قبل...............وبعد................

انا على ما اظن شايف ان الحياه قبل الجامعه كانت حاجه و دلوقتي حاجه من حيث كل حاجه
الاصحااب الدرووس البيت الخروج اللعب المذاكره كل حاجه

ممكن كل واحد يقول ايه الفرق اللي حصل عنده قبل الجامعه ودلوقتي خاصه ان عدى سنه

مش فاهم يعنى عايز ايه :P

عااايز سلامتك يا معلم متفتكرنا بكييس جوافه ولا بطيخه كده وانت داخل

اه طبيعي في فرق دلوقتي ...
يعني ايام الجامعة كنت كل يوم تختلط باصحابنا وكده اللي في جامعه

وتقابل ناس من هنا وهنا ... لكن دلوقتي رجعت لحياتك الطبيعيه تقريبا
اصدقاء معروفين واهل وقرايب وكده
واظن نادر كل واحد فينا لما يشوف زمايله اللي ايام الجامعة
الا لو كانوا صحاب من زماان ...
شكرا يا احمد على الموضوع ...
تقبل مروري...

شكرا يا أيمن على المرو الجميل شايف الردود يا سعداوي؟ :mmmm:

قبل الجامعة كنت حاسة ان شئ محتاج يكتمل في شخصيتي
قبل الجامعة كنت اتوقع ان حياة الجامعة راحة شوية
قبل الجامعة كانت حياتي مليانة بالحزن

بعد الجامعة
حسيت بنضج كبير في شخصيتي :okok:
واتاكدت ان حياة الجامعة اصعب
وبقت حياتي اكثر حزن

شكرا علي فكرة الموضوع الحلوة

شكرا على المرووور :greet:

بس موضوع الحزن ده مش مرتبط بالجامعه او بغيرها او بالمكان مرتبط بيكي انتي

[quote="Ahmed El Metwally"]شكرا على المرووور :greet:

بس موضوع الحزن ده مش مرتبط بالجامعه او بغيرها او بالمكان مرتبط بيكي انتي[/quote


كلامك صح طبعا
بس انا حياتي بقت اكتر حزن لاني دخلت المدينة الجامعية وشفت فيها ايام ربنا ما يوريها لحد
ولو مكنتش دخلت الجامعة مكنتش دخلت المدينة
يعني الاتنين مرتبطين ببعض عندي

بردو مش كده الواحد ممكن في اي وضع و اي مكان يخلي الحزن ميعملش فيه كده الموضوع متوقف عليكي انتي ممكن تخلي لحظه وحده حلوه اكبر من يوم كامل وحش وممكن العكس

عندك حق
وده والله اللي بحاول اعمله
علي قد ما اقدر يعني

الحياه كانت قبل الجامعه جميله جدا

لكن في الجامعه الوضع اجمل و اجمل
احتكاك اكتر بالواقع مشاكل و افراح و احزان
حاجات كتير اتعلمتها
و ناس كتير قابلتها غيرت فيا حاجات كتير


شكرا يا احمد ع التوبيك

شكرا يا ميجا باشا على مروووووورك :greet:

انا قبل الجامعة كنت حاسس اني لسه صغير وشخصيتي ضعيفة دا عالاقل في بيتنا وكدا وطريقة تعامل الناس معايا

اما لما دخلت الجامعة عرفت ان انا كنت (هايف) في حاجات كتير وعرفت حاجات كتير غلط كنت بحسبها عادي

وبرضه منكرش اني عملت حاجات كويسة كتير السنادي وعرفت اصحاب كتير كويسين وعرفت الوحش اوي وعرفت اتعامل معاه ازاي؟

وفي الجامعه بطلت العب بلياردو وبلاي ستيشن
بس دخلت بدالهم في النت

واهم حاجه بقا اتعلمت ازاي اقدر اذاكر المادة كلها لوحدي واحضر محاضرة واكتب من ورا الدكتور والفضل هنا يرجع بعد ربنا طبعا لاخواتي اللي علموني كل حاجه قبل ما ادخل الكلية
لان نظام المدارس كله بيعتمد على ان الاستاذ بيحفظك وبس

واتعلمت متخدعش في حاجات كدا ومرميش ودني لكل واحد يتكلم

وبسسسسسسسسسسسسس كدا

انا بردوا مكانشى فرق كبير لانى اخدت ع جو الجامعة بسرعة اوى بس قبل الجامعة كان الواحد ملتزم الى حد ما اما ف الجامعة فالامور اتغيرت نسبيا وكمان ف الجامعة الواحد عرف اصحاب بجد كويسين اوى وكمان انا حست انى كبرت
وبطلت ف الجامعة العب بينج بونج لانى كنت بلعهبا ف الثانوى اكتر ما بذاكر
لدرجة انى كنت قبل الامتحان نروح نلعب بينج بونج ف الثانوى

شكرا احمد ع التوبيك

iam not the best but iam different

thnx kazkoza 3ala el mroor

thnx ya nabeeh basha

thnx ya active 3ala el rad

انا عن نفسي بقى

في فرق حصل بس مش اوي يمكن الاصحاب اتغيرت وطريقة تقدية اليوم اتغيرت بس هو نفس الاحساس تقريبا الفرق اني في جامعه بس في الاجازه مش حاسس بفرق اوي عن الاجازه اللي فاتت بس اللي مخلي ان مفيش فرق اوي ان انا بحب اعيش حياتي يمكن فرقت معايه في ايام الدراسه ان معاييش صحابي اللي كنا دايما مقديين وقتنا فا كنت بقديه لوحدي معظم الوقت عشان الناس اللي معايا في الدروس ملهمش في الحوارات دي اوي بس الحمد لله في الاجازه الواحد رجع لاصحابه

في البييت طبعا اختلاااف كبييييييييييييير من حيث كل حاجه

في التفكير برده كبرت شويه بس مينفع اقول انني كنت هايف لان كل مرحله وليها دماغها

لا مش قصدي يا احمد ان شخصيتي كانت هايفة
انا اقصد اني لما بقعد افتكر ايام المدرسة والاعدادي والثانوي وكدا بحس اني كنت بعمل حاجات هايفة اوي يعني

اما انا عمري ما هقصد اقول عن نفسي اني هايف

انا فاهم برده مش كده بردو كل ايام وليها عقلها يعني انا سعات اوا و اصحابي بتضرب في دماغنا نعمل حاجات هبله من بتاعت ايام سنوي دي لانها مكانتش هايفه هي كانت تفكيرنا احنى مش هنتولد دماغنا كبيره بس الواحد لما بيعد يفتكر بتعجبو الايام دي فا مينفعش ابصلها انها كانت حاجات هايفه

خلاص يا احمد انا اسف انا طول عمري زكاي حاد وتفكيري كويس اوي

lol مين اللي ضحك عليك وقالك كده ؟؟؟؟؟؟ lol

قبل الجامعه مكنتش بركز في صحوبيه ومكنش لبا اختلاط بحد من الرس للبيت والعكس وفي ناس كنت فاكره انهم صحابي بس اكتشفت حالا انهم صحاب مصلحه وبس بعد الجامعه حسيت اني تحملت مسؤليه وخصوصا لما روحت المدينه ازاي ارجع مالاقيش ماما وازاي احضر لنفسي الاكل واعتمد علي نفسي اعتماد كلي بس اكيد ده قوي شخصيتي لاني مش هفضل علي طول مع ماما ههههههههههه وكمان اتعلمت اني اعامل الناس كويس ايا كان الي قدامي واني مااتخدعش في صحوبية حد