(( آسفٌ يا أقصانا ))

من طرف dr_khaled الثلاثاء مارس 23, 2010 8:10 pm

بكل الخجلِ أعتذرُ

لكلِ حجرٍ في أقصانا

مكتوفٌ وما العملُ ؟

هدموا المبنى الذي بنانا

لم يقيدنا حاكمٌ أبدًا ..

بل نقصنا عملا وإيمانا

آسفٌ لأني لم أتخذْ

لك داخلَ القلبِ مكانا

لم أستشعر كونَك

قبلتنا الأولى ومسرانا

لم أقدسكَ وقد ..

خنتُك ، وأطعتُ الشيطانا

ضللنا عن الطريقِ

وهكذا كنتَ من ضحايانا

آسفٌ لأنك تُهدّمُ

وخلفَ الشاشاتِ مثوانا

لم أقدّركَ حقًا

لا .. لم أطعْ الرحمانا

آسفٌ فالدمعُ لا يشفعُ

والكلامُ لا يردُ عدوانا

إنما الاعتذارُ يريحني

يطفئُ بعضَ ما كوانا

آسفٌ لم يهدموك ..

هدمناك لتكون أنتَ دوانا

من طرف Dr/Asmaa الثلاثاء مارس 23, 2010 10:00 pm

جميل اوي اوي يا خالد
وكل الاعتذارات لا تكفي ولا تبرر موقفنا المحزن
لك الله يا أقصي

من طرف roma الثلاثاء مارس 23, 2010 10:02 pm

آسفٌ لأنك تُهدّمُ

وخلفَ الشاشاتِ مثوانا

لم أقدّركَ حقًا

لا .. لم أطعْ الرحمانا

آسفٌ فالدمعُ لا يشفعُ

والكلامُ لا يردُ عدوانا

إنما الاعتذارُ يريحني

يطفئُ بعضَ ما كوانا

آسفٌ لم يهدموك ..

هدمناك لتكون أنتَ دوانا

هو انا المفروض اقول ايه
ان القصيده حلوة
اه هى بجد حلوة بس هو دا كل الى بايدينا اننا نبكى ونتاسف بس
مفيش حاجه تانيه انا نفسي اعمل حاجه بس مش عارفه
بس خسارة بجد الف خسارة
ميرسي علي القصيده تسلم

من طرف dr_khaled الثلاثاء مارس 23, 2010 10:05 pm

أنا عارف والله انها مش كفاية
وانا كاتب انها مش حل للقضية

بس لما تعتذري لحد غلطتي في حقه بتحسي بشوية راحة .. ده كل الموضوع

ميرسي أسماء ، ميرسي روما

من طرف Busicat الثلاثاء مارس 23, 2010 10:11 pm

آسفٌ فالدمعُ لا يشفعُ

والكلامُ لا يردُ عدوانا

إنما الاعتذارُ يريحني

يطفئُ بعضَ ما كوانا

آسفٌ لم يهدموك ..

هدمناك لتكون أنتَ دوانا

حلوة اوى ياخالد
احنا شايفين كل اللى بيحصل وقاعدين ساكتين مش عارفين حتى نعمل ايه
ولا حتى نقف جنبهم حتى بالكلام

ربنا ينصرهم يارب

من طرف roma الثلاثاء مارس 23, 2010 10:17 pm

ههههههههههههه
لا سيبك من الكلام ده
معتقدش انك لما تغلط فيا غلط كبير وتيجى تقولى اسف وتمشي
هتبقي صلحت غلطك
طب مينفعش نعمل حاجه
محدش عارف طريقه نساعدهم بيها ياجماعه
والله حرام علينا
هو احنا ربنا هيسامحنا كده ؟؟؟؟؟؟؟؟؟؟؟؟؟
انا مش بوجهلك كلام ع فكرة انا بكلم نفسي بصوت عالى بس حظك بقي انك جيت كتبت في موضوع تاعبنى بجد

من طرف dr_khaled الثلاثاء مارس 23, 2010 10:29 pm

أنا شايف ان الكتابة اصلا ممكن تفيد
ممكن تنشر الموضوع
وممكن تفكر الناس
ونحس شوية

انما اللي في ايدنا يا روما ان كل واحد يبدأ بنفسه .. ويشوف هو بيغلط في ايه
ويحاول يصلح نفسه
لانهم دايما بيقولوا القدس ترمومتر الأمة

يعني لو اتصلح حالنا
أعتقد الوضع هيختلف

من طرف dr_khaled الثلاثاء مارس 23, 2010 10:37 pm

ميرسي يا اية

من طرف roma الثلاثاء مارس 23, 2010 10:39 pm

هو احنا لسه هنيجى نصلح حالنا دلوقت
بعد ايه
بعد محاصرو القدس وبعد ممنعو ابطال المقاومه من انهم يدافعو عنه وبعد مقررو يبنو كنيسه قدام القدس مباشرة وبعد ممنعو اى مسلم فلسطينى يدخل المسجد
متهيقلي لو كنا عايزين نصلح نفسنا كنا صلحناها من زمان اوى
دا غير اننا اصلا لو صلحنا نفسنا زى ماانت بتقول هنعمل ايه يعنى هنحس بيهم هنزعل شويه ولا هنعيط شويتين طب اوكى وبعدين يعنى ايه الى هيحصل بقي ...........nothing

لو كانت الكتابه بتفيد زى ماانت بتقول
كان زمانها فادت من زماااااااااااااان اوى بس للاسف معتش حاجه بتاثر فينا وكاننى خدنا علي كده ومستنين الفرج من عند ربنا
يااااااااااااااااااااااااااااااااااااااااااااااااارب انت الى قادر عليهم يارب

من طرف dezner الثلاثاء مارس 23, 2010 10:46 pm

بماذا تفيد الاعتذارات

مالنا من عذر اقصانا الجريح

اه يا قلبى

شكرا لتعبيرك يا خالد عن مشاعرك تجاه حبيبا النازف

شكرا

من طرف dr_khaled الثلاثاء مارس 23, 2010 10:51 pm

روما "لا يغير الله ما بقومٍ حتى يغيروا ما بأنفسهم"
مينفعش نقول بعد ايه

ممكن نبدأ من دلوقتي
الأندلس كانت معانا 500 سنة في الاخر الغرب خدها

ممكن نعمل العكس هنا

مينفعش نستسلم ونقول لو كان ينفع نعمل حاجة كنا عملنا من زمان
ونستني الفرج من عند ربنا
ربنا مش هيدي لناس مبتشتغلش

من طرف dr_khaled الثلاثاء مارس 23, 2010 10:53 pm

ميرسي يا عطار
نورتني

من طرف roma الثلاثاء مارس 23, 2010 11:03 pm

في واحده صاحبتى من فلسطين قالتلي
انتو بتعملولنا ايه متقولوش انتو واقفين جانبينا
انتو اخر ناس بتفكر تقف جنبنا
احنا محدش عالم بينا غير ربنا
قالتلى كمان دا حتى المعبر الى كان بيسمحلنا نجى عندكو قفلتوه
تعرفي تقوليلي عملتولينا ايه لحد حالا وقفتو جنبنا ازاى

هى طبعا متقصدش تحملنى الذنب بس كانت بتقول رايها فينا
تعرف انت ترد عليها بقي علي كلامها يعنى

من طرف dr_khaled الثلاثاء مارس 23, 2010 11:13 pm

لا
لان احنا فعلا معملناش حاجة

وانا بقولك المفروض نبتدي نعمل

مش نستسلم ونيأس

واصلة الفكرة ؟ ولا ايه ؟

من طرف roma الثلاثاء مارس 23, 2010 11:21 pm

ولا ايه
ههههههههههه
انت اصلا مقلتش نعمل ايه
طب انت بتعمل ايه

من طرف sheref ashraf الثلاثاء مارس 23, 2010 11:24 pm

حلو اوي الكلام دا بس لو كنت عاوز تشارك في حاجه في ناس نزلت وعملت مظاهرات و عملت وقفات انت مشاركتش ليه ؟؟؟ و ليه الوقتي بتندم كدا مفروض انك تشوف مفروض تعمل ايه وتعملو بدون اي ندم
جو اهيد القصيدة حلوة فعلا

من طرف جميلة الثلاثاء مارس 23, 2010 11:25 pm

حلوه اوووووي اوووووووووووووووي بجد

تسلم ايديك

هو فعلا الكلام مش الحل

بس اهو تعبير عن الجوانا و خلاص احسن ما نموت من الغيظ

بس انا قلت قبل كده احنا مش هناخد حقنا منهم الا لما ندي لربنا حقه

من طرف dr_khaled الثلاثاء مارس 23, 2010 11:27 pm

لا قلت بس انتي مش خدتي بالك

"انما اللي في ايدنا يا روما ان كل واحد يبدأ بنفسه .. ويشوف هو بيغلط في ايه
ويحاول يصلح نفسه
لانهم دايما بيقولوا القدس ترمومتر الأمة

يعني لو اتصلح حالنا
أعتقد الوضع هيختلف"

من طرف roma الثلاثاء مارس 23, 2010 11:30 pm

اوكى ياخالد بس كلامك مش واضح برده
عموما متتعبش نفسك معايا
اصل انا مش بقتنع بسهوله

من طرف dr_khaled الثلاثاء مارس 23, 2010 11:31 pm

sheref ashraf كتب:حلو اوي الكلام دا بس لو كنت عاوز تشارك في حاجه في ناس نزلت وعملت مظاهرات و عملت وقفات انت مشاركتش ليه ؟؟؟ و ليه الوقتي بتندم كدا مفروض انك تشوف مفروض تعمل ايه وتعملو بدون اي ندم
جو اهيد القصيدة حلوة فعلا

احنا لو هنفترض ان دي توبة
يبقي لازم يكون فيها ندم
الانسان لازم يعرف انه كان ماشي غلط وينكر الغلط ده بقلبه ويندم عليه ويبتدي يعمل الصح
وكلنا غلطنا في حق الأقصي

من طرف dr_khaled الثلاثاء مارس 23, 2010 11:33 pm

جميلة كتب:حلوه اوووووي اوووووووووووووووي بجد

تسلم ايديك

هو فعلا الكلام مش الحل

بس اهو تعبير عن الجوانا و خلاص احسن ما نموت من الغيظ

بس انا قلت قبل كده احنا مش هناخد حقنا منهم الا لما ندي لربنا حقه

ميرسي يا جميلة
دي نفس فكرتي

من طرف dr_khaled الثلاثاء مارس 23, 2010 11:35 pm

roma كتب:اوكى ياخالد بس كلامك مش واضح برده
عموما متتعبش نفسك معايا
اصل انا مش بقتنع بسهوله

بكل وضوح يا روما
يعني حد مش بيصلي أو مش منتظم في الصلا يبتدي يصلي .. ونقرا قران .. ممكن نصوم وندعي ع الفطار .. ممكن نتصدق .. نذاكر .. نتغير للأحسن

فاهمة الفكرة ؟

من طرف roma الثلاثاء مارس 23, 2010 11:42 pm

تغيرك ده هيبقي لنفسك
مش لحد تانى هتبقي الاحسن طب اوكى بس لنفسك برده
انت كده بتساعدهم في حاجه
وقفت معاهم في ايه
انت اتغيرت اه صح بس لنفسك مش ليهم
مفيش حل :no*:

من طرف dr_khaled الأربعاء مارس 24, 2010 12:08 am

ما انا قلتلك "لا يغير الله ما بقوم حتى يغيروا ما بأنفسهم"

يعني لما نتغير ونبقي أحسن ان شاء الله ربنا هينصرنا
ولما نبقي أمة أقوي بالعلم والعمل ربنا هينصرنا بإذن الله

من طرف roma الأربعاء مارس 24, 2010 12:22 am

ههههههههههههههههههه
انا الى قلتلك متتعبش نفسك معايا
هو انا اقتنعت بكلامك بس مش اوى
هو صح فعلا بس انا كنت عايزة حل فعال سريع يجيب نتيجه بسرعه مش حل هياخد سنين وسنين علي ميتنفز

المهم ميرسي ومعلش اكيد تعبتك في النقاش معايا
بس يالا معلش بقي

(( آسفٌ يا أقصانا ))

(( آسفٌ يا أقصانا ))

رد: (( آسفٌ يا أقصانا ))

رد: (( آسفٌ يا أقصانا ))

رد: (( آسفٌ يا أقصانا ))

رد: (( آسفٌ يا أقصانا ))

رد: (( آسفٌ يا أقصانا ))

رد: (( آسفٌ يا أقصانا ))

رد: (( آسفٌ يا أقصانا ))

رد: (( آسفٌ يا أقصانا ))

رد: (( آسفٌ يا أقصانا ))

رد: (( آسفٌ يا أقصانا ))

رد: (( آسفٌ يا أقصانا ))

رد: (( آسفٌ يا أقصانا ))

رد: (( آسفٌ يا أقصانا ))

رد: (( آسفٌ يا أقصانا ))

رد: (( آسفٌ يا أقصانا ))

رد: (( آسفٌ يا أقصانا ))

رد: (( آسفٌ يا أقصانا ))

رد: (( آسفٌ يا أقصانا ))

رد: (( آسفٌ يا أقصانا ))

رد: (( آسفٌ يا أقصانا ))

رد: (( آسفٌ يا أقصانا ))

رد: (( آسفٌ يا أقصانا ))

رد: (( آسفٌ يا أقصانا ))

رد: (( آسفٌ يا أقصانا ))