حوار مع مرعى

بما انا خلصنا امتحاناتوالنتيجة طلعت
والاحداث العصيبة اللى مرت بينا دى
والحمد لله على كل حاجة
والف مبروك للنجح وقدر الله وماشاء فعل لكل اللى حصله اى حاجة

بس تعالوا نضحك شوية على اللى حصل فينا


المشهد عباره عن مراسله صحفيه واقفه قدام لجنة امتحان فى احدى الكليات المصريه الركيكه قصدى العريقه
يخرج احد الطلاب مبكرا بعد مرور نصف الوقت

وهنا تستقبله المراسله لتحاوره الحوار التالى
شاب فى اوائل العشرينيات من عمره منكوش الشعر الابيض اللون الا قليلا يرتدى فانله حمالات خضراء اللون
يشرب سيجاره كيلوباترا

س:اسم حضرتك
ج: مرعى

اسمك ثلاثى لو سمحت
مرعى مرعى تامر

اهلا بيك يا سيد مرعى
اهلا بحضرتك

ايه اخبار الامتحان وتحب تقول ايه للساده اللى حطوا الامتحان؟
الامتحان سيادتك فى مستوى الطالب الاهبل عشان كده محدش عارف يحل حاجه
واقولهم اللهم انى صائم

يعنى الامتحان صعب؟
سيادتك دول بيعتبرونا زى اولادهم بس واضح ان اولادهم بيكرهونا

ليه بس؟
عشان اولادهم كده واضح انهم مش بيضايقوهم الا ايام الامتحانات

نتكلم شويه عن الاجواء المحيطه؟
نتكلم سيادتك انا فاضى ومعاكى للصبح

مش بيقولوا وراك امتحان بكره؟
لا ما هيا معدتش فارقه لانى نويت احسن درجاتى فى الدور التانى

اخبار الجو داخل اللجنه ايه؟
الجو جوا جهنم سيادتك بس اكيد هما قاصدين يفكرونا عشان نتوب ونرجع

بتحب الفن؟
طبعا سيادتك انا مش محبى الفنان سيد زعبله وحافظ كل اغانيه

اكتر اغنيه بتحبها؟
اغنية الكوسه الكوسه الكوسه

ودى مين بيغنيها؟!
دى اغنيه من الفلكلور وهى غناء وعزف جماعى للشعب كله


فى نهاية الحوار بنشكرك سيد مرعى
وانا بشكرك جدا


ملحوظه هامه
احب اقول ان السيد مرعى شخصيه خياليه لا تمس الواقع فى شئ وان مسته فدى مصلحه
واحب اقول ايضا ان مرعى مش من مصر ولا فى كلية --------- ولا كان بيمتحن ----- خالص


ملحوظه تانيه
ده الجزء اللى الرقابه سمحت بيه

حلوة.

هههههههههه
مرعى مرعى تامر
طب ودى تركب ازاى ؟؟ ازاى تامر يجيب مرعى يعنى ؟؟؟؟؟؟؟؟؟

هههههههههههههههههههه

احلى حاجة فى الحوا رده

اسمه

مرعى مرعى تامر

ههههههههههههههههههههه

نوره كتب:حلوة.

ميرسى يا نورة

omayma كتب:هههههههههه
مرعى مرعى تامر
طب ودى تركب ازاى ؟؟ ازاى تامر يجيب مرعى يعنى ؟؟؟؟؟؟؟؟؟

ههههههههههههههههههههه
دى اسم رومانسى جدااا لعلمك يعنى
وبعدين ابوه مش اسمه تامر يعنى دى اسم الشهرة
اسمه الحقيقى هاااااااااااا نى ههههههههههههههههههههههههه

منورة يا اميمة التوبيك

dezner كتب:هههههههههههههههههههه

احلى حاجة فى الحوا رده

اسمه

مرعى مرعى تامر

ههههههههههههههههههههه

ههههههههههههههههه
ليه كلكم معترضين على الاسم!!!!!!!!!!!!!!!! افهم بقى!!!!!!! ليه
هههههههه

ميرسى بجد يا محمد
منور التوبيك