مُنتدى طلاب أسنان المنصورة
مرحبا بك فى منتدى طلاب اسنان المنصورة---senanko--- نتمنى ان تستمتع معنا بوقتك و تستفيد و تفيد و اهلا بك عضوا دائما بيننا

3ayza atgwz:D

استعرض الموضوع السابق استعرض الموضوع التالي اذهب الى الأسفل

default 3ayza atgwz:D

مُساهمة من طرف hend waheed في الثلاثاء يوليو 06, 2010 4:01 pm

سلاموا عليكوا :goodmorning*:
ازيكوا يا جماعه يارب تكونوا كلكوا مبسوطين ومزئططين بالاجازة وربنا يستر فى النتيجه ان شاء الله و كلنا ننجح و نعدى على خير :goodluck*:
انا النهارده عايزة اتكلم فى موضوع كده .. انا كنت بقراْ فى كتاب اسمه عايزه اتجوز بس بجد كتاب حلوووووووووووو اوى اوى اللى كاتباه بنت متخرجه من صيدله بس عاجبنى اوى و عاجبنى فيه كذا فصل كده فحبيت اكتبه و اشوف رايكوا ايه :smile*:

** عن الرقه و الانوثه**
فاكرين فيلم غصن الزيتون ؟ بتاع احمد مظهر و سعاد حسنى .. لا طبعا مش الناصر صلاح الدين هو ده كان فيه سعاد حسنى ؟
فى الفيلم ده كان احمد مظهر المدرس بتاع سعاد حسنى و حبها وااتجوزها بس كان شاكك ان فيه علاقه بينها و بين عمر الحريرى اللى كان مدرس فى نفس المدرسه .. طب ايه علاقة ده باى حاجه يعنى ؟؟!!! :question*:
هاقولكوا اصبروا بس..
فى مشهد من الفيلم ده كان عمر الحريرى داخل قهوه فيها شوية مدرسين زمايله قاموا قالوله ايه الكولونيا الجميله اللى انت حاططها دى :smile*: اسمها ايه ؟؟
قالهم انوثه .. و بغض النظر عن الاسم السخيف لا السخيف جداا لكولونيا او بارفان رجالى . فدى كانت المره الاولى فى حياتى اللى اسمع فيها الكلمه دى
انوثه ... و فضلت الكلمه دى متعلقه فى ذهنى بشكل عمر الحريرى لمده طويله لحد ما كبرت شويه و لقيت الناس بيستخدموها لوصف ناس تانيين مع الاخ عمر الحريرى .. هند رستم .. مارلين مونورو .. ليلى علوى و غيرهم .
و بات ادور حوليا فى المحيط بتاعى على حد يتوصف بالكلمه دى بصراحه مالقتش :smile*: !!
فين يا جماعه الانوثه اللى بيقولوا عليها دى .. مامتى طول النهار فى المطبخ .. طنط سهير جارتنا طول النهار والليل بتغسل و تنشر الغسيل و الغسيل ينقط على البلكونه بتاعة طنط امال فطنط امال تتخانق مع طنط سهير علشان الغسيل اللى بينقط و تتخانق مع ابنها علشان بيلعب فى الشارع و سايب واجب الحساب :smile*:
طب سيبكوا من الجيل ده ندخل ع اللى بعده منال بنت خالتى اللى اكبر منى بخمس او ست سنين ربنا كرمها من 4 سنين و دخلت دنيا طب يا منال انتى طول عمرك حلوة كده و دلوعه ورينا الانوثه بعد الجواز ....
بعد الجواز بكام شهر هوب دخلنا ع الحمل كعبرت و بققلت من كل اتجاه :smile*: ما علينا بكره تولد و تفوق و اذ بمنال اللى كنا بنضرب بيها المثل فى الرقه و الروقان بقت شبه الستات اللى بيطلعوا فى اعلانات السمنه و مساحيق الغسيل . تصحى طول الليل علشان الواد بيعيط و طول النهار علشان ابو الواد عايز ياكل و يشرب و مرتبها اللى كان كله ضايع ع البارفانات و المكياج بقى بيروح فى 3 اتجاهات بامبرز ثم بامبرز ثم بامبرز . و طبعا نتيجة الصحيان لمده 24 ساعه بقت واضحه جليه على ملامح وشها وراسها يدوب تلمس اى حيطه فى اى مكان شخيرها يتسمع من الفضاء الخارجى . :smile*:

طب سيبنا من المفهوم ده خلينا فى مفهوم تانى برضه غريب عن المراْه المصريه و هو مفهوم (الرقه)

البنت الرقيقه اللى تكلمها تبص فى الارض و تحس ان الهوا ممكن يجرحها و اللى تبقى حاسس انها بسكوته لو مشت شويه على رجليها تتكسر نصين يخطبها واحد من دول و يفضل كل ما يروح فى حته يقول عليها شعر نسمه ريشه صوتها زقزقة عصافير و كل ما يسمع غنوه حلوه تفكره بيها و يعملها رنه ع الموبايل
لما النسيم بيعدى بين شعرك حبيبتى باسمعه بيقول اهاات .. و عطورك الهاديه اللى دايبه فيكى كل ما تلمسك بتقول اهاااااااااااات
يعزمها ع الغدا ما تاكلش غير سلطه يجبلها هديه غاليه تزعل منه و تقوله انت ليه مكلف نفسك و هكذا تستمر الحياه كحلم جميل يصحى منه امتى ؟؟؟؟؟؟
بعد الجواز باربع اسابيع او اسبوع حسب حظه و نصيبه :smile*: و تبدا المطالب و يبدا التغييير و فجاه يلاقى الحاله اتقلبت 180 درجه
لان واحده بالمواصفات دى تبقى لازم كانت عايشه فى فقاعه بعيد عن كل الناس .. عمرها ما ركبت مواصلات عمرها ما اتعاكست و اضطرت ترد على واحد قليل الادب و توقفه عند حده عمرها ماتعاملت مع حد فى شغلها عمرها ما اضطرت تاخد موقف و تتخانق علشان تاخد حقها او توقف ظلم وقع عليها عمرها ما نزلت السوق تشترى الخضار و اكيد عمرها ما طبخت فاكيد بعد الجواز لو بدات تعمل الحاجات دى كلها او حاجه منها لا يمكن تفضل نفس البنت الرقيقه البسكوته اللى بتجرح من الهوا و الا مش هاتقدر تعيش .
طبعا الحاله بتزيد اكتر واكتر مع وجود الاولاد و اللى غالبا عبء تربيتهم بالكامل بيبقى على كتافها هى و بس ..فيا اما تبقى شخصيه قويهو تخوف العيال و ابوهم :smile*: يا اما العيال هاتبوظ و تفسد و ساعتها كل الناس هايلوموها هى و بس ....
فيا عزيزى الزوج ماتعلش لو عروستك اتقلبت لشخص تانى بعد الجواز مافيش قدامها غير كده ما هو انت لو بذلت شويه مجهود و ساعدتها يبقى عندها شوية وقت تفوق لنفسها
و يا عزيزى العريس دور ع التربيه و الاخلاق و التدين اولا ما تركزوش (بس) ع الرقه و الانوثه لان الايام بتغير هذه الحالات الطارئه
اما اللى محتاج انوثه تدووم معاه مدى الحياه يسال على ازازة كولونيا من بتوع عمر الحريرى :smile*:

ده فصل من الكتاب بس هو بجد كتاب عسول اوى وواقعى جدا عايزة اعرف رايكوا ايه في الفصل ده و فيه فصل تانى حلو اوى برده بس انا ايدى وجعتنى اقراْوا ده الاول بس :smile*:
avatar
hend waheed
عضو ذهبي
عضو ذهبي

انثى عدد المساهمات : 732
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 25/12/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: 3ayza atgwz:D

مُساهمة من طرف roma في الثلاثاء يوليو 06, 2010 4:09 pm

هههههههههههههههههههه
جميل اوى او ى
وعجبنى وطريقه الكتابه حلوة جدا
هههههههههه
تسلمى ياقمر في انتظار مزيدك

avatar
roma
Super Professional

انثى عدد المساهمات : 5631
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 28/08/2009
دعـــــــــــــــــاء :

الرجوع الى أعلى الصفحة اذهب الى الأسفل

default رد: 3ayza atgwz:D

مُساهمة من طرف Mostafa ElMorsy في الثلاثاء يوليو 06, 2010 5:30 pm

يعنى دى دعوه لكل فتاه جميله رقيقه .. انها تهمل فى نفسها من الان لانها كده كده بحاله او بأخرى هتتحول للكائن اللى بيزيد وزنه عن 120 كيلو و بيشتغل 24 ساعه لخدمه الاولاد و الزوج .. و كمان دعوه لكل شاب انو يزيل احساسه و رغبته فى شريكة حياته انها تكون اجمل واحده ف الدنيا ..
و الله اذا كان ده الواقع .. فلابد لينا من دواء نشربه لكى ننسى الواقع ده او حتى يغيب عن ناظرنا ..
انا عارف ان جزء من الكلام المكتوب حقيقى .. لكن مش اكيد بنفس الصوره .. لان بكده انا بعد الجواز هابقى عايش مع واحد صاحبى مش مراتى و اهلا بيكى يا عزوبيه من جديد هههههههههههههه
زى ما الكلام ده بيتحقق احيانا .. فى صوره تانيه اكيد كلنا بنشوفها .. فى ازواج اولادهم كبروا و اتجوزا و لسه الحب بينهم و لسه الست لديها ما يجعل زوجها يتعلق بيها .. اكيد الشئ ده مش مادى زى الجمال .. لكن الست عندها الرحمه و العطف .. و الحنان اللى بيظهر فى كل تصرفاتها .. و كمان الست مش بالضروره تبقى البسكوته اللى بتكلمى عنها .. الست لازم تبقى فيها قدر من الصلابه برده و تحمل المسؤليه لكن بشرط انو ما يطغيش على -انوثتها -و يحولها للكائن السابق ذكره
انا اسف انى طولت بس الكتاب حلو و اسلوبه حلو و ظريف و ياريت تستمرى و تنزلى بقية الاجزاء
و شكرا يا هند تسلمى
avatar
Mostafa ElMorsy
عضو مهم
عضو مهم

ذكر عدد المساهمات : 252
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 30/11/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: 3ayza atgwz:D

مُساهمة من طرف hend waheed في الأربعاء يوليو 07, 2010 12:44 pm

roma كتب:هههههههههههههههههههه
جميل اوى او ى
وعجبنى وطريقه الكتابه حلوة جدا
هههههههههه
تسلمى ياقمر في انتظار مزيدك



ميرسى يا كوكو :beautiful*: :beautiful*:
avatar
hend waheed
عضو ذهبي
عضو ذهبي

انثى عدد المساهمات : 732
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 25/12/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: 3ayza atgwz:D

مُساهمة من طرف hend waheed في الأربعاء يوليو 07, 2010 12:57 pm

Mostafa ElMorsy كتب:يعنى دى دعوه لكل فتاه جميله رقيقه .. انها تهمل فى نفسها من الان لانها كده كده بحاله او بأخرى هتتحول للكائن اللى بيزيد وزنه عن 120 كيلو و بيشتغل 24 ساعه لخدمه الاولاد و الزوج .. و كمان دعوه لكل شاب انو يزيل احساسه و رغبته فى شريكة حياته انها تكون اجمل واحده ف الدنيا ..
و الله اذا كان ده الواقع .. فلابد لينا من دواء نشربه لكى ننسى الواقع ده او حتى يغيب عن ناظرنا ..
انا عارف ان جزء من الكلام المكتوب حقيقى .. لكن مش اكيد بنفس الصوره .. لان بكده انا بعد الجواز هابقى عايش مع واحد صاحبى مش مراتى و اهلا بيكى يا عزوبيه من جديد هههههههههههههه
زى ما الكلام ده بيتحقق احيانا .. فى صوره تانيه اكيد كلنا بنشوفها .. فى ازواج اولادهم كبروا و اتجوزا و لسه الحب بينهم و لسه الست لديها ما يجعل زوجها يتعلق بيها .. اكيد الشئ ده مش مادى زى الجمال .. لكن الست عندها الرحمه و العطف .. و الحنان اللى بيظهر فى كل تصرفاتها .. و كمان الست مش بالضروره تبقى البسكوته اللى بتكلمى عنها .. الست لازم تبقى فيها قدر من الصلابه برده و تحمل المسؤليه لكن بشرط انو ما يطغيش على -انوثتها -و يحولها للكائن السابق ذكره
انا اسف انى طولت بس الكتاب حلو و اسلوبه حلو و ظريف و ياريت تستمرى و تنزلى بقية الاجزاء
و شكرا يا هند تسلمى


لا طبعا يا دكتور حاشا لله :smile*: مش ده اصدها كل ما فى الامر يعنى ان ميكونش كل هم الراجل و هو بييدور على بنوته علشان يتجوزها انها تكون رقيقه رقيقه رقيقه مفيش حاجه تانيه بيدور عليها لا طبعا اهم حاجه الاخلاق و مش معنى كده انه ياخد واحده مهمله فى نفسها او كده اكيد لا بس ميكونش ده الهدف الاول اللى بيجرى وراه تكون رقيقه لان ده بيتغير مع الايام و غصب عنها ده اللى غاده كتبته و بتتكلم عنه و لازم يكون الراجل بيقدر و يراعى الظروف يعنى مش اول ما تهمل فى نفسها شويه مش استهبال ده علشان الاطفال او شغل البيت او اى حاجه كانت السبب يقول لا خلاص دى مش تنفعنى ويروح يدور على واحده تانيه يتجوزها هما الرجاله كلهم كده بيتلككوا للست و الله انا بسمع برامج دينيه و بتشل منهم تلاقيه يتكلم يشعر فى مراته و فى الاخر يقول بس انا عايز اتجوز الله يخرب بيتك تتجوز ليه يقولك اصل مش دى اللى اختارها قلبى فى نوعيه كده من الرجاله حسبى الله فيهم :smile*:
و اهم حاجه فعلا بعيد عن الرقه و الكلام ده الحب و الاحترام المتبادل بين الاتنين ده اللى هيدووووووم و تبئا جوازه ناجحه مليون فى الميه لان اكيد هو هيقدر الظروف و هيسعدها مش مع اول نكشة شعر يروح هو يفرد شعره و يمشى على حله :smile*: ايه اللى انا بقوله ده.
اكيد الستات دول والله ما فى احن منهم و اكيد كلنا بنشوف ماماهتنا بتعمل ايه علشاننا بس حكاية الصلابه دى نسبيه يعنى هتلاقى ستات صلبه شويه و بتعرف تتعامل و تتحمل المسئوليه بس فيه تانيين مش بيقدروا يعملوا كده
لا مفيش حاجه هو الكتاب حلو جدا جدا و ان شاء الله هختار برضه حاجات كده و اكتبها :beautiful*:
avatar
hend waheed
عضو ذهبي
عضو ذهبي

انثى عدد المساهمات : 732
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 25/12/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: 3ayza atgwz:D

مُساهمة من طرف den_sama في الأربعاء يوليو 07, 2010 1:45 pm

الكلام جميل جدااااااااااااااااااا
واغلبيته ةواقع
بس لوظبطنا المعادلة شوية الطرفين هيرتاحوا
رااااااااااااااااااااااااائع
avatar
den_sama
عضو ذهبي
عضو ذهبي

انثى عدد المساهمات : 633
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 03/05/2009
دعـــــــــــــــــاء : الرحمة ياارحم الراحمين

الرجوع الى أعلى الصفحة اذهب الى الأسفل

default رد: 3ayza atgwz:D

مُساهمة من طرف hend waheed في الأربعاء يوليو 07, 2010 2:17 pm

فيه فصل تانى عجبنى اوى اوى اقراْوا معايا :smile*:
* هابى فلانطين *
كل سنه و انتوا طيبين يا جماعه متاخره شويه معلش هو انا يعنى اش عرفنى بمعاد البتاع ده ؟ انا كل اللى اعرفه انى مره ماشيه فى الشارع لقيت دباديب دباديب قلت جايز عيد الطفوله امشى فى شارع الاقى كل الناس لابسه احمر فى احمر اقول ايه ده هو الاهلى هيلعب النهارده ؟ ربنا يقومك بالسلامه يا ابو تريكه الاقى ناس كتير ماشيه شايله قلوب حمرا اقول دول لازم بتوع حملات التبرع بالدم فين وفين بئا , اعده فى امان الله فى الشغل لقيتلكم مدام سندس (دى واحده صيدلانيه معانا بس متجوزة كلنا بنقولها يا مدام علشان هى تقريبا الوحيده فينا اللى نالت الشرف ده :smile*: ) كانت قاعده بتحكى لنهى صاحبتى
دخلت يا اختشى الشقه لقيت النور مقطوع و الراجل منور شمعتين و حاطتهم ع الاسفره و عينيكى ما تشوف الا النور اعدت اصرخ و اصرخ انت البعيد اعمى ما بتفهمش ؟ ازاى تحط الشمع فوق مفرش السفره؟؟؟ انت مش عارف ده بكام .؟ مش كفايه بابا اللى جايبه على حسابه ؟ ولا علشان مادفعتش فيه حاجه؟ اااااااااه مانت واخدنى بالرخيص!!!لو كنا خليناك كعيت دم قلبك فى العفش ماكانش ده اللى جرى ! الراجل ياختشى وقف كده شويه مذهول و بعدين راح رايح مولع النور ببص لقيتلك ايه حزمة حاجه حمرا كده على ترابيزة الانتريه :smile*: قال ايه جايبلى ورد رحت ابص عليهم لقيتلك 10 وردات قلت له يا راجل يا مخبوول مش ده الورد اللى بيتعمل مربى يالا اتفضل قولى جايبه منين لما اروح ارجعه و اجيب بداله اتنين تلاته كيلو ينفعول مربى للتخزين الراجل بصلى ياختشى شويه و قال ايه راح واخد شنطته ورايح على امه رجاله غريبه :smile*: مش عارف انى هايطلع عينيا فى عمايل المربى علشان خاطر يطفحها بس انا اللى فارسنى و فاقع مرارتى انى نفسى افهم هو اتقمص من ايه هه ياختشى ماتعرفيش؟؟؟ :smile*:
نهى اللى كان باين عليها هايجيلها شلل رباعى بصتلى و قالتلى
قوليلها حاجه انا مش قادره هاطق منها ! بصتلها باستغراب هاتطقى منها ليه ؟ الشابه ما غلطتش المفروض لما يعوز يطف.... اصدى ياكل مربى يقول لها بدل ما يشحطتها تفضل تتخانق مع الراجل بتاع الورد على ما تجيب النوع بتاع المربى . يا خرااااااااااااااااااااااااااااااااااااااااااااااااااااااااااااااااااااااااااااااااابى (دى نهى بتلطم و بتصوت) يابنتى النهارده الفلانتين .
يا شيخه ! اكنه النهارده اتارى الدنيا كلها مدهونه صلصه برره :smile*:
المهم فهمنا احنا الباشمهندس شافعى جوز مدام سندس كان بيعمل العمايل الغريبه دى ليه طبعا مع فاصل من الدعوات من سندس على امه اللى ربته تربيه خيخه و خلته يفكر فى الكلام الفارغ ده ...
عن نفسى انا يا جماعه نفسى ومنى عينى ان حد يجبلى انشالله عود جرجيرو اقعد اسرح بالليل و انا فاتحه الشباك ونور القمر مدلدق على كل حاجه فى الاوضه ( حلوة مدلدق دى رومانسيه مش كده :smile*: ) و اقعد افكر فى فارس الامى و انا بسمع اغنية رقيقه شجيه رومانسيه من اغانى شفيقه ( يا سلام عليكى يا شفيقه عندها شوية اغانى رومانسيه جنان ) و اقعد اقطع فى ورق الجرجير بيحبنى مابيحبنيش بيحبنى مابيحبنيش بيحبنى ايه ده ؟؟ دوده دى ولا ايه؟؟ مش كان نقع العود فى شوية خل قبل ما يجيبه؟؟ :smile*:
و بعدين يا جماعه انا حاسه ان ماعادش فيه رومانسيه زى زمان . ماعادش ينفع شوفوا مثلا افلام زمان العاطشفيه الفيلم ده بتاع شاديه و صلاح ذو الفقار بتاع احمااااااااااااااااااااااااااااااااااااااد منىىىىىىىىىىىىىىىىى
كل عقدة الفيلم انه سافر فى القطر جت هى تركب القطر مالحقتوش قامت سابت له رساله مع محصل القطر قام الراجل مالحقش يوصلهاله و كانت النتيجه انهم ماتجوزوش و قعدوا عشرين سنه يدوروا على بعض طب دلوقتى يعملوا فيلم زى ده تانى ازاى ؟؟؟؟؟؟؟؟
اول ما الاتنين يتوهوا عن بعض و عشان هى فقريه هاتديلوا رنه ع الموب علشان يكلمها و علشان هو جلده هاتكبر فى دماغه و يقوم باعتلها كلمنى شكرا علشان هى اللى تتدبس فى المكالمه و ياما البت ياعينى تتدبس و تكلمه ياما تكبر فى دماغها و تحس انه معفن و ميت ع القرش و تعمله ديليت من موبايلها ومن حياتها و تبق دى قصة الحب التى افسدها نجيب ساويرس..
طب فيلم البوسطاجى حبكة الفيلم ان شكرى سرحان بيقرا جوابات البنت اللى بتحب الواد و بعدين بتغلط معاه و لما جواب من جواباتها بيتحرق و شكرى بيقراه الواد ما يعرفش ان ابوها هايقتلها و ساعتها البت بتروح فطيس
طب لو بينهم ايميلات كان الموضوع هايخلص على انه هايكتشف ان مافيش بنت ولا حاجه و انه واحد صاحبه بيهرج معاه .....................
يا اما كان هايروح يتقدملها و كانت القصه العظيمه دى اتفشكلت بسبب مفتاح الانبوبه عليها ولا عليه فين العاطشفيه بئا؟ :smile*:
حتى فكرة الفلانتين نفسها مش هاتبقى هيا هيا لو كل الناس اكتشفوا انهم كل سنه بيحتفلوا بالذكرى العطره لجلوس اخونا القديس فلانتين و اعدامه اه و ربنا هو ده العيد؟! :smile*:
و بعدين انا بقيت حاسه ان كل الناس بتضحك على بعض يعنى بعد ما خرجت من الشغل قلت اما الف كده على محلات الهدايا اتفرج من نفسى لقيت بنتين شكلهم كده من اصول ريفيه واقفين بينقوا هديه
بقولك ايه يا به اجيبلوا القلب والا الدبدو ؟
لا يا به جتك نييله دبدو ايه ده رااااااااااااجن و هما الرجاله بيلعبوا بالدباديه :smile*: ؟؟
اصلى مش عارفه يا به مش هارشه موضوع القلب ديه ديه صغير اووى
طب اقولك ما تجيبيلووا الاتنين
يا نايبتى ليه يا به هو انا كت هاتجوزه ؟؟!!
ادى يا عم الفلانتين و اللى بيحتفلوا بيه يا عم فكك بلا وجع دماااااااااغ :smile*:

:smile3*: :smile2*: ايه رايكوا
avatar
hend waheed
عضو ذهبي
عضو ذهبي

انثى عدد المساهمات : 732
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 25/12/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: 3ayza atgwz:D

مُساهمة من طرف hend waheed في الخميس يوليو 08, 2010 8:04 pm

den_sama كتب:الكلام جميل جدااااااااااااااااااا
واغلبيته ةواقع
بس لوظبطنا المعادلة شوية الطرفين هيرتاحوا
رااااااااااااااااااااااااائع

ميرسى يا توتو و عندك حق :beautiful*:
avatar
hend waheed
عضو ذهبي
عضو ذهبي

انثى عدد المساهمات : 732
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 25/12/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: 3ayza atgwz:D

مُساهمة من طرف rona في الجمعة يوليو 09, 2010 12:40 am

ههههههههههههههههه

توبيك حلو
هوا فعلا معتش فى رومانسيه زى زمان بس
طبعا لكل قاعده شواذ وفى ناس لسه عندهم رومانسيه وحب
تسلمى
وفى انتظار المزيد
avatar
rona
V.I.P
V.I.P

انثى عدد المساهمات : 1558
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 09/02/2010
دعـــــــــــــــــاء : اللهم انى اسالك رضاك والجنة واعوز بك غضبك والنار

الرجوع الى أعلى الصفحة اذهب الى الأسفل

default رد: 3ayza atgwz:D

مُساهمة من طرف omayma في الجمعة يوليو 09, 2010 2:16 pm

هههههههههههه
والله كلام زى الفل وعشرة على عشرة
الحتة بتاعة

عن نفسى انا يا جماعه نفسى ومنى عينى ان حد يجبلى انشالله عود جرجيرو اقعد اسرح بالليل و انا فاتحه الشباك ونور القمر مدلدق على كل حاجه فى الاوضه ( حلوة مدلدق دى رومانسيه مش كده : ) و اقعد افكر فى فارس الامى و انا بسمع اغنية رقيقه شجيه رومانسيه من اغانى شفيقه ( يا سلام عليكى يا شفيقه عندها شوية اغانى رومانسيه جنان ) و اقعد اقطع فى ورق الجرجير بيحبنى مابيحبنيش بيحبنى

بتضحكنى اوى
avatar
omayma
Master
Master

عدد المساهمات : 8573
تاريخ التسجيل : 30/11/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: 3ayza atgwz:D

مُساهمة من طرف hend waheed في الجمعة يوليو 09, 2010 3:14 pm

rona
ميرسى على ردك الناس كلها دلوقتى بتفكر فى الفلوس مش زى زمان كانوا كلهم بيحبوا بعض لله و بيخافوا على بعض دلوقتى اللى بيحب حد بيحبه مصلحه ربنا ما يوقعنا فى الناس الوحشه دى بس لسه الحمدلله ناس كويسه بس قليلين اوى.. بس هى دى الفصول العامه فى الكتاب بقيته كله عن تجارب ليها هى بس مسخره :beautiful*:

omyma
ميرسى على ردك يا ميما بس هى دى اللى عجبتك طيب شوفتى حتة الدوده :D:D:D
avatar
hend waheed
عضو ذهبي
عضو ذهبي

انثى عدد المساهمات : 732
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 25/12/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: 3ayza atgwz:D

مُساهمة من طرف mo7amad med7at في الجمعة يوليو 09, 2010 4:01 pm

mwdo3 7lw gdddddn bs ana shayf n elvalentine da latef gdn 3la ela2l elwa7d bydy3 floso w ynzl yko3 w ygebldo hdya b 50 wla 100 gneh w hya brdo tgeb hdya b nfs eltmn w 5ly b2a m7lat eldbadeb w el2lob tksb 7lawa ml hgs da w any way mwdo3 gamd gdnnnn:D:D
avatar
mo7amad med7at
لسه في البدايه
لسه في البدايه

ذكر عدد المساهمات : 43
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 28/11/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: 3ayza atgwz:D

مُساهمة من طرف roma في الجمعة يوليو 09, 2010 4:13 pm

هههههههههههههههه
جميل اوى الكلام
بيضحك فعلا
بس ع فكرة بقي الفلانتين مش مجرد هدايا
دى بيبقي وسيله بتحسسك بحب الى قدامك ليكى مش المهم الهديه او فلوسهااوبكام
المهم انه افتكر انه يحتفل معاكى منش شرط في الفلانتين بس
بس عشان متبقاش كل يوم ومتبقاش اليوم ده كمان
ومش كله بيفرق معاه الفلوس برده

avatar
roma
Super Professional

انثى عدد المساهمات : 5631
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 28/08/2009
دعـــــــــــــــــاء :

الرجوع الى أعلى الصفحة اذهب الى الأسفل

default رد: 3ayza atgwz:D

مُساهمة من طرف Dr/Asmaa في الجمعة يوليو 09, 2010 6:00 pm

موضوع لطيف وبيضحك

بس هو الواقع مش ماساوي للدرجادي
بالنسبة للفقرة الاولي البنات اللي بتبقي عايشة في دور البسكوتة والرقة والكلام ده بيبقوا مش عايشين الواقع وكمان مش كتير اوي ومش كل الشباب بتدور ع النوع ده
في شباب كتير بيبقي بيدور علي واحدة مسئولة تتحمل ظروف الحياة معاه وتسانده وده مش معناه انها مهمله في نفسها ولا فاقدة لانوثتها انما تبقي انث مفكرة وناجحة ومسئولة


وبالنسبة للنقطة بتاعة الفلانتين فهو مجرد يوم المفروض الانسان يعبر لشريك حياته فيه عن حبه ومش شرط اليوم ده بحد ذاته

والكتاب جميل وبيضحك
ميرسي يا هند
avatar
Dr/Asmaa
V.I.P
V.I.P

انثى عدد المساهمات : 1911
العمر : 26
مـــــــــــــزاجـى :
هـــــــــوايتــــى :
تاريخ التسجيل : 30/12/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: 3ayza atgwz:D

مُساهمة من طرف hend waheed في الجمعة يوليو 09, 2010 6:36 pm

dr\mo7amad
thnx y dr bs ana shyfa en elmfrod 7ayathom tkon kolha hdaya msh shrt elvalantine w 5sosn eno bd3a w 7ram ana msh b2ol eny shi5a w eny mashya 3la t3alim elden awy zy ma feh nas momkn t2ol kda bs elwa7d by7awl 3la ad ma y2dr yb3d 3n el7agat el7ram feha eh y3ny lma ygblha enshalah wrda kol youm tb2a 3ndha bmilion dbdob w 2lb w hgs 3la r2y 7drtk bs n2ol eh b2a yala :D:D thnx y dr 3la r2ik

roma
ميرسى على ردك بس زى ما قولت ليه لازم يكون الفلانتين و مش شرط كل يوم ممكن يوم فى الاسبوع يوم فى الشهر فى السنه بس المهم يعبرها و خلاص :D:D

asmaa
ميرسى يا كوكو بس الواقع للاسف ماساوى و منيل بستين نيله و كل حاجه حوالينا تشهد ربنا يسترها علينا كلنا..
هما البنات دول موجودين بس و الشباب اللى بيدور عليهم موجود برده بس اكيد نهايتهم الفشل فى الجواز او ممكن ينجحوا ده لو هى مش بتخرج تشترى حاجه للبيت علشان البيه هو اللى بيجيب كل حاجه و طبعا مش بتطبخ علشان فيه شغاله و اكيد بتخاف تخلف علشان رشاقتها و جمالها و لو خلفت فاكيد مش هى اللى بتربيه يااى الداده طبعا المسئوله المهم فى الاخر برده هنوصل انها بتجيب اجيال مش اد المسئوليه و المجتمع مش ناقص بلاوى :D
ما ده اللى قولته انها تكون متدينه و مثقفه و طبعا متكونش مهمله فى نفسها بس كده دى معادله بسيطه خالص:D
مش شرط اليوم ده بالذات علشان يعبر لها عن حبه طبعا زى ما قولتى
ميرسى يا اسماء هو كتاب سكره :D:D :beautiful*:
avatar
hend waheed
عضو ذهبي
عضو ذهبي

انثى عدد المساهمات : 732
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 25/12/2008
دعـــــــــــــــــاء :

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى