كرسي الاعتراف

dr_little angle كتب:وادى شوية اسئلة كمان
سورى يا ماهيتاب مكنتش شوفتهم و الله

1/ ما هو أكثر شيء يخيفك في حياتك؟ وإذا تعرضت له ماذا تفعل؟
الفراق , ممكن انهار و يأثر عليا اوى

2/ هل يمكن أن تترك أعزأصدقائك لأجل من تحب بمجرد أن تعرف أن هذا الأمر يغضبه؟ماذا تفعل؟
هفهم وجهة نظره و هو ليه غضبان الاول و لو مش مقتنع ممكن اسيبه
بس اسيب اعز اصدقائى عشان حد بحبه مش عارف بجد

3/ إذا خيرت أن تذهب إلى جزيرة ولا بد أتختار شيئاً واحداً فقط معك وكذلك شخص واحداً فمن ستأخذ؟
لاب توب متوصل بيه نت مش عارف ازاى بس عشان ادخل ع المنتدى
و هختار محمد مجاهد واحد صاحبى زى اخويا بالظبط

4/ اذا وقفت عائلتك أمام من تحب وانت مقتنع به تماماً فما هو رد فعلك؟
هحاول اقنعهم بأى طريقة لو مش وافقوا هاختار اللى بحبه هعمل ايه يعنى

5/ مع ذكر الاسامي. إلى من تهدي هذه الكلمات؟
أكرهك/ الله يسامحك/ الله ينتقم منك/ الحنان / العذاب/ جرحتني/بضحي من اجلك/ ما تستاهلش.
هى مش لدرجة الكره انا الحمد لله مبكرهش حد ممكن مخنوق من مون نايت/واحد صاحبى/اسرائيل/امى/الثانوية العامة/محدش/اصحابى/محدش
كفاية كده دلوقتى

فتاة طموحة كتب:حبة اسئلة خفيفة كدا لحد ما افوق
1- ما لديك من الاخوة والاخوات؟؟
عندى اختين أصغر منى

2- ما اسمائهم؟؟
رضوى و روان

3- ما اعز اخ او اخت واقرب الى قلبك؟؟
يعنى روان اكتر

4- ماذا تمثل لك الاسرة الهادئة المستقرة؟؟
كل حاجة و الحمد لله اسرتنا كده و ده بالدنيا كلها

5- مرت ايام صعبة في الاسابيع القليلة الماضية... ما نظرتك لها وبما تصف اهل غزة والعرب وكذلك المصريين على وجه الخصوص؟؟
ايام صعبة اوى بس ربنا يخفف عن اخواتنا فى غزة
و اصف العرب انهم متكاسلين جدا
و المصريين كفاية ان احنا بنصدر الغاز لاسرائيل و بسعر منخفض جدا بس

6- هل ترى ان الهتاف والمظاهرات تؤدي لحل ام وكأنك يا ابو زيدما غزيت؟؟
رأيي انها وسيلة للتعبير عن الرأى بس احنا مش عرابى يعنى مش مؤثرة اوى

7- اود معرفة وجعة نظرك عن البنت المحترمة< طريقتها ، مشيتها، لبسها، وكلامها...>؟؟
البنت المحترمة بتبان من تصرفاتها فى تعاملها مع الناس و من اللبس المحتشم مش لازم نقاب بس ملابس تكون ساترة الجسم و مبتبينش حاجة و كمان فى الكلام
و التدين كمان

8- هل تؤمن بحب الجامعه او النت؟؟
اه لو كان بين بنت وولد فاهمين بعض و فى احترام متبادل بين الطرفين مش موضوع تسلية و خلاص
النت نسبة 1 % حقيقى و الباقى مزيف

9- ماذا سيكون شعورك اذا سمعت بخبر سي جدا لي او لاي عضو بالمنتدى؟؟
بجد هزعل اوى لأنكم كلكم بقيتوا زى اخواتى

10- وهل سيختلف ذلك الشعور من شخص لاخر؟؟
يمكن

11- هل انت ممن يتابعون الافلام والمسلسلات بغض النظر عن حرمتها؟؟
مش بتابع مسلسلات خالص اما الافلام انا من هواة الاكشن الاجنبى و الكوميديا العربى بس متكونش خليعة

12-اذا كنت كذلك فأي نوع تفضل منها< الرومانسية ـ الحربية ـ......؟؟
ساعات برده الرومانسية و طبعا أكشن

13- هل انت ممن يفخر بدولته عامة وببده على وجه الخصوص؟؟
طبعا انا بفخر بيها جدا

14- هل تود السفر بالخارج بعد كليتك؟؟
يا ريت

15- ماهي بلدتك؟؟
ميت غمر

16- ماذا تشعر بمكانتك بين اخوتك أي هل تشعر بان لك طباعا مختلفة عنهم؟؟
اه شوية انا كتير بحب الهزار جدا وهما مش كل الاوقات و انا مش بحب اذاكر هما بيحبوا المذاكرة بالذات روان

17- ان كنت كذلك فما الذي يميزك عليهم؟؟ وما الذي يسيئك عنهم؟؟
اللى بيميزنى انى الولد الوحيد و الاكبر واخد كل حاجة و كل الاهتمام لما كنت فى الثانوية مسألة حياة او موت لبابا و ماما و يمكن متفوق عنهم شوية فى الدراسة
اللى يسيئنى انى ساعات بتنرفز بسرعة اوى

ولي عودة

فتاة طموحة كتب:يعني ايه من الدار للنار
مممممممم
ماشي في انتظار الاجابة

dr_little angle كتب:من أحب الناس إليك ؟
ماما طبعا و بابا و اخواتى و اصحابى

. من الصديق الوفي برأيك ؟
اللى يشيل صاحبه حتى لو مش موجود و يخاف عليه من أى حاجة و كمان يبقى سرى معاه و مخافش انه يطلع بره من الاخر يبقى انا

. هل هناك الأصدقاء تخليت عنهم ؟
لأ مش اتخليت عنهم بس اختلاف الكليات و الجامعات فرقنا بس لسه بنسأل على بعض

. ما هو اسعد يوم في حياتك ؟
يوم ما دخلت الجامعة فى اول يوم دراسة

. مالعمل الذي تستمتع به لآخر درجة ؟
لعبة الصراحة مع اصحابى فى المدينة

. لو كان لديك مليون جنيه وعليك صرفه في 3 دقائق ماذا تفعل ؟
هتبرع بيهم للهلال الاحمر

. مالشيء الذي تفعله وسوف يحل كل مشكلاتك او اغلبها ؟
انى احاول ارضى امى على طول و طبعا ارضى ربنا

. مالحلم الذي كنت تحلم به منذ الصغر ؟
أبقى دكتور

. ما هي عيوبك ؟
سريع الغضب ساعات تقديرى للمواقف المختلفة بيكون غلط

. مالشيء الجيد فيك ولا يعرفه كثير من الناس ؟
ان ممكن أبسط حاجة تأثر فيا جدااااااااااا

. كيف ينظر الناس لك ؟
سنى صغير

. مالعقبة التي تجاوزتها بكل نجاح ؟
الثانوية المقرفة

. مالهدية التي ترغب فيها بشدة ؟
وردة

. من الشخصيات التي ترغب في مقابلتها والحديث معها ؟
دلوقتى العطار و أحمد زويل و عميد كليتنا معرفش ايه علاقتهم ببعض

. لو لم تكن اسمك فماذا تريد ان تكون ؟
محمد

. كم تريد أن يكون في حسابك الشخصي ؟
10000000000000000000000000000000000000000000000

. ما الشيء الذي لا تقوله بصراحة للآخرين ؟

. ما الذي يغضبك ؟
اشوف حاجة و متكونش على مزاجى حتى لو ملهاش لازمة

. من هم قدواتك ؟
عمى

. لو كنت لوحدك بلا أي ادوات ويحق لك أن يكون لديك شيء واحد يسليك فما هو ؟
موبايلى

. ما الذي ستفعله لو تبقى من حياتك شهر واحد فقط ؟ (ربنا يطول فى عمرك :D )
شكرا على دعائك بس طبعااااا مش هفارق المساجد و هعمل كل حاجة حلوة و هبعد عن اى حاجة تغضب ربنا تمامااااااااااا

. ما السؤال الذي تحب أن يسألك الآخرون؟
عندك كام سنة؟؟
او انت فى كلية ايه؟؟

. ما الذي فاق توقعاتك ولم تتوقع أن تفعله في يوم وفعلته؟
انى اقعد فى مدينة جامعية و حصل

. ما الذي يقربك من الله أكثر؟
ااسمع سيرة الموت و العذاب و القبر و الحاجت دى و لما افتكر كمان
احنا ليه اصلا اتخلقنا

. ما الشيء الذي تفعله وتنسى الوقت وأنت تؤديه؟
المنتدى ده

. متى تشعر بأنك سامحت شخص؟
لو اعتذرلى و كان ندمان على اللى عمله

. ما هي طريقتك في اتخاذ قراراتك؟
متسرع اوى

. لو تحليت بالصراحة أكثر والجرأة فماذا ستقول؟
فى ناس فى المنتدى هنا مينفعش يدخلوه اصلا و بلاش اسامى

.ما هي السورة من القرآن التي تحب قراءتها كثيراً؟
الرحمن

. ما هي 3 ذكريات مفرحة بالنسبة لك؟
رحلة الاقصر و اسوان فى اولى اعدادى
و دخولى الكلية
و يوم ما امى خدت جائزة المعلة المثالية
ههههههه

. متى تلوم نفسك؟
لما اجى احاسب نفسى و الاقينى عملت حاجة غلط او غلطت فى حق حد

. ما الكلمات التي تقولها لنفسك وتحفزك كثيراً؟
افتكر امل بابا و ماما فيا و الامانة اللى محملنهالى
هااااااا لسه مزهقتش
لأ لسه
اما تزهق ابقى قوووووووول لانى بجد عايزة اقعد عليه :D