الجواز فى مصر على مر العصور!!!!

من طرف dr.omnia الجمعة مارس 27, 2009 7:50 pm

طرق الزواج

مصر الفرعونية

بابا انا عايز اتجوز اختى حت حور
خلاص يا ابنى خليها تنقل حاجتها فى قوضتك.. وابقى هاتلها حجرين صوان هدية..
مبروك يا تاح

مصر فى عصر الرومان

تتجوزينى يا افروديت
اتجوزك يا بانسيلوس
يللا بينا نبنى كوخ ع البحر ونعيش هناك يللا

مصر بعد الفتح الاسلامى

ولدى خالد يا شيخ احمد بيريد يتجوز ابنتك البكر الكريمة.. وبيبنى خيمة.. ويقدم مهر بعير
والله خالد ولدك زين الرجال .. وايش اتمنى غير رجل صالح يكون زوج لبنتى ..

وكما قال رسول الله صلى الله عليه وسلم ' ان جاءكم من ترضون دينه وخلقه فزوجوه ' ....

قيموا الافراح

مصر 1919

انت ح تتجوز بنت الحاج عبد الجليل .. انا كلمته خلاص ووافق .. وضب قوضتك وهات خلخال .. فرحك يوم الخميس اللى جاى
طب مش اشوفها الاول يابا
انت اتجننت يا ولد تشوفها ده ايه .. انت ح تتجوز والا تخبص
حاضر يابا

مصر 1960

بقى يا ستى بنتك آمال جالها عريس
ياألف نهار ابيض يا ألف نهار مبروك
جدع طيب وابن حلال موظف فى الحقانية .. وماهيته مش بطالة ... اهو يبنوا حياتهم سوا بعد الجواز.. والا ايه رأيك يا أم العروسة؟
الرأى رأيك يا أبو العروسة .. والله العيال ح يعجزونا يا ابو محمد
فشر .. تدبل الوردة وريحتها فيها يا نرجوستى

مصر فى عصر الانفتاح

اخرسى يا بنت... انا اللى يتجوز بنتى لازم يكون عنده شقة تمليك وعربية وسوبر ماركو
بس يا ماما
ما فيش بس.. انا وابوكى قبل ما يموت فى الحرب كانت بتعدى علينا ايام ما بنلاقيش ناكل.. انا يا بنتى مش عايزاكى تتعذبى زى ما احنا اتعذبنا.. انتى ح تتجوزى فتحى ابن خالتك
بس انا مش بحبه يا ماما
الحب ما بيأكلش تونة فى الزمن ده يا فالحة
امرك يا ماما

مصر 1990

البنت: بابا ريكو حييجى يقابلك بكره وهو راجع من المول مع ديدى متتكلمش معاه فى اى ماديات من فضلك انا بشترى راجل واحنا معانا كتير وبعدين الكلام فى المهر والعفش والقايمه والفرح ده موضه قديمه وحاجات بلدى ياى
انا اتفقت معاه على كل حاجه والفرح فى كافيه ماريانو فى المعادى على الضيق كده وانا جيت اعزمك انت ومامى
الاب: مبروك يا حبيبتى

مصر 2009

بابى دودى على اللى اتعرفت عليه من الشات مشغل الويب كام و عايز يكلمك علشان يقراء معاك الفتحه اصله ملتزم اوى و مصمم يدخل البيت من ماسنجره اقصدى من بابه
الاب: على خيرة الله يا بنتى ده شكله فعلا ملتزم روحى شغلى الكاميرا و الميك واناهلبس انا و مامتك ونجى نقراء الفتحه مش انتوا اتفقتوا على كل شى يا روحى؟ يلا ربنا يتمملكم

من طرف rosey الجمعة مارس 27, 2009 8:06 pm

هههههههههههههههه

حلوة أوى يا أمنية

من طرف Den.emoOo الجمعة مارس 27, 2009 9:30 pm

ههههههههه
حلوه اوى يا امنيه
ميرسى

من طرف KAZKOZA الجمعة مارس 27, 2009 9:46 pm

ههههههههه حلوه يا امنيه ..

من طرف Dr .M الجمعة مارس 27, 2009 10:21 pm

ههههههههههههههههههههههههههههه
حلوة اوى يا امنية

من طرف dezner الجمعة مارس 27, 2009 10:40 pm

جميلة جدا

ههههههههههههه

إلى الأمام دائما يا أمنية

من طرف dr.omnia الجمعة مارس 27, 2009 10:56 pm

مييرسى يا جماااااعة

من طرف omayma الجمعة مارس 27, 2009 11:18 pm

ههههههههههههه
كالعادة حلوة اوى يا امنية

بس هو الجواز فى مصر كمان عشر سنين هيبقى شكه ازاى

من طرف Gladiator السبت مارس 28, 2009 1:04 am

lol lol

من طرف فتاة طموحة السبت مارس 28, 2009 1:10 am

حلوة يامنمنتي lol

من طرف dr.omnia الثلاثاء مارس 31, 2009 11:31 pm

merciiiiiiiiiiiiiiii ya gama3a

من طرف KiKo الثلاثاء مارس 31, 2009 11:36 pm

هههههههههههههه
بجد جامدة اخر حاجة
و الا يدخل البيت من ماسنجره دى فعلا زمن جمييييييييييييييييل
ش ك ر ا

من طرف Asmaa الأربعاء أبريل 01, 2009 9:40 am

هههههههههههههههههههههههههه
ميرسي موضوع حلو اوووووووووووووووووووووووي

من طرف dr.omnia الخميس أبريل 02, 2009 1:14 am

العفوووووووووو ميرسى كيكو واسماء

من طرف Alex الخميس أبريل 02, 2009 1:32 am

ههههههههههههه .... جامدة والله يا دوك

بس انا بتهيالي عما الواحد مننا يجي يتجوز مش هيكون دخول البيت من ماسنجره بقى موضة قديمة ويا تري هيبقى الدخول منين ؟؟؟ lol lol