الاشراف--هااااااااااااااام---يا ريت الكل يدخل

بختصار يا جماعه

اللي هيتابع معانا ايام الدراسه و هيعرف يدخل مره على الاقل كل يوم يقول انه عاوز يكون مشرف و احنى هنشوف اذا كان ينفع ولا لأ عشان في ناس كتير بتقول و تتكلم و ايام الدراسه مش هنشوفها و انا الصراحه سعيد برجوع فتاه طموحه و بتمنى ناس كتير تانيه انقطعو يرجعو عشان احنى داخلين على دراسه ولازم يكون في تعاون عشان نستفيد من المنتدى زي السنه اللي فاتت و ميكونش مجرد منتدى على النت و خلاص و تضييع وقت

فا اي حد عنده استعداد يقول و احنى هنختار و هنبدأ نحط المشرفين في اول اسبوع دراسه على ما نشوف مين اللي بيدخل المنتدى ومين معدش هيدخل

المنتدى ليه سمعه كويسه في اسنان عاوزين نثبت ان الكلام ده صح عشان ان شاء الله نخليه موقع لوحده مش مجاني و ان شاء الله ممكن نعتمده من الكليه بس يكون في نظام وتعاون

يللا مستني ردودكم

لما تكلمني فين ؟

انت هتستعبط

على الموبايل

لو 014 يبقى اكيد كنت نايم او مش معايا لان شاشته محروقه ومش بشوف مين اللي اتصل لو على فودا فون يبقى مظنش او مخدتش بالي بس لا اكيد على 014 ومكانش معايا والله عيب عليك

اتصل دلوقتي و هرد على طوول :greet:

المهم سيب الموضوع عشان الناس ترد واضح ان محدش ناوي يكون مشرف

يبئا انت فى السليم وانا اللى غلطان

فعلا كان 014

عموما انت حبيبى يا معلم

طب حد يعبرني طيب

انا معاك وتحت امر المنتدى فى اى وقت

انا طبعا مينفعش اكون من الاشراف لاني مش هقدر ادخل كل يوم
لاني هكون باذن الله..لو ربنا اراد..ان شاء الله يعني
في المدييييييييييينة :waaa2*:
بس ساعدوني الاول ياريت في حكاية المنتدي لانه تقيل معايااااااااا جداااااااااااااااا

اكييد طبعا يا عطاار من غير ما تقول والله

عارف يا دكتوره بس ان شاء الله هتكوني موجوده كل فتره و بالنسبه لموضوع التقل ده والله مش من عندنا المنتدى عادي عندنا لو كان من عندنا كنا اكيد اتصرفنا

طيب اوك شكرا يا د\احمد علي الاهتمام
يمكن يظبط بكرة ان شاء الله

ربنا يوفقكم
وشكرا جدا يا دكتور احمد على الكلام الحلو ده
بس انتوا بتقتكروني وانا موجودة بس


بس فكرة بجد جميلة جدا

سلمت الافكار وربنا يوفقكم

فتاة طموحة كتب:ربنا يوفقكم
وشكرا جدا يا دكتور احمد على الكلام الحلو ده
بس انتوا بتقتكروني وانا موجودة بس


بس فكرة بجد جميلة جدا

سلمت الافكار وربنا يوفقكم

والله انا كنت بسأل على طوول على العموم والله المنتدى بوجودك حاجه تانيه كانه رجعله حاجه ناقصاه كدا

عيب عليكي يا رقية :angery:
دا كل شوية كنا بنجيب في سيرتك كتير هههههه
حتي ادخل "رسالة غائب"
ودفتر غياب هتلاقي اسمك هناك

Ahmed El Metwally كتب:

فتاة طموحة كتب:ربنا يوفقكم
وشكرا جدا يا دكتور احمد على الكلام الحلو ده
بس انتوا بتقتكروني وانا موجودة بس


بس فكرة بجد جميلة جدا

سلمت الافكار وربنا يوفقكم

والله انا كنت بسأل على طوول على العموم والله المنتدى بوجودك حاجه تانيه كانه رجعله حاجه ناقصاه كدا

شكرا يا دكتور احمد
دا المنتدى منور بالناس اللي فيه

Den.Esraa كتب:عيب عليكي يا رقية :angery:
دا كل شوية كنا بنجيب في سيرتك كتير هههههه
حتي ادخل "رسالة غائب"
ودفتر غياب هتلاقي اسمك هناك

لا يااسراء
عارفة والله
بجد
وكنت بكلمك علطول عشان بعرف انك سالتي عليا
:teeeeeth: :teeeeeth:
انا اقدر استغنى عنك

بجد أنا بجب المنتدى أوى
وبجد بنعرف منه كل الأخبار
بس انا كان نفسى
إن مش أى حد يدخل على المنتدى
يعنى فى منتديات كتير
إللى يدخل عليها لازم يشترك
حفاظا على خصوصيه الأعضاء ومشاركتهم
بس أنا بصراحه مش هقدر أدخل كل يوم
يعنى المشكله إن النت عندى مش دايما بيوصل
يعنى مش هقدر أدخل كل يوم
أه والله مش تلكيكه
مش هكون قد المسؤليه دى

أنت قولت بدل لما أقرأ وأمشى
أكتب رد
ويكون صريح


وألف مسا على الناس الكويسه

فكرة كويسة وان شاء الله يكون
كويس السنه دي

فكرة حلوة يا dr Ahmed

ويارب المزيد من النجاح للمنتدى

Dr.R كتب:بجد أنا بجب المنتدى أوى
وبجد بنعرف منه كل الأخبار
بس انا كان نفسى
إن مش أى حد يدخل على المنتدى
يعنى فى منتديات كتير
إللى يدخل عليها لازم يشترك
حفاظا على خصوصيه الأعضاء ومشاركتهم
بس أنا بصراحه مش هقدر أدخل كل يوم
يعنى المشكله إن النت عندى مش دايما بيوصل
يعنى مش هقدر أدخل كل يوم
أه والله مش تلكيكه
مش هكون قد المسؤليه دى

أنت قولت بدل لما أقرأ وأمشى
أكتب رد
ويكون صريح


وألف مسا على الناس الكويسه

كلام جميل يا دكتورة ممكن نعمل كده و ممكن نمنع اقسام عن الزوار و ممكن نخفى لينكات المواضيع مثلا بس احنا سابينها كده على اساس الكل يستفيد و ده هدف المنتدى الاول و اعتقد معظم الدفعه بقت عليه و دى حاجه تحسب لكل الموجودين هنا و الحمد لله
و اكيد كلنا دخولنا هيقل ف الدراسة بس هنحاول نركز ف شغلنا و نتابع ف المنتدى برضه ان شاء االله و يبقى مصدر فايدة و ميكونش مصدر تضييع وقت ابدا ف الدراسة ان شاء الله

هو الموضوع ده معمول لمين يا قوم؟؟؟؟؟؟؟؟

هو من حيث ان انا ادخل ع المنتدى فده ان شاء الله هيحصل .. انما موضوع الاشراف ده انا بصراحه مبحبوش ومش عاوزاه
انا قلت برضه ارد بدل ماقرا وامشي
وثانكس ع التوبيك

وانا كمان برده زيك يا رضوى
ان شاء الله ادخل كل يوم بس الاشراف ده مليش فيه