كرسي الاعتراف

dr_little angle كتب:لالالالالالالالالالا خالص متعرفيهاش :fun:

doctor1992 كتب:ومعلش ياماهى كنت عايزه بس اقول رايى هو صح ياهيرو انت معاك حق هو فعلا ده شاغل بنات كتير اوى وانا عارفه وسمعت طبعا من بنات كتر كده بس طبعا مش كل البنات تفكيرها كده وده ان رجع يرجع للتربيه وللام والاهل هما اللى بيزرعوا ف البنات الرغبه دى

hero كتب:خلاص اوكى ما دام انتى محتفظة برايك لكن انا عمرى ما هغير رايى


طب سؤال رايك فى الاشخاص التالية

فاطمة صاحبتى طبعا مش محتاجة اتكلم عنها
رنا بجد طيبة اوى
ايمان طيبة جدا بس بتزعل بسرعة بس الحمد لله رجعت نورت المنتدى تانى
فيرجنيا متكلمتش معاها كتير بس باين عليها محترمة
ميرو عسولة ودمها خفيف وطيبة اوى
اوشى صاحبة ميرو فاكيد زيها
سوما انسانة محترمة بس بتزعل بسرعة
فتاة طموحة طيبة جدا جدا ومحترمة اوى وانا عن نفسى بحبها وبحترمها جدا
امنية انسانة محترمة جدا ودمها خفيف




هيرو انسان طيب ومحترم
دزنر طيب اوى برده
كيكو صاحب هيرو فبرده بحس انه زيه
فرج من الناس اللى بجد بحترمهم
الشربينى انسان مثقف جدا ومحترم
متولى الادمن
سعداوى معرفش غير ان اسمهbad boy
نبيه انسان محترم جدا وبيحب الضحك وانه يخدم الناس
خالد انسان محترم
ولو انا نسيت حد وعاوزة تقول رايك فيه قولى
لا تقريبا منسيتش بس فى ناس كتير من اللى انت قولتهم انا مش عارفاهم غير على المنتدى بس فاكيد مقدرش احكم كويس على شخصياتهم بس خمنتهم من التعاملات يعنى
وميرسى على السؤال الكبيييييييييييير

AHMED NAPEEH كتب:يا مرحبا ماهيتاب عالكرسي
استعدي

AHMED NAPEEH كتب:انا جيييييييييييت
اهلااااااا
1-ايه طموحك في شغلك؟
انى انجح اولا وابقى دكتورة كويسة ومعروفة
2- هل فيه حد زعلانه منه بس مش عاوزه تقوليله ؟
لا انا مش بحب اكتم فى نفسى لو حد زعلانة منه هقوله على طول
3-يعني ايه صداقه ؟
اعظم شئ فى الوجود لان الانسان ميقدرش يعيش لوحده لازم يكون حواليه ناس مثلا اهله وهما برده اصدقائه او ان كان اصدقائه من بره اهله
4-ايه الحاجه اللي تزعلك بجد ؟
ان حد يزعل منى على حاجة انا معملتهاش
5-لو في يوم صحيتي من النوم لقيتي نفسك لوحدك في البيت هل ده هيغير من نظامك اليومي؟يعني انا لما مبلاقيش حد في البيت بنام قدام التلفزيون وانتي؟
لا انا عن نفسى قبل ما انام بكون محدده ايه اللى هعمله تانى يوم فمعتقدش انه لو اتغير هيتغير اوى يعنى
6-هل عندك احساس انك عندم ميزة مش موجوده عند حد؟موهبة يعني
مفيش انسان زى التانى اكيد
7-لو حد زعلك هتقوليله ايه؟
هعرفه انه زعلنى لانى انا قولت انى مش بحب اكتم جواية حاجة تفضل مزعلانى
8 بتقدري تتحكمي في نفسك وقت الغضب؟ ولا ؟
هو انا بحاول بس فى اوقات مبقدرش
9-اخواتك حد منهم اقربلك من التاني؟
هو انا ليا اخ واخت واختى هى الكبيرة فمهما كان هتكون هى اقرب لى
ولي عودة
مستنية
وشكرا عالكلام الجميل عني
العفو وانا بجد قولت الحقيقة واللى عرفته عنك من ردودك

dezner كتب:1-مــــن هى ماهيتاب ؟
طالبة فى اعدادى اسنان بتحب التعاون والصداقة وانها تتعرف على ناس جديدة وبتكره الكذب وبتخاف (هو ممكن يكون مش خوف هو حذر)
2- ماهو هدفك ؟
انى كون انسانة ناجحة فى عملى واكون دكتورة معروفة

3-ماهي أمنيتك؟
رضا اهلى عنى

4-ماهي رؤيتك للحياة ؟
يوم ليك ويوم عليك

5-ماهي رسالتك في هذه الحياة ولمن توجهها ؟
انى اكون دكتورة ناجحة (لمامتى)

6-ماهي التجربة التي تتمنى تكرارها ؟
انى اسافر اسكندرية تانى

7-ماهو أفضل مكان تتردد إليه ؟
الكلية مجبرة اعمل ايه

8-مـــــن اكثر شخص تقدره ؟
ماما

9-من هو توأم روحك ؟
واحدة صاحبتى
10- ما هو اكثر شئ تخشاه ؟
الفشل

11- ماالذي يشعرك بأكثر قدر من الحرج
انى اكلم حد وبعد ما اخلص كلامى يقولى كنتى بتقولى ايه
12-شخص تحتاج لقربه الآن منك ؟؟
اختى
13-متى تغضب ؟
اما حد يقلل من كرامتى
14-باقة ورد لمن تهديها ؟
لماما
15- باقة شوك لمن تهديها ؟

مش لحد مفيش حد ممكن اكرهه اوى كده
16- شخص لا ترفض له طلبا؟

مامتى وبابا بحاول على قد ما اقدر
17-ماهي أعظم صفة تفضلها ؟
الصدق
18-وماهي اكره صفة تنبذها ؟
الخيانة والكذب
19-أعظم شيء فقدته ؟

قلمى الرصاص

20-وأعظم جرح دفنته ؟
مفيش
21- اسوأ خبرسمعته ؟
دخول مامتى المستشفى
22-ماذا يمثل لك الموت ؟
حاجة صعبة اوى وبحاول على قد ما اقدر انى اعد لليوم ده
23-دعوه صادقه من اعماق قلبك لمن تهديها ؟
لماما
24-اوصف نفسك كما تراها ؟!
ما انا قلتها فى الاول

البشمهندسه حسناء كتب:امتي زعلتي من الدنيا بجد؟
بعد نتيجة 2 ثانوى
امتي الدنيا زعلت منك بجد؟
اما بزعل مامتى بحس ان الدنيا كلها زعلانة منى بس بصالحها على طول
امتي حسيتي بالندم؟
فى اخر كل يوم المفروض كنت اذاكر فيه ومذاكرتش
امتي حسيتي انك اسعد واحده في الدنيا؟
بعد نتيجة التنسيق لانى بصراحة حاسة انى مكنت هلحق اى كلية كويسة معرفش ليه
ايه الحاجه اللي مش عايزه تشوفيها ابدا؟
ان نتيجة تكون مش كويسة فى اى سنة فى الكلية
ايه الحاجه اللي نفسك تشوفيها كل يوم؟
عيلتى تكون بخير
ايه الحاجه اللي عمرك ماكلتيها ومش عايزه تكليها؟
الماندى
ايه الحاجه اللي كلتيها ونفسك تكليها علطول؟
الشيكولاتة

oshy كتب:ازيك يا ماهى
خدى الشوية دول
الحمد لله كويسة يا اوش اوش
انتى تعرفى بطة من امتى؟؟
السنة دى
اكتر حاجة ندمانة عليها دلوقتى؟
بصراحة الحمد لله معملتش حاجة اندم عليها اكتر من انى مقصرة فى المذاكرة بس
امتى غلطى غى حق نفسك؟
ماهو اما مش بذاكر ببقى غلط فى حق نفسى
قبل ما تنامى بتفكرى فيه؟
الاول فى اليوم كله واللى عملته فيه وبعدين فى تانى يوم واللى هعمله فيه
واول ماتصحى اول حاجة بتفكرى فيها ايه؟
بظبط اى حاجة هعملها فى اليوم
اسعد لحظة فى حياتك؟
يوم ظهور نتيجة التنسيق
اتعس لحظة فى حياتك؟
دخول مامتى المستشفى وبعدها ممكن تكون ظهور نتيجة2 ثانوى
عمرك حد خانك او انتى خونتى حد؟
لا الحمد لله ده مش طبعى و محصلش فيا برده
ايه معنى الصداقة فى نظرك؟
احسن شئ فى الدنيا والانسان ميقدرش يعيش من غير اصدقاء بيبقى كانه فى صحراء لا فى ميه ولا خضرة ومفيش غير شمس وحر بس
لما تزعلى انتى وبطة بتتصالحو ازاى؟
الحمد لله مزعلناش مع بعض خالص قبل كده
اتكلمى عن نفسك شوية(مميزات وعيوب)
بجد طيبة وبحب التعاون والصداقة وبخاف اوى ونفسى انى اغير الصفة دى فيا بس بحس انها سلاح ذو حدين وبتعصب بس مش ممكن حد يعصبنى بسرعة بس لو اتعصبت بصراحة مش عارفة ممكن اعمل ايه فى اللى قدامى بطة بس اللى شافتنى مرة كده صح lol
الجامعة احلى ولا ثانوى؟
الجامعة بحس انها عالم كبييييييير
ايه اكتر حاجة بتحبيها فى الجامعة ؟
اصحابى
واكتر حاجة مديقاكى منها؟
فى ناس بتحب تظهر نفسها اوى
كفاية دول مؤقتا
اوك ميرسى ومستنياكى

جاسوس من تجارة كتب:

أمممممممممممم

ماسي ماسي

انا تقريبا اول مره اعرف اسمك الحقيقي ماهيتاب اسم جميل علي فكرة
ميرسى على ذوقك

مين بقي سبب التسمية للاسم ده؟
مامتى
وياتري انتي بتحبيه ولا لا؟
طبعا بحبه جدا كفاية ان ماما اللى مختاراه ليا
وياتري سمعتي اي تعليق سخيف علي الاسم قبل كدا؟
لا بصراحة مفتكرش انى سمعت قبل كده اى تعليق مش كويس عليه
ومين الي بتحبيه وهو بينطق اسمك؟
هو مفيش ناس كتير بتقول اسمى على بعضه بس بحب اسمعه من اختى ومامتى