بمناسبة اقتراب الامتحانات

من طرف Maldini الخميس يناير 08, 2009 11:12 pm

بمناسبه لامتحانات (الاسس والخطوات العمليه في فن الغش)

طبعا سيادتك طول السنه بتهيس والكل منتظر اللحظه الحاسمه عشان يشوف الوكسه يوم الامتحان

وسيادتك هتروح تلعب ضغط عشان تشيل المواد

فمنغير تطويل هنخش علي الموضوع وهنظبطك في الامتحانات بس ابقي افتكرني بدعوه

دلوقتى حضرتك بتبقى قاعد فى اللجنة لايص كدة وعايز تاخد كلمة من هنا او هنا

العملية دى عشان تتم ليها ابعاد كتير اوى واسس علمية مبنى عليها الكلام ده

فبعد سنوات وسنوات من البحث والدراسات المتعمقه الدائبه التي قام بها الخبراء

في فن صناعه البراشيم في ابتكار طرق الغش لخدمه ابنائنا الطلاب الفشله ومن اجل
تظبيطهم في الامتحانات وحمايتهم من السياسات الوحشيه والقهر الذين يتعرضون له
من فئه المدرسين وحرقا لقلبهم علي الورق الفاضي حددنا الاسس الاتيه لتنظيم عمليه
الغش في الامتحانات بدلا من انها سداح مداح

..........الاسس العمليه للغش في الامتحانات.............
1-اولا الاعتماد على النفس بمعنى انك ماتكونش عامل حسابك ان حد

حيغششك يعنى تظبط نفسك برشام المنهج كله او الحاجات التقيلة منه (لو سيادتك مذاكر حاجة) تمام

2-بعدين لازم تكون مصاحب 3/4 اللجنة عشان الزنقة وطبعا اللى قدامك واللى وراك خصوصا
3-تكون متفق مع الاتنين على معاد معين اول مايجى تبدل مع واحد فيهم ورق الاسئلة
ايوة ماتستغربش ورق الاسئلة هى دى المرحلة الاولى عشان بتعلموا فيها على الاسئلة
اللى انتوا مش عارفينها بعديها بفترة معينة ترجعوا ورق الاسئلة لبعض بعد ماتكونوا حلتوا المطلوب

4-بلاش انانية لما يديك ورقة الاسئلة جاوبلوا سؤالين تلاتة من اى حد او لو ماعرفتش
حورلوا فى واحد وقولوا ماعرفتش الاتنين التانيين

5-احسن واضمن طريقة (الهجوم خير وسيلة للدفاع) والله ماحتصدق حط البرشام قدامك
على الديسك فوق ورقة الاسئلة ولا حد حايسالك ايه ده
لان كل المراقبين بيركزوا على نقل الورق واللى تحت الديسكات
ولو فرضنا ان حد سالك قوللوا انك كتبتها بعد الامتحان مابدا وانت حاتتها فوق يعنى مش خايف من حاجة

6--طبعا لازم الطرق التقليدية زى انك تحط الورق فى الحمام وتدخل الحمام بعد ماتجمع الاسئلة
اللى انت محتاجها بس اللى مش تقليدى انك تحطها فى حمام المدرسين لو قريب من اللجنة
وساعة الامتحان ماحدش حايقولك ماتدخلش ده بتاع المدرسين بس وطبعا عمر ماحد يشك ان فى
حد ممكن يحط حاجة فى حمام المدرسين
7--واهم حاجة انك قبل اللجنة تتصاحب على المراقبين عشان اى مشكلة ولا حاجة حصلت ماتتبهدلش جامد

نسيت اهم حاجة لو وقعت اياك تسيح على حد مهما كان لازم تكون معاهم للنهاية انت خلاص هما لسه

وحانحط دلوقت الموضوع على شكل قواعد

.................قواعد الغش نرجو الالتزام بها..................

1--كلنا اخوات فى اللجنة من اول يوم امتحانات لاخر يوم بعد كدة اتخانق مع اللى انت عايزه
2-اياك تبخل على حد بحاجة انت عارفها(طبعا لو قريت الموضوع ده يبقى انت ولا تعرف الالف من كوز الدرة)

3-لو اللجنة سايبة لازم 3 حاجات السرعة والدقة والصمت دول حاينجحوا اللجنة كلها بجد

4-لو اللجنة سايبة ماتخدش من حد حاجة طلع برشامك على السريع كدة وخد منه الى انت عايزة بعدين غشش الناس

5-لازم قبل اللجنة المراقبين يفتكروا انك عايد اولى تلات مرات وتانية تلات مرات وتحاول تصعب عليهم بالقوى
عشان يعملوا نفسهم مش شايفينك اثناء اللجنة

وربنا يوفق الكل

هههههههههههههههههههههههههه

من طرف ???? الخميس يناير 08, 2009 11:16 pm

هههههههههههههههه
شكرا ع النصيحه

من طرف hero الخميس يناير 08, 2009 11:20 pm

هههههههههههههههههههه
موضوع جامد يا احمد
فعلا احنا شباب المستقبل هههههههههه

من طرف Den.emoOo الجمعة يناير 09, 2009 12:00 am

ههههههههههههههههههههه
ايه النصايح دى كلها 00فعلا اكيد هتنفعنا برضو
ده احنا كده اخرنى طرده مش كليه طب اسنان

من طرف KiKo الجمعة يناير 09, 2009 12:07 am

ههههههه
حلو الموضوع بس احنا اللى حاطين معظم الاسس دى

من طرف dezner الجمعة يناير 09, 2009 12:12 am

ههههههههههه

الأسس فى الغش واحدة من الصعيد إلى المحيط

أو من قنا لهنا مش كدا يا أبو حميد

من طرف dr.omnia الجمعة يناير 09, 2009 12:38 am

هى دى النصايح ميرسى

من طرف Maldini الجمعة يناير 09, 2009 1:28 am

dezner كتب:ههههههههههه

الأسس فى الغش واحدة من الصعيد إلى المحيط

أو من قنا لهنا مش كدا يا أبو حميد

اكيد طبعا هي اسس موحده لازم الكل يتبعها

ههههههههههههههههههههههههههههههه

مرسي ليكم على الردود نورتو الموضوع

من طرف Den.Esraa الجمعة يناير 09, 2009 1:42 am

ههههههههههههههههههههه
جميل اوي الموضوع يا احمد
بس نسيت حاجة؟؟؟؟؟؟؟؟؟؟؟؟؟؟؟؟؟؟؟؟؟
افرض كان الامتحان عملي نعمل ايييييييييييييييييييه؟؟؟؟؟؟؟؟؟؟؟؟؟؟؟؟؟؟؟ :scratch: :pale: