مدايق ومش عارف تنام طب ليه تخليه ينام ؟؟!!

من طرف cool.bannota السبت يناير 03, 2009 11:37 am

عزيزي الصاحي اذا كنت تعاني من أرق لأي سبب .. أو طق فيوز الندالة أو عرق الرذالة عندك وقدامك واحد نايم وحاقد عليه .. ما عليك إلا إنك تتبع الخطوات دي وسدقني ممكن يقتلك فيها ( بهزر والله بس جربو ومتخافوش )
1-اذا كان في عز نومه وانت مانمتش أو مش جايلك نوم , أدخل الغرفة وشغل النووووور واطلع بمنتهى البرووود وكإنك معملتش حاجة :P .. لو نومه خفيف هيصحى ويقوللك ( اطفي النور يا حيوان ) طبعا إحنا اتفقنا إنك بارد عشان كده متعبروش . :D

2- اكتشفت إن في بيتكم سرير وعايز تتأكد إن السرير تمام ورجليه مظبوطة ( طبعا ده السرير اللي أخينا نايم عليه ) ساعتها أقعد خبط وحرك ودق وهوا هيصحى أكيد بس خد بالك ميلائيكش تحت السرير وتبقى راسك تحت ايده معرفش ايه اللي ممكن يعمله ساعتها وآه بقا لو من هواة إنه ينام وجمبه مفتاح انجليزي !! نصيحة مني تهز السرير هزات عنيفة وقبل ما يصحى تجري يا ناااصح . :bball:

3-إذا كنت الظهر أو العصر أدخل عليه الأوضة واقفل التكييف والشباك وغطيه كويس أوي أوي ومتنساش لو كان في دفاية شغلها بالمرة عليه واطلع من الأوضة وكإنك مش عارف حاجة عن الفرن اللي شغال جوة ..

لسه ما قامش .. إوعى تيأس :pirat: :pirat:

4- حط إيدك على الراديو وشغل محطة بايظة بتاعت أغاني هابطة ويا حبذا بقا لو كانت من نوعية ( حبيبي فوق حبيبي تحت .. حبيبي رايح .. حبيبي جاي ) وعلي الوت واطلع انت برة اتفرج على التليفزيون .. :lol!:

إذا كان لسه نايم برده هات ماية باردة أوي ورش نقطة نقطة على جبهته هتلائية بيرتعش وهيمسحها قال يعني بيستهبل فيها وفاكرها نملة رخمة كمل انت ورش لحد ما يفوق ساعته ويرزع سيادتك قلم محترم !!

واذا مانجحتش كافه الطرق اللي فوق... تأكد انه مش آدمي . . خليه نايم
واطلع بدل ما يجيلك شلل نصفي..
:afro: :afro: :afro:

من طرف kareem.h السبت يناير 03, 2009 11:52 am

في كل الأحوال حتكون النهايه هي
مضروب مضروب مضروب مضروب
بس يا عالم حيكون مصيرك إيه في الضرب ( جزمه علبه كانز زجاجه .........إلخ ) إنت و حظك

من طرف cool.bannota السبت يناير 03, 2009 1:47 pm

kareem.h كتب:في كل الأحوال حتكون النهايه هي
مضروب مضروب مضروب مضروب
بس يا عالم حيكون مصيرك إيه في الضرب ( جزمه علبه كانز زجاجه .........إلخ ) إنت و حظك

بص أنا لحد الوأتي مضربتش ( إصابات خفيفة خالص )