الاحلام كلام

قد سَمِعْنَا ما قُلْتَ في الأحْلامِ وَأنَلْنَاكَ بَدْرَةً في المَنَامِ
وَانْتَبَهْنَا كمَا انْتَبَهْتَ بلا شَيْ ءٍ فكانَ النّوَالُ قَدْرَ الكَلامِ

هناك من يقولون ان احلامنا وامالنا لا يجب ان تكون واقعية لان السعادة الكبرى هي التي يحققها الامل في تحقيق الاحلام المستقبلية الخارقة
كما يقول المتنبي في البيتين ان الاحلام لا ننال منها الا كلامنا عنها
مثلا ايهما يشعرك بالراحة اكثر اذا حلمت بالغنى ام ان تحلم بان تكون اغنى اهل الارض
حلمك بالقوة ام ان تكون اقوى البشر
حلمك بالملك ام ان تملك كل شيء
فاحلامنا الوهمية هي ما يعطي لحياتنا المتعة في تقبلها معتقدين ان يوما سياتي وتتحقق احلامنا المستقبلية تلك
فان كنت واقعيا فلا بأس
و اذا كانت احلامك مثلي بل مثل الكثيرين منا فشاركنا حلمك الوهمي اذا اردت
و ان اردت شاركنا حلمك الواقعي
او حتى شاركنا وجهة نظري في طبيعة احلام البشر
و جزاكم الله خيرا

انا مش فاهم حاجه من كلامك ده يا ابنى
بس اللى اعرفه ان الاحلام بتتدى الواحد هدف ودافع وبتخليه يقرب من ربنا اكتر لما تنقطع بيه كل السبل
بصراحه الدنيا ما تنفعش من غير احلام
وشكرا يا ابو فوقيه على الموضوع الجميل ده

و الله هو موضوع سهل في نظري
انته مش فاهم بقه خلي الحاج يشوفلك حاجة في الصيدلية كدة اكيد في حاجات بتساعد
انا بهزر ياد وكمان شكرا يا كبير ع الرد

وانت تقدر ما تهزرش كنت غزيتك فى كرشك وما طلعتش عليك شمس

اه عندك حق

بص بقى يا منسى .....

انا عمرى ماحلمت بحاجه و حققتها..

يعنى عمرى ما امنيت حاجه و حصلت ..

حاجات كتير بقى على اختلاف نوع الحلم وطبيعته ...




لدرجه ان انا بقيت بخاف احلم بالحاجه اللى انا عاوزها


لاحسن ماتتحققش ...




فانا هاتمنى اى حاجه غير الحاجه اللى انا عاوزها ....

يمكن اقدر احقق اللى بتمناه...











و فى النهايه ما سيحدث لى بالفعل هو قدرى .....














و حلمى الوهمى اللى عمره ما هيتحقق انى ابقى مليونير وانا تحت التلاتين ..

اه يا احمد يا محمود دي مستحيلة صحيح
و احبيشي
اهوه فهم اهوه عقبالك
و انا حلمي المستحيل اني اكون اذكى من اينشتين
و ده طبعا محصلش

ههههههههههه
والله انا ديما بحلم باحلام عارفة انها عمرها ما هتتحقق
بس اصلا مش شرط ان الانسان يحلم بحاجة وتتحقق

كفاية المتعة فى انك تحلم وتتخيل

انا برضه والله كان نفسي ابقى اذكى انسانة فى العالم
وكمان انى ابقى افضل واشهر رسامة فى العالم برضه
وكمان كده حلم طفولى واهبل بس بلاش اقوله عشان ما تضحكوش

بس الموضوع حلو اوى ياد/احمد شكرا ليك

قشطة

dezner كتب:قشطة

ايه انته كان نفسك تاكل اشطة ولا ايه
يا عم قولي وانا اجبلك من عندنا

mima كتب:ههههههههههه
والله انا ديما بحلم باحلام عارفة انها عمرها ما هتتحقق
بس اصلا مش شرط ان الانسان يحلم بحاجة وتتحقق

كفاية المتعة فى انك تحلم وتتخيل

انا برضه والله كان نفسي ابقى اذكى انسانة فى العالم
وكمان انى ابقى افضل واشهر رسامة فى العالم برضه
وكمان كده حلم طفولى واهبل بس بلاش اقوله عشان ما تضحكوش

بس الموضوع حلو اوى ياد/احمد شكرا ليك

لاء قولي عادي منا وانا صغير كنت بحلم ان انا عندي مخزن مسدسات و بنادق خرز و برجع بالزمن احارب الكفار بيهم
عادي قولي و لا يهمك

Dr/Asmaa كتب:
موضوع حلو اووووي
انا بقي متعتي في الحياة اني احلم واتخيل
واجمل حاجة فيا اني عمري ما بياس من انها تتحقق
الدنيا دي من غير الاحلام لا تطاق
وسبحان الله له في ذلك حكمة
ميرسي ع الموضوع يا د\احمد

لو بطلنا نحلم نموت هيا اه اغنية وملهاش معني بس حصل خير
شكرا ع المرور

موضوع فكرته حلوه
بالنسبه ليا ما بحلمش ولو حلمت بتبقى كوابيس دى وانا نايمه


وانا صاحيه بقى
فانا شخصيه متشائمه لابعد حد
بالرغم انى حققت كتير من اللى بتمناه
وهو انى دخلت اسنان بجد كان حلم حياتى
بفضل ربنا طبعا
والحمد لله


شكرااااااا يا دكتور على الموضوع الجميل ده

funny girl كتب:موضوع فكرته حلوه
بالنسبه ليا ما بحلمش ولو حلمت بتبقى كوابيس دى وانا نايمه


وانا صاحيه بقى
فانا شخصيه متشائمه لابعد حد
بالرغم انى حققت كتير من اللى بتمناه
وهو انى دخلت اسنان بجد كان حلم حياتى
بفضل ربنا طبعا
والحمد لله


شكرااااااا يا دكتور على الموضوع الجميل ده

اولاشكرا على الرد
و ثانيا التشاؤم مكروه في الاسلام ده كمان منهي عنه

عَنْ أَنَسِ بْنِ مَالِكٍ رَضِيَ اللَّهُ عَنْهُ عَنْ النَّبِيِّ صَلَّى اللَّهُ عَلَيْهِ وَسَلَّمَ قَال : ( لا عَدْوَى وَلا طِيَرَةَ وَيُعْجِبُنِي الْفَأْلُ ، قَالُوا وَمَا الْفَأْلُ ؟ قَالَ : كَلِمَةٌ طَيِّبَةٌ ). رواه البخاري (5776) ومسلم (2224) .
عن عبد الله بن مسعود قال : قال رسول الله صلى الله عليه وسلم : ( الطيَرَةُ شِرْك ) .
رواه الترمذي ( 1614 ) وأبو داود ( 3910 ) وابن ماجه ( 3538 ) ، وصححه الألباني في " صحيح أبي داود " .

و قال الحافظ بن حجر العسقلاني عن الجاهلية انهم كانوا كثيرا ما يتطيرون ويصح معهم ذلك لتزيين الشيطان و قد بقى الكثير من التطير مع كثير من المسلمين



انا اسف ان كنت دخلت في موضوع تاني بس قولتها للافادة فقط
و باذن الله هعمل منها موضوع بس بع ما اصحى

و شكرا ع المرور مرة تانية