة و مجرد إستغفال للناس ، الصايع يحترم ذكاء الآخرين.

3- الصياعة تعتمد على الثقافة العامة فى كل المجالات، يكفيك أن تعرف (حاجة عن كل حاجة).

4- الحظ قد يقودك إلى القمة، و الصياعة أن تحافظ عليها.

5- الصياعة إن بالك يبقى طويل ، وماتبدأش بالغلط، وماتردش على اللى بيستفزك ، و إنك تسامح الشخص اللى تقدر تنتقم منه بسهولة.

6- الصياعة إنك ماتكررش نفس الغلطة مرتين.

7- الصياعة إنك تدى كل واحد حقه ، وتعرف قيمة اللى قدامك بالضبط.



لــ عمر طاهر

Eman Iran
V.I.P
V.I.P

انثى عدد المساهمات : 2277
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 27/11/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: حذرنا الكبار - واحنا لسه عيال - من خطورة ان نصبح (عيال صايعة)!

مُساهمة من طرف beating heart في الأحد ديسمبر 26, 2010 9:41 pm

ههههههههههههههههه
فعلا هى كلمة صايع بقى معنالها كدة
جميل اوى الموضوع خصوصا هدفة
تسلمى

beating heart
عضو ذهبي
عضو ذهبي

ذكر عدد المساهمات : 714
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 31/10/2009
دعـــــــــــــــــاء : لا إلة إلااللة

الرجوع الى أعلى الصفحة اذهب الى الأسفل

default رد: حذرنا الكبار - واحنا لسه عيال - من خطورة ان نصبح (عيال صايعة)!

مُساهمة من طرف Eman Iran في الأحد ديسمبر 26, 2010 10:24 pm

l mwdo3 mt3aleg b tre2a zarefa f3ln :D

thnxx

Eman Iran
V.I.P
V.I.P

انثى عدد المساهمات : 2277
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 27/11/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: حذرنا الكبار - واحنا لسه عيال - من خطورة ان نصبح (عيال صايعة)!

مُساهمة من طرف dezner في الأحد ديسمبر 26, 2010 11:29 pm

طريقة عرضه صايعة اوى

هههههههههههههههه

موشق وجميل جدا ومغزاه رائع

تسلم يمينك

___________________ توقيع سنانكو ___________________



إلى متى عيوننا تصاب بالحول .... وإلى متى نظل نمتطي أوهامنا ونركب الحيل .....إلى متى نظل أمة تصدق المثل..... لا يستحق النصر إلا من بذل .... و من يرفع للإسلام راية لا يعرف الكلل ..... ومن يكن منتصرا بالله لا يذل

dezner
Master
Master

ذكر عدد المساهمات : 9763
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 25/11/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: حذرنا الكبار - واحنا لسه عيال - من خطورة ان نصبح (عيال صايعة)!

مُساهمة من طرف Amal Anan في الإثنين ديسمبر 27, 2010 2:58 pm

علي كده بقي واحنا بنصلي نقول يارب اجعلنا م الصايعين
متخافيش يا ايمان هدعيلك معايا
يارب ياختي يارب
ههههههههههههههه

Amal Anan
عضو ذهبي
عضو ذهبي

انثى عدد المساهمات : 644
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 28/02/2010
دعـــــــــــــــــاء :

الرجوع الى أعلى الصفحة اذهب الى الأسفل

default رد: حذرنا الكبار - واحنا لسه عيال - من خطورة ان نصبح (عيال صايعة)!

مُساهمة من طرف جاسوس من تجارة في الإثنين ديسمبر 27, 2010 4:42 pm

موضوع جميل فعلا

وانا قد تنطبق عليا بنود الصياعه ماعدا بند
- الصياعة إنك ماتكررش نفس الغلطة مرتين.

وانا فعلا كررتها بمعرفتي بناس وباعوني في سبيل حاجه تانيه ولما الحاجه التانيه دي راحت منهم طلبوا السماح وسامحتهم ورجعولي وبعدوا تاني المفروض كنت ارفض رجعوهم ليا من الاول لانهم اشخاص هوائيه تبيع اي حد في سبيل اي حد تاني

بس عادي محدش بيتعلم ببلاش

جاسوس من تجارة
V.I.P
V.I.P

ذكر عدد المساهمات : 1952
العمر : 27
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 04/12/2008
دعـــــــــــــــــاء :

http://www.friends2gether.hooxs.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى