لعبة الصراحة

ع فكرة دا سؤال محرج بالنسبالي
بس انا عمر محد صرحنى بحبه
لان احنا قريه مش مدينه زيكو فمينفعش



وانت

لا
وانت او انتى

انا قرية ع فكرة مش مدينة وسورى لو كان محرج

صراحة انا حطيت فى دماغى بس ماصارحتش

اكتر حاجة بتزعلك؟؟؟؟؟؟

ان حديفهمنى غلط او ان حد يكدب عليا ويخدعنى


ليه مصرحتش

يعنى ملقتش الوقت المناسب وخايف لتصدنى

وكرامتى عالية شوية فدا اللى منعنى

هل بتندمى على اللى بتعمليه؟؟؟؟؟؟؟

سعات بس مش كتير



اوصف شخصيتك بتلاته كلمات

عصبى عندى ثقة فى نفسى عنيييد

وانتى؟؟؟

رومانسيه حنينه عصبيه موووت



بتحلم بايه ؟نفسك في ايه يعنى

نفسى اخلص وابنى مستقبلى وربنا يجمعنى بالانسانة اللى بحبها

وانتى؟؟؟؟؟؟؟؟

مش عارفه
بس شفت تعريف السعاده الي انا كتبته في التوبيك الي كلنا كنا مختلفين فيه
انا بقي نفس احسها




الانسانه دى في ايه

ان شاء الله هاتبقى مهندسة

ربنا يعطيكى السعادة اللى بتتمنيها

تعريف الحب فى نظرك؟؟؟؟

تااااااااانى اوكى يااحمد هجاوبك
الحب ده احساس بالامان وتبادل مشاعر صادقه بين الطرفين
يعنى يكونو شخص واحد مش اتنين احساس بالراحه والسعاده
احساس يخايك طاير في السما
احلي احساس في الدنيا بس لما يكون بجد ومن غير جروح



وانت

زيك بالظبط لدرجة ان الاتنين يحسو بالحاجة فى نفس الوقت ويفكروا فى الحاجة بنفس الوقت دا ان مكنتش ببالغ

وسورى ان كنت بحرجك

بتحبى التفكير الكتير ولا متشغليش بالك؟؟؟؟؟

مش بحب التفكير انا مغصوبه افكر لما بتحصل اى حاجه
مفيش احراج ولا حاجه اسال الي تحبه




حد جرحك قبل كده ؟او انت جرحت قلب حد

لا عمر ماحد جرح قلبى ومتمناش كده
ولاانارده جرحت قلب حد

وانتى؟؟؟؟

واحده صاحبتى جرحتنى اوى واحنا في الكليه
انا مقدرش اجرح حد لانى بقدر الناس كويس




الانسانه دى عارفه انك بتحبها ولا من طرف واحد؟

يعنى بتهيأ لى حاسة من تصرفاتى

بس مش عاوز اقولهاالا فى الوقت المناسب

س.محرج صفات الانسان اللى بتحلمى بيه؟؟

لا دا مش محرج لانى اتسالته كتير هنا
يكون بيحبنى اوى ويكون رومانسي عشان يعرف يتعامل معايا ويحبنى
ورقيق وطيب وبيعرف ربنا كويس دى قبلهم كلهم ومحترم وانا اكون عنده
بالدنيا كلها
انا ع فكره مش من كليتكو لتفكر انى هفتن عليك ولا حاجه
هههههههه انا بكلم بجد والله


الانسانه دى قريبتك ولا ايه واسمها ايه لو مش عايز تجاوب خلاص

يعنى قريبتى من بعييد بس نعرفهم كويس لان ابوها وابويا اكتر من الاخوات وع فكرة انا بتكلم معاها وبروح عندهم
كعلاقة زمالة لانها من سنى بس مقدرش اقول اسمها سورى؟؟؟؟؟؟؟؟؟؟؟

ايه الحاجة اللى بتحبى تعمليها فى فضاكى؟؟؟؟؟؟؟؟

يبقي انت مصدقتش انى مش معاكو
انا سماح كليه تمريض والله وهما عارفين كده
اسالهم حتى عموما اوكى


اقعد عالنت او اروح لاصحابي

رايح الجامعه بكرة ؟

انا مصدقك والله وعارف ياسماح بس بجد سورى ان محدش عارف خاااااااالص

انا ممكن اروح بكرة مش عارف حسب مااصحى

هاتروحى؟؟؟؟؟؟

احنا كنا بناخد 3ايام ف الاسبوع عشان انفلونزا الخنازير
بس الوزير الجديد لغي القرار ربنا يخليه طبعا فقلنا مش هنروح
بكرة علي منشوف هياخدو ولا لا ع فكره دا مكتوب ف
كزا توبيك اصل في ناس كتير بيفهموا
غلط في المنتدى هنا عموما انت زى اخويا الكبير وكلكو كده والله


طب قوم نام بقي عشان تصحى بدرى وتروح الكليه
بتاعتك

على فكرة انا انا من الناس اللى مبفهمش حد غلط

وكمان انا عرفك من لانى عالمنتدى من ساعة ما انشئ بس مبدخلش كتيييير

وصراحة انتى من الشخصيات اللى بحترمها وبخترم آراءاها وانا مسهر واحتمال مروحش لاننا اول اسبوع مفيش سكاشن على مااعتقد
وانا سعيد انى تعرفت بجد عليكى

ربنا يخليك يارب وميرسي لزوقك
وميرسي علي الكلام الجميل ده
مجامله منك مستحقهاش
بس ع فكرة انا عضوة مشاغبه يعنى افكارى شديده اوى
وبتناقش كتير اوى فيهامدام مقتنعه بيها زى مشفت في التوبيك كده



حلم ضاع منك ؟

لا بجد مش مجاملة انتى تستحقى اكتر من كده

بس المهم يبقى اختلاف الراى لايفسد للود قضية ههههههههههههههههههه

حلم كلية الطب بس الحمد لله ربنا عوضنى بطب الاسنا اللى انا بعتيره حاليا احسن من الطب؟؟؟؟؟؟؟؟؟

ازاى بتحكمى على اللى قدامك؟؟؟؟؟؟؟؟

شيفاه ولا زى كده عالمنتدى مش شايفاه
بص لو شيفاه بحس ازا كان صادق ولا لا
لو مش قدامى بحكم عليه من مواضيعه ومن ردوده
ومن كلام اصحابه معاه عالمنتدى كده يعنى وغالبا حكملى بيطلع مظبوط98%
ع فكرة بعرف احكم عالناس كويس اوى




ايه الصفه الي فيك مش بتحبها؟